Yaap de Hoop Sxeffer
Vikipediya, azad ensiklopediya
| Yaap de Hoop Sxeffer | |
|---|---|
| nid. Jaap de Hoop Scheffer | |
 | |
| 5 yanvar 2004 – 1 avqust 2009 | |
| Əvvəlki | Corc Robertson |
| Sonrakı | Anders Foq Rasmussen |
 | |
| 22 iyul 2002 – 3 dekabr 2003 | |
| Baş nazir | Yan-Peter Balkenende |
| Əvvəlki | Yozias van Artsen |
| Sonrakı | Ben Bot |
| Şəxsi məlumatlar | |
| Doğum tarixi | 3 aprel 1948[1][2][…] (76 yaş) |
| Doğum yeri | Amsterdam, Niderland |
| Təhsili | Leyden Universiteti |
| Fəaliyyəti | siyasətçi, diplomat, hüquqşünas, universitet müəllimi[d], vəkil |
| Dini | Roma-Katolik kilsəsi |
| Elmi fəaliyyəti | |
| Elm sahəsi | beynəlxalq münasibətlər |
 Vikianbarda əlaqəli mediafayllar | |
Yakob "Yaap" de Hoop Sxeffer (nid. Jakob Gijsbert "Jaap" de Hoop Scheffer; ⓘ; 3 aprel 1948[1][2][…], Amsterdam) — Niderland siyasətçisi, 2004–2009-cu illərdə NATO-nun baş katibi.
Sxeffer 1967-ci ildə Müqəddəs İqnati Layola adına katolik klassik gimnaziyasını bitirmiş, 1974-cü ildə isə Leyden Universitetinin hüquq fakültəsindən məzun olmuş və hüquq magistri dərəcəsini almışdır. Universiteti bitirdikdən sonra hərbi xidmətdə olmuşdur.
Hərbi xidmətdən sonra 1976–1986-cı illərdə Niderland Xarici İşlər Nazirliyində çalışmış, ilk iki ili Niderlandın Qanadakı səfirliyində, 1980-ci ilədək isə Brüsseldə Niderlandın NATO-dakı nümayəndəliyində çalışmışdır.
1982-ci ildə Xristian Demokrat Çağırışı Partiyasına qoşulmuş və 1986-cı il parlament seçkilərində Niderland Nümayəndələr Palatasına üzv seçildi. 3 iyun 1986-cı ildən 23 may 2002-ci ilədək Niderland Nümayəndələr Palatasının üzvü kimi fəaliyyət göstərmişdir. 2002-ci il parlament seçkilərində qalib gələn Xristian Demokrat Çağırışı Partiyası, başda Yan-Peter Balkenende olmaqla, yeni hökumət qurmuş və 22 iyul 2002-ci ildən Sxeffer Balkenende kabinetində xarici işlər naziri vəzifəsini tutmuşdur. Bu vəzifədə o, ABŞ-nin 2003-cü ildə İraqa müdaxiləsində Niderland ordusunun iştirakına müsbət qərar verilməsində mühüm rol oynamışdı.
22 sentyabr 2003-cü ildə NATO-nun növbəti baş katibi seçildiyi üçün Sxeffer 3 dekabr 2003-cü ildə Niderland xarici işlər naziri vəzifəsindən istefa verdi. 5 yanvar 2004-cü ildə Sxeffer NATO baş katibi vəzifəsinin icrasına başladı. 2006-cı ilin dekabrında onun vəzifə müddətinin 2009-cu ilədək uzadılması qərara alındı və 1 avqust 2009-cu ildə o vəzifəsini Danimarkanın keçmiş baş naziri Anders Foq Rasmussenə təhvil verdi.
Sxeffer 21 iyul 2009-cu ildə infarkt keçirmiş və həkimlərin səyləri nəticəsində vəziyyəti normallaşmışdır.[3]
İstinadlar
[redaktə | mənbəni redaktə et]- ↑ 1 2 Saracino P. Jaap de Hoop Scheffer // Encyclopædia Britannica (ing.).
- ↑ 1 2 Leidse Hoogleraren (nid.).
- ↑ "Arxivlənmiş surət". 2021-10-23 tarixində arxivləşdirilib. İstifadə tarixi: 2014-08-28.
Xarici keçidlər
[redaktə | mənbəni redaktə et]
- Tərcümeyi-halı — NATO veb-saytı
- Baş katib təyin edilməsinə dair NATO-nun yaydığı məlumat
- Yaap de Hoop Sxefferin profili Arxivləşdirilib 2008-08-14 at the Wayback Machine — jurnalist Robert van de Ro tərəfindən, NATO veb-saytı
 | ||
|---|---|---|
Hastinqs İsmey • Pol-Anri Spaak • Dirk Stikker • Manlio Brozio • Yozef Luns • Piter Karinqton • Manfred Vörner • Sercio Balanzino (v.i.e.) • Villy Klaas • Sercio Balanzino (v.i.e.) • Xavyer Solana • Corc Robertson • Alessandro Minuto-Ritso (v.i.e.) • Yaap de Hoop Sxeffer • Anders Foq Rasmussen • Yens Stoltenberq |  | |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
