محمد عبدالعزیز افندی
| محمد عبدالعزیز افندی | |
|---|---|
 | |
| عثمانلی سولاله‌سی‌نین ۵-جی باشچی‌سی | |
| حؤکوم | ۱۹ مئی ۱۹۷۳ – ۱۹ ژانویه ۱۹۷۷ |
| قاباقکی | عثمان فؤاد |
| سوْنراکی | علی واصیب |
| دوغوم | ۲۶ سپتامبر ۱۹۰۱ ایستانبول، عثمانلی ایمپیراتورلوغو |
| اولوم | ۱۹ ژانویه ۱۹۷۷ (۷۵ یاش) نیس، فرانسه |
| حیات یولداشی | برکمال خانیم (ائولی ۱۹۲۹–۱۹۶۲) |
| اوشاقلار | خۆررم سولطان |
| سولاله | عثمانلی |
| آتا | محمد سیف‌الدین افندی |
| آنا | نشفلک خانیم |
محمد عبدالعزیز افندی (د. ۲۶ سپتامبر ۱۹۰۱؛ ایستانبول، عثمانلی ایمپیراتورلوغو - اؤ. ۱۹ ژانویه ۱۹۷۷؛ نیس، فرانسه)، سولطان بیرینجی عبدالعزیزین نوه‌سی و شاهزاده محمد سیف‌الدین افندی‌‌نین اوْغلودور. آناسی ایسه نشفلک خانیم دیر.[۱]
حیاتی
[دَییشدیر]شاهزاده محمد عبدالعزیز افندی ۲۶ سپتامبر ۱۹۰۱ده ایستانبولدا دۆنیایا گلدی. اوْنون آتاسی شاهزاده محمد سیف‌الدین افندی، سولطان بیرینجی عبدالعزیزین اوْغلودور. آناسی ایسه نشفلک خانیم دیر. محمد عبدالعزیز، آتاسی‌نین ان بؤیوک اوشاقی و آناسی‌نین تکجه اؤولادی ایدی. محمد عبدالعزیز گنجلیک دؤورونده مکتب اکران حربیه‌ده حربی تعلیم آلمیشدیر. ۱۹۲۴-جی ایلده سولاله‌نین تامامی سۆرگۆن ائدیلدیگینده محمد عبدالعزیز عائیله‌سی ایله بیرلیکده فرانسه‌یه کؤچوب نیس شهرینده یئرلشدیلر. محمد عبدالعزیز افندی ۱۹۷۳ده عثمان فؤاد افندی وفات ائتدیکدن سوْنرا سولاله‌نین باشینا کئچدی و ۴ ایل بوْیونجا سولاله‌یه باشچی‌لیق ائتدی و نهایت‌ده ۱۹ ژانویه ۱۹۷۷-جی ایلده نیس‌ده وفات ائدیب همن نیس‌ده دفن ائدیلدی.[۲][۳]
قایناقلار
[دَییشدیر]- ^ Adra, Jamil (2005). Genealogy of the Imperial Ottoman Family 2005. p. 17.
- ^ Kırpık, Cevdet (2010-06-01). "II. Meşrutiyet'ten Sonra Şehzade Eğitiminde Değişim". Süleyman Demirel Üniversitesi Fen-Edebiyat Fakültesi Sosyal Bilimler Dergisi (in ترکی استانبولی). 2010 (21): 99–130.
- ^ Bardakçı, Murat (2017). Neslishah: The Last Ottoman Princess. Oxford University Press. p. 17. ISBN 978-9-774-16837-6.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
