Палатинуш (күл)
| Озеро | |
| Палатинуш | |
|---|---|
| венг. Palatinus | |
 | |
| Морфометрия | |
| Үлсәме | 0,8 × 0,4 км |
| Майҙаны | 0,32 км² |
| Иң тәрән урыны | 10 м |
| Урынлашыуы | |
| 47°43′41″ с. ш. 18°44′26″ в. д.HGЯO | |
| Ил | |
 Палатинуш Викимилектә | |
Палатинуш (мадьярса Palatinus) — Венгриялағы яһалма күл, Эстергом ҡалаһы эргәһендә медье Комаром-Эстергом районында урынлашҡан. Ул халыҡ араһында Пала исеме аҫтында билдәле, шулай уҡ уның Шаторкепустая тигән тулы исеме лә осрай. (мадьярса Sátorkőpusztai-tó). Өҫкө майҙаны — 0,32 кm².
Тасуирлама
[үҙгәртергә | сығанаҡты үҙгәртеү]
Күл Эстергом һәм Дорог ҡалалары эргәһендә Пилиш үҙәненән алыҫ түгел тауҙа урынлашҡан. Ер аҫты һыуҙары иҫәбенә тулылана һәм Венгрияла иң таҙа һыулы күл һанала, шулай уҡ медье Комаром-Эстергомда иң ҙур күл булып тора. Күл 1950 йылда Дорог тигән ерҙә Дрост ауылы янында һоро күмер сығарылған шахта урынында барлыҡҡа килә. «Палатинуш» тигән исемде Будапешт йөҙөүселәре Палатинуш баш ҡала ҡомлоғо янындағы һыу менән сағыштырып (ҡом тәбиғи фильтр ролен үтәй), күл һыуының үтә күренмәле һәм таҙа булыуына хайран ҡалғанлыҡтан бирәләр. Күл эргәһендә магазин, ҡунаҡхана һәм телеүҙәк урын алған.
1953 йылда күлдә балыҡ үрсетеүҙе башлау тураһында һүҙ алып барыусы балыҡсылар йәмғиәте төҙөлә. Күлдәң төньяғы пляж хеҙмәтен үтәй, ул һыу инергә яратыусылар һәм дайвинг менән мауығыусылар араһында бик популяр. Көньяҡ ярында 1953 йылдан алып балыҡ үрсетәләр һәм балыҡсылыҡ менән шөғөлләнәләр. 2006 йылдан дайверҙар музейы эшләй. Һыуҙың уртаса температураһы йәйен — +19 °C.
Әҙәбиәт
[үҙгәртергә | сығанаҡты үҙгәртеү]- Judit Solymár, Kovács lajos: Dorogi lexikon. 2008 Dorog. 195 S.. ISBN 963-00-4973-2.
Һылтанмалар
[үҙгәртергә | сығанаҡты үҙгәртеү]- BÚVÁRMÚZEUM (венг.)(венг.)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
