Van-Myeu
Văn Miếu
21°01′43″ şm. e. 105°50′08″ ş. u.
Ölkə	Vyetnam
Yerləşir	Hanoy
Tikilmə tarixi	1070[1]
Vikianbarda əlaqəli mediafayllar

Ədəbiyyat Məbədi — Vyetnamın Hanoy şəhərində məbəd.

Məbədin əsası 1070-ci ildə imperator Li Than Tonq tərəfindən qoyulmuşdur.^[2] Məbəd Çin alimi Konfutsiyə həsr edilmişdir.^[2]

1076-cı ildə Ədəbiyyat Məbədinin ərazisində Kral, dövlət qulluqçuları, zadəgan və digər elit təbəqəyə məxsus ailələrin övladlarının təhsil alması məqsədilə universitet - İmperial Akademiya yaradılmışdır.^[2] Bu, Vyetnamın ilk milli universiteti hesab olunur.^[2] Dövlət imtahanlarında yüksək nəticələr əldə etmiş şəxslərin adları məbədin həyətindəki xüsusi daş lövhələrin üzərində qeyd olunurdu.^[2] Həmin daş lövhələrdən 82-si hazırda məbədin həyətində nümayiş etdirilir.^[2]

Ümumi sahəsi 54 min kvadratmetr olan kompleksin ərazisində Ədəbiyyat gölü, park və s. vardır.^[2]

Tran sülaləsinin hakimiyyəti dövründə (1225-1400-cü illər) məbəddə yenidənqurma işləri aparılmışdır.^[2] Təmir işləri digər sülalələrin hakimiyyətləri dövründə də ardıcıllıqla davam etdirilmişdir.^[2] Təqribən iki əsr ərzində müharibələrə və fəlakətlərə baxmayaraq, binanın orijinal memarlıq üslubu qorunub saxlanmışdır.^[2]

Ədəbiyyat Məbədində əsaslı təmir işləri 1920-ci, 1954-cü və 2000-ci illərdə aparılmışdır.^[2]

Ədəbiyyat Məbədi 1906-cı ildə - Fransa müstəmləkəçiliyi dövründə tarixi abidə kimi qeydiyyata alınmışdır.^[2] Kompleks 2010-cu ildə UNESCO-nun dünya mədəni irs siyahısına daxil edilmişdir.^[2]

1. ↑ (not translated to lzh) 大越史記全書 (классич. кит.). 1479.
2. ↑ ^{1 2 3 4 5 6 7 8 9 10 11 12 13} Azərbaycanın birinci xanımı Mehriban Əliyeva Vyetnamda Ədəbiyyat Məbədi ilə tanış olub. Arxivləşdirilib 2014-05-24 at the Wayback Machine trend.az  (az.)

Vikianbarda Van-Myeu ilə əlaqəli mediafayllar var.

Vyetnam ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.