ویکی‌پدیا:جسور اوْل!
 | بۇ صفحه ویکی‌پدیا اۆچون بیر تاپشیرمادیر. تاپشیریقلار٬ رعایت اوْلونماسی لازیم اوْلان بیر ایستاندارد اوْلاراق ویکی‌پدیاچیلار طرفیندن قبول اوْلونماقدادیر. آنجاق دییشدیریلمه‌سی مۆمکوندور و ساغلام دۆشونجه ایله اله آلینماسی گرکدیر. صفحه‌ده دییشیک‌لیک ائتمه‌دن قاباق٬ بۇ دییشیک‌لیک‌لرین ویکی‌پدیاچیلاردان تأیید آلدیغینا امین اوْلون. اۇیغون گؤرمه‌دیگینیز بیر مادّه وارسا٬ دانیشیق صفحه‌سینده سببلری ایله آچیقجا یازین. |
 | بۇ صفحه بیر باخیش‌دا: نزاکت، طرفسیزلیک و اۆچ قایتاریش قانونونو نظرده آلاراق دییشدیرمه‌دن قوْرخمایین! |
خوش گلیبسن.
ویکی‌پدیا تکجه هامی جسور اولدوغو زامان باجارییلا قاباغا گئدیر. ویکی‌پدیا سؤزون اصل معناسیندا آزاد یئردیر. بوردا گز-دولاش، هئچ نه‌دن قوْرخمادان یانلیش بیلدیک‌لرینی دۆزلت، مؤحتواسینی آز سایدیغین مقاله‌لری زنگینلشدیر و... بونو ائتمه‌یه سنین تام ایختیارین واردیر! بو آزاد یئرده جمعی بیر محدودیت وار: نزاکتلی و طرف‌سیز اوْل و اۆچ قایتاریش قانونونو پوْزما!
هئچ کیمسه اؤز یاراتدیغی مقاله‌نی اؤز مالی بیلیب، باشقا ایشلدن‌لرین ضررسیز و فایدالی دییشدیرمه‌لری‌نین قاباغینی آلا بیلمز. ایندی تۆرکجه ویکی‌پدیادا ایسته‌دیگین قدر یانلیش تاپا بیلرسن (اؤزللیک‌له یازی قایدالاری پوْزونتوسو - اونلاری یازی قۇراللاری اساسیندا جورلاسانیز سیزه آلقیشلار گله‌جکدیر). بۇ صفحه‌ده بئله سیز هانسیسا یانلیشلیغی تاپیب جورلایا بیلرسینیز. سیز مقاله‌ده رادیکال بیر دَییشدیرمه ائتمک ایسته‌ییرسینیزسه، ایستیناد ائتدیگینیز قایناق اولمالیدیر. بو تهر دَییشیکلیکلری ائتمه‌دن قاباق مقاله‌نین دانیشیق صفحه‌سینده دانیشمانیز یاخشی‌دیر.
اولا بیلرکی، قاباغینیزا مؤحتواسیز، ائله-بئله یارادیلمیش و یا هئچ بیر بیلیملیکلیک دَیَری اولمایان مقاله چیخسین. جسور اول! بئله مقاله‌یه مؤحتوا، بیلیملیکلیک دَیَر وئرمه‌یه چالیش. آنجاق مقاله‌ده "اله گلن" بیر شئیین اوْلمادیغی گؤرورسن، اوندا اونو سیلینه‌جک صفحه‌لر لیستینه ((سیل)) سؤزلرینی یازماق ایله آرتیر. اگر قرارینی حاقلی بیلسه‌لر، ایداره‌چیلر اوْ مقاله‌نی سیله‌جکلر.
ایندی جسارت قازاندینسا بو یازینین اوستونه کیلیک ائت و دَییشیکلیکلری نئجه ائده بیله‌جگینی اؤیرن. اۇنوتما، ویکی‌پدیا اۆچون تکجه سن چالیشماییرسان، بۇردا سنین چوْخلو فیکیرداشلارین واردیر. چتینلیگه دوشنده اوْنلاردان کؤمک ایسته‌مک‌دن چکینمه.
هله لیک بو قدر.... ایلک مقاله‌نی یازماق اوچون بو مقاله‌نی ده اوخو (یازی‌یا کیلیک ائت) و سن آرتیق ایلکین تانیشلیق ایله سیلاحلانمیش اولاجاقسان. بیر مۆدتدن سوْنرا گؤره‌جکسن کی، ویکی‌پدیا مقاله‌لری‌نین کؤلگه‌سینده سنین د٬نیا گؤروشون داهادا گئنیشلنیبدیر.
یازدیغینیز مقاله‌لردن سون درجه ده عئینیتلی اوْل, ذهنیتلیلیکدن قاچماغا چالیش!
| عومومی باخیش | |
|---|---|
| عومومی اصل‌لر | |
| مؤحتوا سیاستلری | |
| آیری مؤحتوا سیاستلری |
|
| مؤحتوا تاپشیریقلاری |
|
| داورانیش سیاستلری | |
| داورانیش تاپشیریقلاری | |
| دییشدیرمه تاپشیریقلاری | |
| ویکی‌مدیا تشکیلاتی | |
| |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
