Türkiyə–Azərbaycan Universiteti
Vikipediya, azad ensiklopediya
Türkiyə–Azərbaycan Universiteti | |
---|---|
40°22′56″ şm. e. 49°52′21″ ş. u. | |
Əsası qoyulub | 2024 |
Şəhər | Bakı |
Ölkə |
Türkiyə–Azərbaycan Universiteti və ya qısaca TAU – 2024/2025 tədris ilindən etibarən Bakıda fəaliyyət göstərməsi planlaşdırılan universitet. Azərbaycan ilə Türkiyə arasında ortaq universitet olacaq.
Tarixi
[redaktə | mənbəni redaktə et]Azərbaycan ilə Türkiyə arasında ortaq universitet layihəsi 2023-cü ilin iyununda Azərbaycan prezidenti İlham Əliyev ilə Türkiyə prezidenti Rəcəb Tayyib Ərdoğan arasındakı görüşdən sonra açıqlanmışdır.[1]
Türkiyə-Azərbaycan Universitetinin yaradılması barədə anlaşma memorandumu 19 fevral 2024-cü ildə Azərbaycanın Elm və Təhsil Nazirliyi ilə Türkiyənin Ali Təhsil Şurası arasında imzalanmışdır. Memorandumu Türkiyənin Ali Təhsil Şurasının sədri Erol Özvar və Azərbaycanın elm və təhsil naziri Emin Əmrullayev imzalamışdırlar.[2] Universitet tamamilə yeni yaradılmış təhsil müəssisəsi yox, fərqli universitetlərin müxtəlif proqramlarını ehtiva edən yeni nəsil universitet olacaq.[3]
Təhsil sistemi
[redaktə | mənbəni redaktə et]Universitet rektorunun Azərbaycan tərəfdən olması, tədris binasının Bakı şəhərin mərkəzində olan binalardan birində yerləşməsi planlaşdırılır.[4] Universitet Xətai rayonunda, Bakı Ali Neft Məktəbinin (BANM) Xocalı prospektində yerləşən binasında fəaliyyət göstərəcək.[5] İnzibati və maliyyə işləri Azərbaycanın, akademik məsuliyyət isə Türkiyənin tərəfində olacaq.[3] Bakı şəhərində üç təhsil proqramı üzrə universitetə tələbə qəbulu həyata keçiriləcək.[6] Universitetin fəaliyyətinin təmin edilməsi üçün 10 milyon manat büdcənin ayrılması proqnozlaşdırılmışdır.[7]
İlkin mərhələdə təhsil Azərbaycan vətəndaşları üçün nəzərdə tutulmuşdur.[8] İlk tədris ili üçün 90 tələbə qəbulu planlaşdırılmışdır.[5] Hər il qəbul planında 100–200 əlavə yer nəzərdə tutulmuşdur. Universitetdə təhsil pulsuz olacaq. Tədris ingilis və türk dillərində aparılacaq. Azərbaycan Texniki Universitetinin tərəfdaşlığı ilə fəaliyyət göstərəcək universitetin müəllim heyəti İstanbul Texniki Universiteti, Orta Şərq Texniki Universiteti və Hacettepe Universitetindən dəvət olunacaq.[9] Onlar Azərbaycana mütəmadi gələcəklər.[10]
İxtisaslar
[redaktə | mənbəni redaktə et]İlk tədris ilində kompüter mühəndisliyi, sənaye mühəndisliyi və qida mühəndisliyi ixtisasları üzrə təhsilin baş tutması nəzərdə tutulmuşdur.[11]
2024-cü ildə universitetin birinci kursunda kompüter mühəndisliyi və sənaye mühəndisliyi bölmələri üzrə 30, qida mühəndisliyi fakültəsi üzrə 27 tələbə olmaqla ümumilikdə 87 tələbə təhsil alacaq.[12]
İstinadlar
[redaktə | mənbəni redaktə et]- ↑ "Türkiye ve Azerbaycan ortak üniversite kuracak". İletişim Başkanlığı (türkcə). 13 iyun 2024. 14 iyun 2024 tarixində arxivləşdirilib. İstifadə tarixi: 14 iyun 2024.
- ↑ "Türkiyə-Azərbaycan Universiteti ilə bağlı YENİLİK". Demokrat Azərbaycan. 18 aprel 2024. 14 iyun 2024 tarixində arxivləşdirilib. İstifadə tarixi: 14 iyun 2024.
- ↑ 1 2 "KİV: Türkiyə-Azərbaycan Universiteti "yeni nəsil" təhsil ocağı olacaq". Report.az. 21 fevral 2024. Archived from the original on 2024-02-23. İstifadə tarixi: 14 iyun 2024.
- ↑ "Türkiyə-Azərbaycan Universitetinin rektoru hansı ölkənin vətəndaşı olacaq?". Oxu.az. 14 iyun 2024. 14 iyun 2024 tarixində arxivləşdirilib. İstifadə tarixi: 14 iyun 2024.
- ↑ 1 2 "Türkiyə-Azərbaycan Universitetinin yeri müəyyənləşib, bu il 90 tələbə qəbul olunacaq". Report.az. 7 avqust 2024. 2024-08-16 tarixində arxivləşdirilib. İstifadə tarixi: 16 avqust 2024.
- ↑ "Türkiyə-Azərbaycan Universitetinə Bakıda üç təhsil proqramı üzrə tələbə qəbulu həyata keçiriləcək". Banker.az. 20 may 2024. 14 June 2024 tarixində arxivləşdirilib. İstifadə tarixi: 14 iyun 2024.
- ↑ "Azərbaycan–Türkiyə Birgə Universitetinin fəaliyyətinin təmin edilməsi üçün 10 milyon manat ayrılacaq". Apa.az. 1 noyabr 2023. 14 iyun 2024 tarixində arxivləşdirilib. İstifadə tarixi: 14 iyun 2024.
- ↑ "Türkiyə-Azərbaycan Universiteti üçün bir neçə binaya baxış keçirəcəyik – Emin Əmrullayev". Trend.az. 29 fevral 2024. 14 iyun 2024 tarixində arxivləşdirilib. İstifadə tarixi: 14 iyun 2024.
- ↑ "Türkiyə-Azərbaycan Universiteti: təhsildə yeni model". "Respublika" qəzeti. 16 avqust 2024. İstifadə tarixi: 16 avqust 2024.
- ↑ "Türkiyə-Azərbaycan Universitetinin yerləşəcəyi məkan seçildi". Trend.az. 13 may 2024. Archived from the original on 14 June 2024. İstifadə tarixi: 14 iyun 2024.
- ↑ "Türkiyə-Azərbaycan Universiteti tələbə qəbulu elan edir". Report.az. 6 avqust 2024. 2024-08-10 tarixində arxivləşdirilib. İstifadə tarixi: 16 avqust 2024.
- ↑ "Türkiyə-Azərbaycan Universitetinə tələbə qəbulunun nəticələri açıqlanıb, bu il 87 tələbə təhsil alacaq". Report İnformasiya Agentliyi (az.). 2024-08-24. 2024-08-24 tarixində arxivləşdirilib. İstifadə tarixi: 2024-08-24.
Text is available under the CC BY-SA 4.0 license; additional terms may apply.
Images, videos and audio are available under their respective licenses.