Rauf Atakişiyev
Rauf İsrafil oğlu Atakişiyev
Ümumi məlumatlar
Doğum tarixi	15 iyul 1925
Doğum yeri	Göyçay, Azərbaycan SSR, ZSFSR, SSRİ
Vəfat tarixi	3 fevral 1994 (68 yaşında)
Vətəndaşlığı	SSRİ→ Azərbaycan
Musiqiçi məlumatları
Fəaliyyəti	müğənni, pianoçu
Musiqi alətləri	piano
Təhsili	Bakı Musiqi Akademiyası
Mükafatları

Rauf İsrafil oğlu Atakişiyev (15 iyul 1925, Göyçay – 3 fevral 1994) — müğənni, lirik tenor, pianoçu, pedaqoq. Azərbaycan SSR xalq artisti (1967).

Moskva Dövlət Konservatoriyasını Konstantin Nikolayeviç İqumnovun (1873–1948) sinfi üzrə bitirmiş və vokal üzrə Antonina Vasilyevna Nejdanovadan (1873–1950) dərs almışdır. Opera və Balet Teatrının solisti olmuşdur.

Azərbaycan Opera və Balet Teatrının səhnəsində Hacıbəyovun "Arşın mal alan" musiqili komediyasında Əsgərin partiyasını ifa etmişdir. 1965-ci ildə çəkilmiş "Arşın mal alan" filmində də Əsgərin mahnıları Atakişiyevin ifasında səslənmişdir^[1].

Lenski ("Yevgeni Onegin", P. Çaykovski), Alfred ("Traviata", C. Verdi), Almaviva ("Sevilya bərbəri", C. Rossini), Faust ("Faust", Ş. Quno), Balaş ("Sevil", F. Əmirov) partiyalarını ifa etmişdir.

Lirik-dramatik tenor səsi olub və həm də pianoçudur. Teatrda Əsgər ("Arşın mal alan"), Faust ("Faust"), Qraf Almaviva ("Sevilya bərbəri", Coakkino Rossini), Knyaz Sinoda ("Demon", Anton Rubinşteyn), Hofman ("Hofmanın nağılları", Jak Offenbax), Malxaz ("Daisi", Zaxari Paliaşvili), Alfred ("Traviata", Cüzeppe Verdi), Edmond ("Kornevil zəngləri", Rober Plaket), Anatoli ("İnsanın taleyi") partiyalarını oxuyub.

Rəşid Behbudovun ifasında daha çox məşhur olan "Я встретил девушку" mahnısının ilk ifaçısıdır. Mahnı ilk dəfə 1957-ci ildə Tacikistan SSR-in "Stalinabad" kinostudiyasında çəkilmiş eyniadlı filmdə ifa olunmuşdur.

Tahir Atakişiyevin qardaşıdır.

1. Konsert (film, 1961) — mahnı ifa edən
2. Arşın mal alan (film, 1965) — Mahnı ifa edən
3. İmtahan (film, 1987) — rol: Bəhram

• Azərbaycan musiqisi

• Görkəmli musiqi xadimləri – Rauf Atakişiyev