Tənənəm
Vikipediya, azad ensiklopediya
| Tənənəm | |
|---|---|
| 39°30′46″ şm. e. 45°10′28″ ş. u. | |
| Ölkə |
 Azərbaycan |
| Muxtar respublika | Naxçıvan MR |
| Rayon | Şərur rayonu |
| Tarixi və coğrafiyası | |
| Mərkəzin hündürlüyü | 1.288 m |
| Saat qurşağı | |
|
| |
Tənənəm — Azərbaycan Respublikası Naxçıvan Muxtar Respublikasının Şərur rayonunda kənd. Naxçıvan-Sədərək avtomobil yolundan 9 kilometr aralıda yerləşir.
Tarixi
[redaktə | mənbəni redaktə et]Kənddəki tarixi abidələrin XIV əsrə aid olduğu ehtimal edilir. Kəndin 3 km. şimal-şərqində Qazma mağarası, şərq hissəsində Tunc dövrünə aid "Cənnət qayası" adlanan abidə yerləşir.
Tənənəm qədim yaşayış məskənlərindən biri kimi
[redaktə | mənbəni redaktə et]Qazma mağarası ərazisində aşkarlanmış maddi mədəniyyət nümunələri sübut edir ki, bu kənd ölkəmizin ərazisində ən qədim insan yaşayış məskənlərindən biridir. Abidə Tənənəm kəndindən 3 km şimal-şərqdə, dəniz səviyyəsindən 1450 m yüksəklikdə yerləşir. Qazma dərəsində olduğundan bu cür adlandırılıb. Paleolit dövrünün abidəsidir. O, Tənənəm kəndindən 3 km şimal-şərqdə, dəniz səviyyəsindən 1450 m yüksəklikdə yerləşir. 1987–1990-cı illərdə Ə. Q. Cəfərovun rəhbərliyi ilə Qazma mağarasında qazıntı işləri aparılmışdır. Qazıntı zamanı qalınlığı 3 m olan mədəni təbəqə aşkar edilmişdir.
Mədəni təbəqələrin üçündə IV, V və VI təbəqələrdə zəngin osteoloji material, ocaq yerləri və Mustye mədəniyyətinə aid daş alətlər aşkar edilmişdir. Mustye mədəniyyətinə aid təbəqələr tərkibcə eyni olub az miqdarda əhəngdaşı çınqılının qarışığı olan yüngül gil torpaqdan ibarətdir. Kəsiklərin birində bir neçə ocaq qeydə alınmışdır. Altıncı təbəqə müxtəlif maddi mədəniyyət qalıqları ilə zəngin olmuşdur. Bu təbəqədə daş alətlərdən başqa üç tərəfdən yastı daşlarla əhatələnmiş iki ocaq aşkar olunmuşdur. Ocaqlardan xeyli qaralmış sümük tapılmışdır. Əmək alətləri əsasən obsidiandan hazırlanmışdır. Bundan başqa çaxmaqdaşı (21 ədəd) və daşlı şistdən (5 ədəd) hazırlanmış alətlərə də təsadüf olunmuşdur. Əmək alətlərinin hazırlandığı bütün daş növləri yerlidir. Xeyli miqdarda istehsal tullantısının – nukleus, qəlpə, obsidian və çaxmaqdaşı sınıqlarının aşkar edilməsi göstərir ki, daşın ilkin emalı mağarada olmuşdur. Dördüncü təbəqədən daş alətlərlə bərabər sümük alətlər də aşkar edilmişdir. Onlar biz, bıçaq, kəsici və oyucu alətlərdən ibarətdir. Aşkar olunmuş tapıntılar göstərir ki, Qazma mağarasında Mustye dövründə uzun müddət yaşayan qədim sakinlərin əsas təsərrüfat forması ovçuluq olmuşdur.[1]
Əhalisi
[redaktə | mənbəni redaktə et]Əhalisi 819 nəfərdir.(2009-cu il)[2]
İqtisadiyyatı
[redaktə | mənbəni redaktə et]Əhali əsasən əkinçilik və heyvandarlıqla məşğul olur.
İstinadlar
[redaktə | mənbəni redaktə et] | ||
|---|---|---|
| Şəhərlər |  | |
| Kəndlər | Axaməd • Axura • Alışar • Arbatan • Arpaçay • Aşağı Aralıq • Aşağı Daşarx • Aşağı Yaycı • Babəki • Bəhruz Kəngərli • Cəlilkənd • Çəmənli • Çərçiboğan • Çomaxtur • Danyeri • Danzik • Dərəkənd • Dərvişlər • Diyadin • Dizə • Düdəngə • Ələkli • Ərəbyengicə • Gümüşlü • Günnüt • Havuş • Həmzəli • Xanlıqlar • Xələc • Xətai • İbadulla • Kərimbəyli • Kosacan • Kürçülü • Kürkənd • Qaraburc • Qarahəsənli • Qarxun • Qışlaqabbas • Qorçulu • Mahmudkənd • Maxta • Məmmədsabir • Muğancıq Mehrab • Muğancıq Müslüm • Muğanlı • Oğlanqala • Oğuzkənd • Püsyan • Sərxanlı • Siyaqut • Stansiya Daşarx • Şahbulaq • Şəhriyar • Tənənəm • Təzəkənd (Püsyan) • Tumaslı • Vayxır • Vərməziyar • Yengicə • Yeni Havuş • Yuxarı Aralıq • Yuxarı Daşarx • Yuxarı Yaycı • Zeyvə | |
| Ləğv olunmuş kəndlər | ||
|
Şərur rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
|
Kənd ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
