Тимербулат Ғөбәйҙулла улы Имашев(27 февраль, 1908 йыл, Аҙнай — 12 апрель 1946 йыл, Өфө) — башҡорт актеры һәм режиссеры. РCФСР-ҙың атҡаҙанған артисы^[1].

Тимербулат Ғөбәйҙулла улы Имашев Өфө губернаһы Бәләбәй өйәҙе Аҙнай ауылында тыуған, хәҙер Аҙнай (Бишбүләк районы) Башҡортостан республикаһы Бишбүләк районы. Тулы исеме — Тимербулат, ғаиләлә тәүге бала.

1920 йылда 12 йәшендә Ырымбурға педагогия техникумына уҡырға юллана. Үҙешмәкәр сәнғәт менән мауыға.

1929 йылдан — актер, һуңыраҡ Башҡорт драма театры (Өфө) режиссёры. Сәнғәт техникумының театр бүлексәһен 1930 йылда тамамлай (Өфө). 1937 йылдан— башҡорт драма театрының художество етәксеһе.

1939—1943 йылдар — Башҡорт опера һәм балет театрының баш режиссёры, уны булдырыуҙа әүҙем ҡатнаша.

Бөйөк Ватан һуғышы ваҡытында, хөкүмәт ҡушыуы буйынса берләшкән театрҙар директоры була.

1944 йылда Учалы районында колхоз-совхоз театрын ойошторорға ебәрелә. 1946 йылда Златоустан Өфөгә барған тауар поезына ултырғас, енәйәтселәр ҡулынан һәләк була.^[2]

Башҡорт театр техникумында буласаҡ актёрҙарҙы уҡытҡан.

Атаһы Ғөбәйҙулла Әхмәтзәки улы

Ҡатыны: Ғәлиә Шакир ҡыҙы Имашева, рәссам, Баймаҡ, Учалы театрҙарында, БАДТ-ла биҙәүсе рәссам булып эшләй. Иптәше һәләк булғанда ике бәләкәй бала менән тороп ҡала.

Балалар: Вил, Илмира, Урал.

• Баязит Бикбайҙың «Салауат» пьесаһы буйынса ҡуйылған спектаклдә бернесе булып, Салауат Юлаев ролен уйнай.
• Юлай («Һаҡмар» С. Мифтахов).
• Һөйөндөк («Ҡарағол» Дауыт Юлтый).
• Буранбай («Башҡорт туйы», М. Бурангулов).
• Кенәз Курбский («Борис Годунов», А Пушкин).
• Закир («Ҡара Йөҙҙәр», М. Ғафури).
• Карл Моор («Юлбаҫарҙар». Ф. Шиллер)
• Фрондосо («Һарыҡ шишмәһе» Лоп де Вега).
• Яровой («Любовь Яровая» К. Тренев).
• Жадов («Төшөмлө урын» А. Островский).
• Незнамов («Ғәйепһеҙҙән ғәйеплеләр», А Островский).
• Платон Кречет («Платон Кречет» А. Корнейчук).

«Данлы осор» Риза Ишморат, «Ҡазан һөлгөһө» Кәрим Тинчурин, «Ғәйепһеҙҙән ғәйеплеләр» (1933), «Любовь Яровая» (1937); «Дуҫлыҡ һәм мөхәббәт», С. Мифтахов (1939), «Ғәлиәбаныу», М. Фәйзи, «Башмағым» Х. Ибраһимов, опера — «Ҡарлуғас» («Ласточка»). Чемберджи (1941), «Аҡбуҙат» Спадавеккиа һәм Заимов (1942), «Евгений Онегин», «Аршын мал алан», «Ҡасҡын».

Булат Имашев исеме Бишбүләктә, тыуған ауылындағы урамға һәм Аҙнай урта мәктәбенә бирелгән, бында 2008 йылда йорт-музей асылған, актерҙың бюсы ҡуйылған. Өфөлә актер йәшәгән йортҡа мемориаль таҡтаташ ҡуйылған.

• Булат Имашев «тормошо һәм ижады», «Китап (нәшриәт)» Өфөлә 2009 г.
• Мәһәҙиев М. Театр тураһында: мәҡәләләр йыйынтығы. Өфө, 1962; Хөснийәров С. Иҫтә, һаман да иҫтә…: иҫтәлектәр. Өфө, 1996

• http://rus.bashenc.ru/index.php/8-spisok/13338-imashev-bulat-gubajdullovich(недоступная ссылка)
• http://kugkultura.ru/publ/biografii/bulat_imashev/18-1-0-178
• http://bash-portal.ru/news/newsotavtora/641-ja-pamjatnik-sebe-vozdvig-nerukotvornyjj....html 2020 йыл 21 февраль архивланған.
• http://www.bashinform.ru/news/161042-bulat-imashev-blagorodnyy-geroy-i-na-stsene-i-v-zhizni/
• http://bizhbulyak.ru/index.php/bizhbulyak-ru/nasha-gordost/38-timerbulat-gubajdullovich-imashev 2020 йыл 17 ғинуар архивланған.
• http://www.bashinform.ru/news/253999-v-izdatelstve-kitap-vyshla-kniga-o-metre-bashkirskogo-teatralnogo-iskusstva/
• http://delomirb.ru/kultura-i-iskusstvo/kultura/396-muzej-timer-bulata-imasheva-raspakhnul-dveri-dlya-vsekh-zhelayushchikh.html 2021 йыл 13 декабрь архивланған.
• http://delomir.ru/lyudi-dela/186-sluzhba-rodine-pod-grifom-sekretno.html 2021 йыл 13 декабрь архивланған.