Акимкин Василий Геннадьевич
| Акимкин Василий Геннадьевич | |
 | |
| Зат | ир-ат |
|---|---|
| Гражданлыҡ |
 СССР Рәсәй |
| Тыуған көнө | 3 июль 1965 (59 йәш) |
| Һөнәр төрө | ғалим |
| Эш урыны | 1-се Мәскәү дәүләт медицина университеты |
| Уҡыу йорто | Себер дәүләт медицина университеты |
| Ғилми дәрәжә | медицина фәндәре докторы[d] |
| Маҡтаулы исемдәре һәм башҡа бүләктәре |
    |
Акимкин Василий Геннадьевич (3 июль 1965 йыл) — Рәсәй ғалим-эпидемиологы. Рәсәй Фәндәр академияһы академигы (2016, 2014 йылдан ағза-корреспонденты), Рәсәй Медицина фәндәре акалемияһының ағза-корреспонденты (2011)[1], медицина фәндәре докторы, профессор. Рәсәй Федерацияһы Оборона министрлығының баш дәүләт санитар табибы (2007—2010). Роспотребнадзорҙың эпидемиология үҙәк ғилми-тикшеренеү институты директоры (2018 йылдан), И. М. Сеченов исемендәге Беренсе Мәскәү медицина университетының дезинфектология кафедраһы мөдире (2009).
Рәсәй Федерацияһы Хөкүмәтенең фән һәм техника өлкәһендәге премияһы лауреаты (2017)[2]. Рәсәй Федерацияһының атҡаҙанған табибы (2010).
Биографияһы
[үҙгәртергә | сығанаҡты үҙгәртеү]Новосибирск дәүләт медицина институтының медицина факультетында дүрт курсты уҡығандан һуң Томск медицина институтының хәрби-медицина факультетына күсерелә һәм уны 1988 йылда тамамлай. 1994 йылда Хәрби-медицина академияһының етәкселек итеүсе медицина составы факультетын «эпидемиология» һөнәре буйынса отличие менән тамамлай.
1988—1991 йылдарҙа армияла, Киев хәрби округының уҡыу үҙәгендә табип булып хеҙмәт итә. 1988 йылда Чернобыль АЭС-ындағы авария эҙемтәләрен бөтөрөүҙә ҡатнаша.
1994 йылда Рәсәй Федерацияһы Оборона министрлығының 736-сы санитар-эпидемиологик күҙәтеү үҙәге санитар-эпидемиологик лабораторияһының эпидемиология бүлегенең өлкән эксперт-табибы итеп тәғәйенләнә. 1995 йылдан алып Н. Н. Бурденко исемендәге Баш хәрби клиник госпиталдә табип-эпидемиологтан госпиталь начальнигының ғилми-методик эштәр буйынса урынбаҫары — ғилми-методик үҙәк начальнигына тиклем хеҙмәт юлы үтә[3], госпиталдең баш эпидемиологы була[4][5], үҙәк ғилми-тикшеренеү институтының госпиталь инфекциялар лабораторияһының әйҙәүсе ғилми хеҙмәткәре була[4].
1999 йылдан 2005 йылға тиклем аспирантураның медицина-профилактика факультетының эпидемиология кафедраһы профессоры, ә 2009 йылдан — Рәсәй Федерацияһында дезинфектология кафедраһын, И.M. Сеченов исемендәге Беренсе МДМУ профессиональ белем биреү институтының был дисциплинаға махсуслашҡан берҙән-бер кафедраһын етәкләй.
2007—2010 йылдарҙа Рәсәй Федерацияһы Оборона министрлығының баш санитар табибы[3].
2011 йылдан ҡулланыусылар хоҡуҡтарын яҡлау һәм кеше именлеген күҙәтеү федераль хеҙмәтенең ғилми-тикшеренеү институтының фәнни эштәр буйынса директор урынбаҫары.
2018 йылдан ҡулланыусылар хоҡуҡтарын яҡлау һәм кеше именлеген күҙәтеү федераль хеҙмәтенең эпидемиология Үҙәк ғилми-тикшеренеү институты директоры.
«Эпидемиология и вакцинопрофилактика» журналының баш мөхәррире урынбаҫары[6]. «Санитарный врач» журналының мөхәрририәт ағзаһы[7].
Бөтә Рәсәй микробиологтар, эпидемиологтар һәм паразитологтар фәнни-практик йәмғиәте рәйесе урынбаҫары. Инфекционистарҙың милли ғилми йәмғиәте идараһы[8] һәм коммерцияныҡы булмаған «медицина ярҙамы күрһәтеүгә бәйле инфекция контроле буйынса белгестәрҙең милли ассоциацияһы» партнерлығы ағзаһы[9]. Бөтә донъя һаулыҡ һаҡлау ойошмаһы эксперты булып тора.
Рәсәй Федерацияһы Мәғариф һәм фән министрлығы ҡарамағындағы Юғары аттестация комиссияһының медицина һәм профилактик фәндәр буйынса эксперттар советы секретары[10], эпидемиология үҙәк ғилми-тикшеренеү институтының Д 208.114.01 диссертацион советы ағзаһы[11].
1995 йылда кандидатлыҡ диссертацияһы, 1999 йылда — докторлылыҡ диссертацияһы яҡлай. Уның етәкселеге аҫтында 4 докторлыҡ һәм 17 кандидатлыҡ диссертациялары яҡлана[12].
Почет ордены (2006), шулай уҡ Почет грамоталары һәм миҙалдар менән бүләкләнгән. Рәсәй Федерацияһы оборона министрының, Рәсәй Федерацияһының һаулыҡ һаҡлау һәм социаль үҫеш министрының, Рәсәй Федерацияһының баш дәүләт санитар табибының, Рәсәй Медицина фәндәре академияһының, Рәсәй Федерацияһы субъекттары һәм өлкәләре министрлыҡтары һәм департаменттарының Рәхмәт хаттарына эйә[12]. «Фундаменталь фән һәм медицинаға ҡарамаған һөнәрҙәр вәкилдәренең медицина үҫешенә индергән өлөшө өсөн» номинацияһында Рәсәйҙең иң яҡшы табиптарына бирелгән «Призвание» Милли премияһы лауреаты(2011)[13].
600 баҫылып сыҡҡан фәнни хеҙмәттәр, шул иҫәптән 6 монография, 7 ҡулланма, 2 китап, 40-тан ашыу методик әсбаптар, күрһәтмәләр һәм тәҡдимдәр, санитар-эпидемиологик ҡағиҙәләр, Рәсәй Федерацияһының 2 уйлап табыу буйынса патенты авторы[12].
Әҙәбиәт
[үҙгәртергә | сығанаҡты үҙгәртеү]- 50 лет со дня рождения Акимкина Василия Геннадьевича / Редакционная // Вестник Российской академии медицинских наук. 2015. 70 (4).
- Организация деятельности врача-эпидемиолога лечебно-профилактического учреждения : руководство / В. Г. Акимкин. — М. : МЦФЭР, 2005. — 272 с. — (Библиотека журнала «Здравоохранение»). — ISBN 5-7709-0315-5
Иҫкәрмәләр
[үҙгәртергә | сығанаҡты үҙгәртеү]- ↑ Акимкин Василий Геннадьевич. | ИС АРАН
- ↑ О присуждении премии Правительства Российской Федерации 2017 года в области науки и техники 2017 йыл 5 ноябрь архивланған.
- ↑ 3,0 3,1 http://www.epidemiolog.ru/persons/?ELEMENT_ID=885
- ↑ 4,0 4,1 Федеральный учебно-методический центр, интернет вещание, интернет обучение, интернет трансляция, on-line телевидение, обучение закупке, on-line трансляция, госзакупки обучение… 2017 йыл 30 декабрь архивланған.
- ↑ Учиться надо постоянно: интервью с В. Г. Акимкиным // Больница. 2001. № 5. С. 5-8.
- ↑ Эпидемиология и Вакцинопрофилактика
- ↑ eLIBRARY.RU — Журнал «Санитарный врач»
- ↑ Руководство | Национальное научное общество инфекционистов 2017 йыл 23 декабрь архивланған.
- ↑ Архивированная копия. Дата обращения: 23 декабрь 2017. Архивировано 23 декабрь 2017 года. 2017 йыл 23 декабрь архивланған.
- ↑ http://vak.ed.gov.ru/documents/10179/0/Состав%20Экспертного%20совета%20по%20медико-профилактическим%20наукам.doc/d8f51770-3737-4c67-a673-5d900347753d(недоступная ссылка)
- ↑ Диссертационный совет. ФБУН Центральный НИИ эпидемиологии Роспотребнадзора 2017 йыл 18 декабрь архивланған.
- ↑ 12,0 12,1 12,2 50 лет со дня рождения Акимкина Василия Геннадьевича / Редакционная // Вестник Российской академии медицинских наук, 2015 70 (4).
- ↑ Лучшие врачи России 2018 йыл 14 июнь архивланған.
Һылтанмалар
[үҙгәртергә | сығанаҡты үҙгәртеү]- Профиль Василия Геннадьевича Акимкина РФА рәсми сайтында
Text is available under the CC BY-SA 4.0 license; additional terms may apply.
Images, videos and audio are available under their respective licenses.
