Qısayol: VP:KM

Mövzu əlavə et

Arxiv

Kənd meydanı

Bu səhifənin məqsədi Vikipediya ilə əlaqədar olan və cavabını bilmədiyiniz suallar verə biləcəyiniz xəbərləşmə məkanı yaratmaqdır. Vikipediyada yalnız texniki və idarəetməyə dair mövzular burada müzakirə edilir.

• İcma portalı
• İnzibatçılara müraciət
• Tez-tez soruşulan suallar
• Transliterasiya
• Addəyişmə müraciətləri
• Yükləmə müraciətləri
• Kateqoriya müzakirələri
• Şablon müzakirələri
• Şikayətlər

Salam əziz həmkarlar.

Baxmayaraq ki, qondarma Dağlıq Qarabağ Respublikası artıq de-fakto da mövcud deyil, Erməni Vikipediyasında Dağlıq Qarabağda və hətta ətraf rayonlarda yerləşən bütün yaşayış məntəqələri və obyektlər hələ də "Artsax"-ın tərkibindəki kimi göstərilib. Hətta Azərbaycanın xəritəsini belə dəyişmirlər. Bu isə təmiz saxtakarlıqdı. Müvafiq düzəlişlər geri qaytarılır, administratorlar isə bu barədə heç nə etmir.

Buna görə də bu məsələ ilə bağlı Metaya müraciət etdim[1]. Bilirəm ki, çox aktiv istifadəçinin bu problemdən xəbəri var və çoxları Vikipediyadakı Azərbaycana aid olan informasiyaya biganə deyil. Fikirlərinizi həmin müraciətdə yaza bilərsiz. Interfase (müzakirə) 05:57, 14 iyul 2024 (UTC)Cavabla

Meta heç nə edən deyil. Ermənicə Vikipediyada isə bildiyim qədərilə o mövzuda icmanın konsensusu var. Nemoralis (müzakirə) 09:12, 14 iyul 2024 (UTC)Cavabla

@Nemoralis, bəs nə yaxşı "Erməni soyqırımı" məsələsinə müdaxilə etmişdilər? Hörmətlə, Gadir^müzakirə 09:16, 14 iyul 2024 (UTC)Cavabla

Metanın qərarı ilə nəsə dəyişilmədi axı. Meta ümumiyyətlə məhkəmə deyil ki nəyəsə qərar versin. Stüardlardan biri özbaşına addəyişmə etmişdi bir dəfə. O da sonra geri qaytarıldı və lokal müzakirə açıldı. Sonda da müzakirəyə əsasən dəyişildi. Nemoralis (müzakirə) 10:30, 14 iyul 2024 (UTC)Cavabla

@Interfase bu məsələdə göstərmiş olduğunuz təşəbbüslərə görə sizə təşəkkür edirəm. Ermənilər 44 günlük müharibə haqqındakı məqaləni öz vikilərində elə yazıblar ki, sanki Azərbaycan tərəfdən Azərbaycandan başqa hamı döyüşüb. Xankəndi məqaləsi ingiliscədən başqa artıq bir çox aparıcı dildə Xankəndi olaraq yazılıb. Rus, fransız və ispan buna misal ola bilər. Qondarma rejim təzə dağılıb və bəzi şeylərə zaman lazımdır. Ermənicə vikipediyada yeni nəsillər gəlib, bu biyabırçılığa son verməliyik deməyənə qədər onları öz balaca dünyalarında tək buraxmaq lazımdır. Envikidə Xankəndi məqaləsindəki ghost town ifadəsi də zamanla silinəcək. Görəcəklər ki, 10-15 min (məsələn) adamın yaşadığı yerdən ghost town olmaz. Zaman bu məsələlərin ən böyük dərmanıdır. Yenə də, bir vikipediyaçı kimi üzərimizə düşən nə varsa məmuniyyətlə kömək etməyə hazıram. Kholat Syakhl (müzakirə) 10:47, 14 iyul 2024 (UTC)Cavabla

Hər nə olsa Metaya mürəciət öz faydasını verdi artıq. Heç bir gün keçmədi "Azərbaycan" sözünü başladılar daxil etməyə bəzi məqalələrə[2][3]. Ancaq "Artsax" sözü də yığışdırılmalıdır. Belə bir qurum artıq mövcud deyil. Azərbaycanın xəritəsini də dəyişməlidilər. Görək də. Interfase (müzakirə) 21:24, 14 iyul 2024 (UTC)Cavabla

Hörmətli İnzibatçı(lar),

Salamlar!

Mən bu gün bir neçə mövzu haqqında yeni bir məqalələr yaratdım. Məqalənin məzmununu genişləndirmək və daha ətraflı məlumat vermək üçün "Həmçinin bax", "İstinadlar" və "Xarici keçidlər" bölmələrinin əlavə olunmasını yardım edilməsini xahiş edirəm. "Həmçinin bax", "İstinadlar" və "Xarici keçidlər" bölmələrinin məlumatları əlimdə olduğu halda daxil edə bilmirəm.

Hörmətlə, Yunus Imanov (müzakirə) 14:14, 15 iyul 2024 (UTC)Cavabla

Salam həmkar. Yazdığınız məlumatları özündə əks etdirən istinadları bu şablondan istifadə edərək məqaləyə yerləşdirin. Nümunə kimi digər məqalələrə baxa bilərsiniz. Bu linkin də sizə kömək edəcəyinə inanıram. Patriot (müzakirə) 14:23, 15 iyul 2024 (UTC)Cavabla

Çətin məsələ deyil. Məsələn, Meiji Bulgaria Yogurt məqaləsinə baxa bilərsiz. Orada Həmçinin bax, İstinadlar və Xarici keçidlər bölmələrinin necə yerləşdirildiyi göstərilib. Kosmik Ozan ^utora! 14:41, 15 iyul 2024 (UTC)Cavabla

Bu fəaliyyət avtomatik olaraq zərərli fəaliyyət kimi təyin olunmuş və buna görə də qəbul edilməmişdir. Əgər siz öz düzəlişinizin konstruktiv olduğuna əminsinizsə, zəhmət olmasa, nə etmək istədiyinizi inzibatçılardan birinə izah edin. Fəaliyyətinizə müvafiq olan qaydaların qısa təsviri: Ümumi "vandalizm" süzgəci

Belə bir xəta verir. Yunus Imanov (müzakirə) 14:54, 15 iyul 2024 (UTC)Cavabla

Süzgəclər istifadəçinin fəaliyyətinə imkan vermir, istifadəçiyə təsdiqlənmiş istifadəçi statusu verilsə də, hələ də süzgəclərə ilişir niyəsə, yəqin hesabı yeni olduğundandır, düzələr. @Turkmen, @Nemoralis, @Toghrul R. Hörmətlə, Gadir^müzakirə 14:56, 15 iyul 2024 (UTC)Cavabla

İstisna əlavə edə bilmirəm buna görə Yunus Imanov (müzakirə) 15:02, 15 iyul 2024 (UTC)Cavabla

Bu, sizin böyük həcmdə məzmun əlavə etməyinizə, çıxarmağınıza, dəyişdirməyinizə, xarici keçidlər əlavə etməyinizə görə olur. Yeni qeydiyyatdan keçməyinizdən qaynaqlıdır, yəni narahat olmayın, bir müddət nisbətən daha kiçik düzəlişlərlə davam edin, düzələcək. Həmçinin əlavə etdiyiniz xarici keçidlər mövzusunda diqqətli davranın, ora təsadüfi keçidlər əlavə etmək olmaz. Alınırsa müvafiq məlumatın mənbəsi kimi istinad olaraq verin, xarici keçid kimi xüsusi əhəmiyyəti olduğu halda vermək olar ancaq. Hörmətlə, Gadir^müzakirə 16:39, 15 iyul 2024 (UTC)Cavabla

Başa düşdüm, Qədir bəy. Təşəkkür edirəm məsləhətiniz üçün. Narahat olmayın, gələcəkdə məzmunla daha kiçik dəyişikliklər edəcəyəm və xarici keçidlərin əlavə edilməsində daha diqqətli olacağam. Yalnız zəruri hallarda və mənbə kimi istifadə edəcəyəm. Yunus Imanov (müzakirə) 17:03, 15 iyul 2024 (UTC)Cavabla

Təsdiqlənmiş (avtotəsdiqlənmiş ayrıdır) statusu süzgəclərdə istisna edilməyib. @Snellmeister, 4 gün və 10 redaktədən sonra avtomatik təsdiqlənmiş statusu alırsınız, ondan sonra rahat redaktə edə biləcəksiniz. İndi tətbiq edilən məhdudiyyətlər yeni istifadəçilərin etdiyi vandalizmin qarşısını almaqdır. Nemoralis (müzakirə) 22:10, 15 iyul 2024 (UTC)Cavabla

@Gadir, @Yunus Imanov salam, "təsdiqlənmiş istifadəçilər" üçün problem olmayacaq artıq, redaktələrinizi edə bilərsiniz. Turkmen ^müzakirə 10:51, 16 iyul 2024 (UTC)Cavabla

Təsdiqlənmiş istifadəçini istisnaya əlavə etdim, belə vaxtlarda işimizə yaraya bilər o hüquq. Turkmen ^müzakirə 10:53, 16 iyul 2024 (UTC)Cavabla

Hər vaxtınız xeyir,

İstifadəçinin maraqları, bildiyi dillər və s. məlumatlar olan xanaları səliqəli şəkildə necə yerləşdirmək olar? Snellmeister (müzakirə) 11:35, 17 iyul 2024 (UTC)Cavabla

Digər aktiv istifadəçilərin istifadəçi səhifələrinə baxa bilərsiz. Mən də yeni fəaliyyətə başlayanda başqalarının səhifələrinə baxıb yaradırdım. Çoxu başlayanda elə edir. Kosmik Ozan ^utora! 12:13, 17 iyul 2024 (UTC)Cavabla

((İstifadəçiqutusuyuxarı)), ((İstifadəçiqutusuaşağı)) Nemoralis (müzakirə) 12:40, 17 iyul 2024 (UTC)Cavabla

Təşəkkürlər, ~~~~ Snellmeister (müzakirə) 15:07, 17 iyul 2024 (UTC)Cavabla

Məndə yeni istifadəçi olanda heç bir şey bilmirdim. Youtube da baxdım ətraflı şəkildə izahlar olunurdu https://youtube.com/playlist?list=PL0k_QXjZbX97CtOg8HlXkiUiDO4A6dcbt&si=DMzRn5CNglwcvRcw bəzilərini məndəndə əvvəllər vikipediyada olan istifadəçilərdən soruşurdum. Vusalsuvarov1996 (müzakirə) 19:28, 17 iyul 2024 (UTC)Cavabla

Salam həmkarlar A09 istifadəçi kimdir? Bəzi istifadəçilərin ad dəyişmələri ilə məşğuldu. Əvvəllər mənimdə ilk qeydiyyatdan keçdiyim Vusalfeteliyev1996 istifadəçi səhifəmində adını dəyişib. Düzdü o səhifəni istifadə etməsəmdə mənə maraqlı gəldi. Vusalfeteliyev1996 istifadəçi səhifənin parolunu bilirdim. Hazırda o, səhifənin parolunu yığıram girmir. Bu A09 istifadəçi səhifə haqqında məlumatı olan varsa yazsın bura. Vusalsuvarov1996 (müzakirə) 04:32, 18 iyul 2024 (UTC)Cavabla

@Vusalsuvarov1996, salam. Azviki ilə bağlı bir şey deyil, uzun müddət istifadəsiz və fəaliyyətsiz qalmış hesablara tətbiq olunur: istifadəçinin müvafiq fəaliyyəti ilə bağlı müzakirə və phabricator-dakı başlıq. Ətraflı buradan oxuya bilərsiniz. Hörmətlə, Gadir^müzakirə 12:23, 18 iyul 2024 (UTC)Cavabla

@Gadir Ətraflı izah üçün təşəkkür edirəm sizə. Vusalsuvarov1996 (müzakirə) 14:07, 18 iyul 2024 (UTC)Cavabla

Xoşdur, mən də sizə təşəkkür edirəm! :) Aşağıda özü də eyni açıqlamanı verdi. Hörmətlə, Gadir^müzakirə 14:21, 18 iyul 2024 (UTC)Cavabla

https://simple.wikipedia.org/wiki/User:A09 Səhifəsi budur.

Hörmətlə, Snellmeister (müzakirə) 12:46, 18 iyul 2024 (UTC)Cavabla

This message honestly sounds like I'm being wanted :) I am not. I was renaming accounts that asked for vanishing as the VRT queue for vanishment renaming got redirect into the normal onwiki renaming queue. I am investigating on whether accounts get locked while doing a vanishing rename (that's why these people now cannot log into these accounts). Best, A09 (müzakirə) 13:52, 18 iyul 2024 (UTC)Cavabla

Thanks for explanation! Best, Gadir^müzakirə 14:21, 18 iyul 2024 (UTC)Cavabla

(Re., as promised): Accounts get locked when vanished as these are requests made from mobile Wikipedia app and owners of the accounts get asked twice before confirmation. Users cannot log into locked accounts. Best, A09 (müzakirə) 14:48, 18 iyul 2024 (UTC)Cavabla

Mənə kömək edin. Ceyhun Midiyalı (müzakirə) 13:00, 18 iyul 2024 (UTC)Cavabla

@Ceyhun Midiyalı, salam. Yükləmək istəyirsiniz? Cavabınız müsbətdirsə, bir neçə məqamı dəqiqləşdirək. Şəkil sizə məxsusdur? Yəni müəllif sizsiniz? Və hansı məqaləyə əlavə etmək istədiyinizi də qeyd edin. Hörmətlə, Gadir^müzakirə 13:32, 18 iyul 2024 (UTC)Cavabla

Mən şəkilləri internetdən götürürəm. Məsələn Yandex-dən yükləyirəm. Urmu teorimi adlı yeni hazırladığım məqaləyə şəkil əlavə etmək istəyirəm. Ceyhun Midiyalı (müzakirə) 14:52, 18 iyul 2024 (UTC)Cavabla

@Ceyhun Midiyalı, Vikianbardan (ing. Wikimedia Commons) azad fayllar üzrə axtarış edə bilərsiniz, ancaq internetdəki təsadüfi şəkilləri bura əlavə edə bilməzsiniz. Ya gərək müəllifi özünüz olasınız, ya da ki, gərək faylın sahibindən yazılı icazəniz ola. Hörmətlə, Gadir^müzakirə 14:57, 18 iyul 2024 (UTC)Cavabla

Mən dediyiniz yerə daxil ola bilmirəm. Deyəsən parolu unutmuşam. Ceyhun Midiyalı (müzakirə) 15:28, 18 iyul 2024 (UTC)Cavabla

@Ceyhun Midiyalı, fayl axtarışı üçün daxil olmaq tələb olunmur. Şifrənizi əgər qeydiyyatdan keçdiyiniz vaxt etibarlı bir e-poçt ünvanı təqdim etmisinizsə, yeniləyə bilərsiniz. Bu hesabdan çıxıldığında, çıxış etdiyinizdə təkrar ehtiyacınız olacaq. Həmçinin digər Vikimedia layihələrində fəaliyyət göstərən zamanda. Hörmətlə, Gadir^müzakirə 16:49, 18 iyul 2024 (UTC)Cavabla

Qardaşım çox sağ olun. Problemimi həll etdim. İşiniz avand olsun. Ceyhun Midiyalı (müzakirə) 18:13, 18 iyul 2024 (UTC)Cavabla

Salam, Mir Əli Təbrizi səhifədə kimsə vandallıq edib aşağı "Xəttatlıq çox pis şeydi. Heç vaxt xəttat olmaq fikrinə düşməyin. Düşənlər 3131-ci ilə qədər Əzab çəksinlər. Bir də ki Bir qız var Adı N ilə başlayır. I love she." yazıb, bir də xəttatlıq şablonu niyəsə bu səhifəyə yönləndirir Şablon:Xəttatlıq arzusuna düşənlər və adı N ilə başlayan bir qız

bunu anlamadım, düzəldərdiniz zəhmət olmasa, sağolun Sebirkhan (müzakirə) 16:41, 18 iyul 2024 (UTC)Cavabla

Y Bildirdiyiniz üçün təşəkkürlər. Hörmətlə, Gadir^müzakirə 16:45, 18 iyul 2024 (UTC)Cavabla

Bu mesajın Meta-vikidə başqa dillərdə mətnini tapa bilərsiniz. Zəhmət olmasa dilinizə tərcümə etməyə kömək edin

Salam hamınıza,

Həm fərdi, həm də ortaq səsləri diqqətlə hesabladıqdan sonra Nizamnamə Seçki Komissiyası Vikimedia Hərəkatının Nizamnaməsi üzrə səsvermənin yekun nəticələrini məmnuniyyətlə elan edir.

Nizamnamə Seçki Komissiyasının məlumat verdiyi kimi, 9 iyul, 23:59 UTC tarixində səsvermə başa çatana qədər həm Tərəfdaş, həm də fərdi səslər üçün kvoruma çatdıq. Ratifikasiya prosesində səs verən bütün 2451 şəxsə və 129 Affiliasiya nümayəndəsinə təşəkkür edirik. Səsləriniz və şərhləriniz Hərəkat Strategiyasında gələcək addımlar üçün əvəzsizdir.

25 iyun - 9 iyul 2024-cü il tarixləri arasında keçirilən Vikimedia Hərəkatı Nizamnaməsi ratifikasiya səsverməsinin yekun nəticələri aşağıdakı kimidir:

İyulun 9-u saat 23:59-a (UTC) səs verən 2451 nəfərdən 2446-sı etibarlı səs hesab edilib. Bunlardan 1.710 "bəli"; 623 “yox” səs verdi; və 113 seçilmiş “–” (neytral). Neytral səslər verilən səslərin ümumi sayına hesablanmadığından 73,30% Nizamnamənin təsdiqinə (1710/2333), 26,70% isə Xartiyanın rədd edilməsinə (623/2333) səs verib.

9 iyul 23:59 (UTC) tarixinə səs verən 129 Affiliated seçicidən 129 səs etibarlı səs kimi təsdiqləndi. Bunlardan 93 "bəli"; 18 “yox” səs verdi; və 18 seçilmiş “–” (neytral). Neytral səslər verilən səslərin ümumi sayına hesablanmadığından, 83,78% Nizamnamənin təsdiqinə (93/111), 16,22% isə Nizamnamənin rədd edilməsinə (18/111) səs verib.

Vikimedia Fondunun Qəyyumlar Şurası 8 iyul 2024-cü il tarixdə Şuranın növbədənkənar iclası zamanı təklif olunan Nizamnaməni ratifikasiya etməmək'yə səs verdi. Vikimedia Fondunun Qəyyumlar Şurasının sədri Nataliya Tımkiv nəticəni paylaşdı. səsvermə, qətnamə, iclas protokolları və təklif olunan növbəti addımlar.

Bununla da, Vikimedia Hərəkatının Nizamnaməsi hazırkı redaksiyada ratifikasiya olunmayıb.

Hərəkatımızın idarə olunmasında bu mühüm məqamda iştirakınıza görə sizə təşəkkür edirik.

Nizamnamə Seçki Komissiyası,

Abhinav619, Borschts, Iwuala Lucy, Tochiprecious, Der-Wir-Ing

MediaWiki message delivery (müzakirə) 17:52, 18 iyul 2024 (UTC)Cavabla

P.S Yuxarıdakı mətn tərcümə xətaları ilə doludur. Baxdım, azərbaycan dilini bilməyən bir ərəb istifadəçi tərcümə edib. Metada düzəltmişəm amma burda da düzəltmək lazımdır. Nemoralis (müzakirə) 21:30, 18 iyul 2024 (UTC)Cavabla

Niyə maşın tərcüməsi ilə edib anlamıram, elə ondansa orijinal mətni əlavə etmək yaxşıdır. Hörmətlə, Gadir^müzakirə 06:43, 19 iyul 2024 (UTC)Cavabla

Özünə xəbərdarlıq etmək lazımdır. Yəqin kiçik icmalı vikilərə də edib öz redaktə sayın artırır Atakhanli (müzakirə) 11:17, 19 iyul 2024 (UTC)Cavabla

Dəyərli Vikipediyaçılar mən iki gündür yeni məqalə hazırlamışam. İndi də redaktə edirəm. Sadəcə məqaləmə baxış olmayıb. Necə edim ki, hamıya gözəgörünən olsun? Ceyhun Midiyalı (müzakirə) 10:42, 19 iyul 2024 (UTC)Cavabla

Əsas ad fazada dərc olunmuş bütün məqalələr hamıya görünəndir. --► Hörmətlə: SolaVirum 12:36, 19 iyul 2024 (UTC)Cavabla

Mənim məqaləmi yoxlayıblar? Yazılıb ki, ilkin yoxlamadan keçməyib. Ceyhun Midiyalı (müzakirə) 15:44, 19 iyul 2024 (UTC)Cavabla

Harada yazılıb? Atakhanli (müzakirə) 13:57, 20 iyul 2024 (UTC)Cavabla

Siçanın oxunu məqalə adının üstündə tutanda elə yazılıb. Ceyhun Midiyalı (müzakirə) 14:26, 20 iyul 2024 (UTC)Cavabla

Salam. Düşünürəm ki, fərdi təşəbbüslə "Əməkdaşlıq həftələri" keçirmək olar. Məsələn, tutaq ki, mən "Ulduz müharibələri" mövzusunda məqalələrin çox olmağını istəyirəm, amma tək işləməyin uzun çəkəcəyini düşünürəm, buna görə də belə bir müsabiqə başladıram və sonunda ulduz filan veririk nəticələrə görə. Necədir? --► Hörmətlə: SolaVirum 12:44, 19 iyul 2024 (UTC)Cavabla

Redaktə Liqası? — Bikar ^müzakirə 12:56, 19 iyul 2024 (UTC)Cavabla

vikidə hansısa səhifə var idi, indi tapa bilmədim. istifadəçi bir növ tapşırıq verirdi, misal üçün bu istiqamətdə və ya konkret bir məqalə yaratmağı istəyirdi. qarşılığında da bir ulduz vəd edirdi. sonda nəticəyə görə vəd edən istifadəçi həmin tapşırığı icra edən istifadəçiyə həmin ulduzu verirdi. Atakhanli (müzakirə) 13:49, 19 iyul 2024 (UTC)Cavabla

Mən də xatırladım. @White Demon bilə bilər, orda onun cavabsız elanı var idi) Hörmətlə, Gadir^müzakirə 14:48, 19 iyul 2024 (UTC)Cavabla

Əla təklifdir. Konkret məqalə siyahısı tərtib edilsin. Maraqlı olan iştirakçılar da adlarını qeyd etsin. Redaktə maraqları üst-üstə düşməsin deyə, hərə öz məqalələrini seçsin və iş başlasın.--Tarixi Nadir (müzakirə) 14:55, 19 iyul 2024 (UTC)Cavabla

Vikipediya:Mükafat lövhəsi — Bikar ^müzakirə 15:21, 19 iyul 2024 (UTC)Cavabla

Kimin yadına gələr Kənd meydanında buna bənzər bir şey təklif etmişdim. Ay ərzində redaktəsi 1000 olana ulduz verilsin. Əksəriyyəti başladı. Bir-birləriynən zarafata biri dedi kukla verirəm. Biri dedi kuklamı gözlüyərəm. Vusalsuvarov1996 (müzakirə) 19:37, 19 iyul 2024 (UTC)Cavabla

Redaktə Liqası?(2) — Bikar ^müzakirə 20:34, 19 iyul 2024 (UTC)Cavabla

Portal və Vikilayihələrin yaradılmasını dəstəkləyirəm. Hörmətlə, Gadir^müzakirə 21:00, 19 iyul 2024 (UTC)Cavabla

Əla təklifdir. Həmişə dəstəkləmişən yenə də mən razıyam bu təkliflə. Vusalsuvarov1996 (müzakirə) 15:01, 20 iyul 2024 (UTC)Cavabla

Salam dəyərli həmkarlar.

Kateqoriyalarda ad-soyad siyahıları soyada görə yox ada görə tərtib olunub. Məncə bu düzgün deyil və insanlara cətinlik yaradır. Çünki Azərbaycanda ənənəvi olaraq siyahılar soyada görə tərtib olunduğundan adamlar da soyada görə axtarmağa öyrəşiblər. Mən "Batumidə anadan olanlar" kateqoriyasına bir-iki azərbaycanlını daxil edəndə fikir verdim ki, siyahı adla görə tərtib olunub. Baxdım ki, bütün əsas dillərdə siyahı soyada görə, ancaq türk dilində ada görə tutulub. Mən belə başa düşürəm ki, azViki də bu qaydanı türkVikidən götürüb. Ancaq bizim özümüzün lüğət, ensiklopediya, məlumat kitablarımız məhz soyada görə tərtib olunur. Belə çıxir ki, Nodar Şaşiqoğlu Ş yox N hərifinə yerləşdirməlidir. Çox insan məşhurların adlarını yox soyadlarını tanıyır və demək bu siyahıda onları tapmaq üçün bütün siyahını oxumalıdır. Ümumiyyətlə dünyada bir çox məşhurlar soyadları ilə tanınır.

Təklif edirəm bu qayda dəyişdirilsin və siyahılar soyadlara görə tərtib olunsun.

Hörmələ,

NR SHENER (müzakirə) 22:28, 19 iyul 2024 (UTC)Cavabla

Nümunə verə bilərsiniz lütfən? Tam olaraq nə demək istədiyinizi anlamadım Atakhanli (müzakirə) 06:32, 20 iyul 2024 (UTC)Cavabla

Məsələn, deyir ki, Lenini daha çox Lenin kimi tanıyırlar, Vladimir yox. Ona görə də kateqoriyada standart məqalənin başladığı hərfdə yox, "L" hərfində olsun. Amma bütün hamısına etmək doğru olmaz. Məsələn, Araz Yaquboglunu axtaran insan Araz bəyin adını da bildiyi üçün A hərfinə baxacaq. Tək adlar (məsələn, Anar) zatən tək olduğu üçün elə o hərfə də gələcək. Digər məsələ üçün isə texniki olaraq kateqoriya hissəsinə müvafiq əlavələri etmək olar. Hörmətlə, Gadir^müzakirə 07:48, 20 iyul 2024 (UTC)Cavabla

Sizin dediyiniz üslüb rus vikipediyasında indi də belədir. Bütün sovet ensiklopedyalarında da belədir məncə. Amma burada biz deyəsən ingilis vikipediyasından nümunə götürmüşük bu barədə. Məsələn bizdə və bütün dillərdə Alla Puqaçovadırsa, rus vikisində bu Puqaçova Alladır. SE213193 (müzakirə) 09:37, 20 iyul 2024 (UTC)Cavabla

Belədi ki, məntiqlidir. EnViki də soyada sıralayır. Bunun üçün məqalənin adını dəyişməyə ehtiyac yoxdur (RuVikidə olduğu kimi). Sadəcə açar sözlərlə çeşidləmək bəsdir. Məsələn, Lionel Messi məqaləsinə kateqoriyanı [[Kateqoriya:Argentina futbolçuları]] kimi yox, [[Kateqoriya:Argentina futbolçuları|Messi]] kimi əlavə edirsən, məqalə həmin kateqoriyada M hərfində görünəcək. Kosmik Ozan ^utora! 14:06, 20 iyul 2024 (UTC)Cavabla

Bundan başqa ((DEFAULTSORT)) sehrli sözü var. Məqalədə ((DEFAULTSORT:Messi, Lionel)) yazırsan, bütün kateqoriyalarda Messi sözünə çeşidləyir.--Kosmik Ozan ^utora! 14:10, 20 iyul 2024 (UTC)Cavabla

Elə mənim də dediyim ikincidir. Amma sırf soyada görə sıralamasına razı deyiləm, elə şəxslər var ki, adları-soyadları ilə tanınır və bu formada məqalələrinə müraciət edilir. Yuxarıda da qeyd etmişəm. Ada baxmaq istəyəndə həmin şəxsi adının baş hərfində tapanmayanda gərək məcbur soyada baxsın. Hörmətlə, Gadir^müzakirə 14:18, 20 iyul 2024 (UTC)Cavabla

Razıyam e, elə nümunələr çoxdur, məsələn, Elşad Xoseni heç kim sadəcə Xose kimi tanımır, amma çox halda soyadla tanıyırlar. Kosmik Ozan ^utora! 14:21, 20 iyul 2024 (UTC)Cavabla

Vikipediya: Səhifə Silmə "VP:SS" qaydalarına görə silinməyə namizəd çıxarılmış səhifələrin müzakirəsi belə yekunlaşdırılmalıdır:

Müzakirələrin sonlandırılması

Müzakirələrə səs saymaqla son qoyulmur. Unutmayın ki, bu müzakirələr səsvermə deyil. Buna görə də şərh verən hər bir istifadəçiyə fikirlərini izah etmələri və qaydalara, təlimatlara istinad etmələri tövsiyə olunur. Müzakirə ən azı yeddi tam gün davam edir. Daha sonra razılıq varsa səhifələr inzibatçılar tərəfindən silinir. Müzakirə müddəti bitdikdən sonra az şərh verilmiş namizədliklərin müddəti inzibatçılar tərəfindən daha bir 7 gün müddətinə uzadıla bilər. Bir müzakirə maksimum 28 gün çəkə bilər.

Göründüyü kimi qaydalarda yazılır ki, bir müzakirə maksimum 28 gün çəkə bilər. Amma reallıqda bu qaydaya məhəl qoyulmur və bir çox hallarda müzakirələr aylarla çəkir. Burada müzakirəyə çıxarmaq istədiyim suallarım belədir:

1) Sizcə bu qaydaya niyə əməl edilmir? Bilirəm, bəziləri deyəcək ki, konsensus əldə edilməyib, ona görə, konsensus əsasdır və o əldə edilmədən müzakirəyə son qoymaq olmaz. Onda avtomatik belə bir sual çıxır. Bəlkə konsensus 10 il əldə edilməyəcək? Onda necə olsun?

Qeyd: Axı həm də bir çox hallarda konsensusun olub-olmaması nisbi məsələdir (buna çoxlu misallar gətirmək olar).

2) Əgər bu qaydaya əməl etmək mümkün deyilsə, niyə o qəbul olunub? Bilirəm, bəziləri deyəcək ki, bu şərti qaydadır. Onda gəlin müəyyən edək görək şərti qayda nə deməkdir? Və əgər şərtidirsə, bu qayda məhz bu şəkildə konkretmi yazılmalıydı?

3) Sizcə ümumiyyətlə müzakirələrə məhdudiyyət olmalıdırmı? Bəziləri deyə bilər yox. Amma məhdudiyyət olmadıqda sizə elə gəlmirmi ki, müzakirələr aylarla davam edə bilər və bundan müxtəlif məqsədlər üçün istifadə edərlər? Asel007 (müzakirə) 12:16, 20 iyul 2024 (UTC)Cavabla