علی تبریزلی
علی تبریزلی آدییلا تانینان علی پرندبال حسینآغااوْغلو (۴ قورا پیشیرن (تیر) ۱۳۰۸، تبریز - ۱۳ دوندوران (بهمن) ۱۳۷۶، تهران) آذربایجانلی شاعیر، يازیچی، ناشر، عالیم و تنقیدچی ایدی.[۱][۲] اون‌بئش ياشیندا تهرانا گئتدیب اورادا یاشادی.
یاشاییشی
[دَییشدیر]تبریزلی علی، 1308-جی ایلین تیر آیینین دؤردونده، تبریز شهرینین «منجّیم» محلّه سینده آنادان اولموشدور. ابتدایی و اورتا تحصیلاتینی اوردا بیتیریب، بیر ایل آذربایجان دموکرات فرقهسی دؤنمینده تورکجه تحصیل آلمیشدیر. اون بئش یاشیندا تهرانا کؤچه ریلشدیریلمیشدیر. علی تبریزلی تهراندا درگی و کیتابلار اوخویوب، آنا دیلینه سئوگی و سایغی بسله‌ییر. او ایلک سئوداسینی شعرله عکس ائتدیریر و دؤنهلرله پهلوی رژیمینین زیندانلاریندا دوستاق اولور. او گنج ایکن، موختلیف ایشلرله مشغول اولور و نهایت «آتروپات» یایین ائوینی آچیر.
علی تبریزلی 1376-جی ایلین بهمن آیینین اون اوچونده تهراندا ابدیته قووشموشدور و اؤز وصیتینه اساسن دوغما یوردو تبریز شهرینین «وادی رحمت» قبرستانینین عایله وی مزارلاریندا تورپاغا تاپشیریلمیشدیر.
ایران تورکلری" مانیفئستی
[دَییشدیر]اؤزونو بیر یازیچی، آراشدیریجی، تاریخچی و دیلچی کیمی تانیتدیران تبریزلی علی، «ایران تورکلری» دئییلن مانیفئستین تئوریسینی و ایراندا تورکچولوگون بانیسی کیمی تانینمیشدیر.
اثرلر
[دَییشدیر]- غزل‌لر (علی تبریزلینین غزللری)
- گوز یاشلاری
- دیل و ادبیات
- شاه اسماعیل ختایی یاشاییشی و شعرلری (ایکی جیلدده) بۇ کیتاب بیر رومان شکلینده و آشیق روایتی اساسیندا یازیلیب و شاه اسماعیل ختایینین بیر چوْخ قوشما، غزل و دؤیوشلرینی عکس ائتدیریر. اونون عرب زنگی ایله دئییشمه و دؤیوشمهسی خصوصی ماراق دوغورور.)،
یاییملادیغی اثرلر
[دَییشدیر]- اصلی - کرم
- آذربایجان کلاسیک ادبیاتیندان شعر مجموعهلری
- فضولی دیوانی
- کوراوْغلو داستانی
- سلمان ممتازین شعرلری،
- واحیدین غزللری
- خود آموز زبان ترکی آذربایجانی با ترجمهی فارسی،
- عزیز نسینین بیر نئچه حیکایهسی،
- ساوالان ایله بیرلیکده (آذربایجان ترانهلری) (ایکی جیلیدده)
قایناقلار
[دَییشدیر]- ^ آد شوهرتی : Nəsibli . آد:Nəsib . باشلیق:TƏBRİZLİ ƏLİNİN HARAYI . آدرس Archived 2012-02-28 at the Wayback Machine.؛یوخلانمیش زامان: 2 İyun 2012؛اثر: . تاریخ:09 Dekabr 2011 . یاییم‌چی:Güney Azərbaycan Televiziyonu . آرشیو آدرسی: . آرشیو زامانی:2 İyun 2012 . دیل کودو:az
- ^ ژورنال . آد شوهرتی : ساوالان . آد: ح.م. . باشلیق: تبریزلی علی کیمدیر؟ . ژورنال : وارلیق . شوماره: ۱۰۷ . تاریخ : قیش ۱۳۷۶ . صحیفه: ۵۵
- سعید موغانلی، ابدیته دوشن یارپاق علی تبریزلی، یارپاق قزئتی، اردیبهشت - 1384، بیرینجی ایل، بئشینجی سایی، 12-جی صحیفه.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
