Ramil Əhmədov
Şəxsi məlumatlar
Vətəndaşlığı	SSRİ↔ Azərbaycan
Milliyəti	azərbaycanlı
Doğum tarixi	6 may 1988 (36 yaş)
Doğum yeri	Qırğızıstan, Res Prijevalsk
Təhsili	Cəmşid Naxçıvanski adına hərbi lisey (2003-2006) Azərbaycan Texniki Universiteti(2006-2010)
Boyu	1.78 sm
Çəkisi	100 kq
İdman növü	Pauerliftinq
Karyera illəri	2008 – h. h.
Məşqçisi	Hafiz Verdiyev
İdman dərəcəsi	əməkdar idman ustası
Ağırlıq dərəcəsi	90-100 kq
Komandası	Azərbaycan Milli Pauerliftinq komandası
Hərbi rütbəsi	Gizir
Medallar Avropa çempionatı Qızıl 9 Gümüş 3 Dünya çempionatı Qızıl 5 Respublika çempionatı Qızıl 2

Ramil Əhmədov (tam adı: Əhmədov Ramil İlqar oğlu; d. 6 may 1988, Res Prijevalsk, Qırğızıstan SSR, SSRİ) — Dəfələrlə Azərbaycan çempionu, əməkdar idman ustası, Prezident mükafatçısı, Pauerliftinq üzrə 5 qat dünya və 9 qat Avropa çempionu, Azərbaycan Pauerliftinq Federasiyası (APF) yığma komandasının üzvü. ^[1]

Ramil İlqar oğlu Əhmədov 1988-ci il 6 may tarixində Qırğızıstan SSRİ-nin Res Prijevalsk şəhərində anadan olub.

1994-2003-cü illərdə Bakı şəhəri 153 sayl orta məktəbdə təhsil almış Ramil Əhmədov, 2003-cü ildə Cəmşid Naxçıvanski adına hərbi liseyə daxil olaraq 2006-cı ilə qədər təhsilini burada davam etdirmişdir. 2006-c ildə Azərbaycan Texniki Universitetinə daxil olan Ramil Əhmədov 2010-cu ildə universiteti bitirmişdir.

Ramil Əhmədov 2010-cu ildə universiteti bitirdikdən sonra, hərbi xidmətə yollanıb, Goranboy rayonu "N" saylı hərbi hissədə 2011-ci ilə qədər hərbi xidmətini çəkmişdir. 2011-2012-ci illərdə Azərbaycan Daxili İşlər Nazirliyi, Azərbaycan Daxili Qoşunları və Xüsusi Vasitələrin Tətbiqi Dəstəsində çalışmışdır.

2007-ci ildən peşəkar idmanla məşğul olan Ramil Əhmədov ölkə birinciliklərində iştirak edib, dəfələrlə Azərbaycan çempionu, Pauerliftinq üzrə 5 qat dünya və 9 qat Avropa çempionu olub. Onun idman sahəsində əldə etdiyi nailiyyətləri aşağıdakılardır:^[1]

• 2012-ci il, may. Rusiya, Soçi. İPA Federasiyası. Avropa Çempionatı
• 2014-cü il, may. Azərbaycan, Bakı. WPC Federasiyası. Avropa Çempionatı
• 2015-ci il, aprel. Gürcüstan, Tiflis. GPA/IPO Federasiyası. Avropa Çempionatı (90 kg)
• 2015-ci il, iyun. Latviya, Riqa. WPC Federasiyası. Avropa Çempionatı (82.5 kg)
• 2016-cı il, iyun. İngiltərə, Stok-And-Tend. WPC Federasiyası. Avropa Çempionatı (90 kg)
• 2016-cı il, iyun. ABŞ, Luiziana. WPC Federasiyası. Dünya Çempionatı (90 kg)
• 2017-ci il, may. Azərbaycan, Naxçıvan. Ulu Öndər H.Əliyevin xatirəsinə həsr olunmuş beynəlxalq turniri
• 2017-ci il. Rusiya, Moskva. WPC Federasiyası. Dünya Çempionatı (90 kg)
• 2018-ci il. Rusiya, Moskva. WPC Federasiyası. Avropa Çempionatı (100 kg)
• 2018-ci il, may. Azərbaycan, Bakı. Ulu Öndər H.Əliyevin xatirəsinə həsr olunmuş beynəlxalq turniri
• 2018-ci il, iyul. Fransa, Pant-De-Lex. WPC Federasiyası. Avropa Çempionatı. Mütləq çempionluq ve avropa rekordu (100 kg)^[2]
• 2019-cu il, 10-12 may. Rusiya, Sankt-Peterburq. WPC Federasiyası. Avropa Çempionatı (100 kg)
• 2019-cu il, 17-19 may. Konstantin Konstantinovun adına beynəlxalq turniri. WRPF Federasiyası.
• 2019-cu il, 29 may- 1 iyun. Ümummilli Lider H.Əliyevin 96 illik xatirəsinə həsr olunmuş kişilər və qadınlar arasında pauerliftinq beynəlxalq turniri.
• 2019-cu il, 20-22 sentyabr. Azərbaycan Kuboku
• 2019-cu il, 26-27 oktyabr. Rusiya, Sankt-Peterburq. WRPF versiyası üzrə Cənubi Avropa Çempionatı
• 2019-cu il, 4-8 dekabr. Rusiya, Moskva. WRPF versiyası üzrə Dünya Çempionatı (100 kg)
• 2021-ci il, 6-9 may. Rusiya, Moskva. Avropa Çempionatı (100 kg)
• 2021-ci il, 17-19 sentyabr. Azərbaycan, Bakı. Pauerliftinq, "BENCH-PRESS" VƏ "DEADLIFT" üzrə Azərbaycan Çempionatı
• 2021-ci il, 16-19 dekabr. WRPF Federasiyası. Dünya Çempionatı (100 kg)^[3]
• 2022-ci il, 10 aprel. Azərbaycan "STRONGMAN" Federasiyası. Azərbaycan Çempionatı
• 2022-ci il, 23-24 aprel. Konstantin Konstantinovun adına beynəlxalq turniri. WRPF Federasiyası.
• 2022-ci il, 22-26 iyun. Macarıstan. "WPC" üzrə Avropa Çempionatı. Mütləq avropa çempionu və yeni avropa rekordu (100 kg)^[4]
• 2022-ci il, oktyabr. Rusiya. WRPF versiyası üzrə Cənubi Avropa Çempionatı
• 2022-ci il, noyabr. ABŞ, Florida, Orlando. "WPC" üzrə Dünya Çempionatı (100 kg)^[3]

2018-ci ildə Azərbaycan Respublikası Milli Məclisinin Sədr müavini, Gənclər və İdman Komitəsinin sədri Adil Əliyev tərəfindən ölkəmizi beynəlxalq yarışlarda təmsil etdiyinə görə Fəxri fərmanla təltif olunan Ramil Əhmədov, 2019-cu il 15 fevral tarixində Ramil Əhmədov Azərbaycanın əməkdar idman ustası adını alıb.

2019-cu ilin dekabr ayında Ramil Əhmədov Azərbaycan Respublikasının Prezidenti İlham Əliyev tərəfindən Qeyri-Olimoiya idman növlərinin (Pauerliftinq) inkişafında xüsusi xidmətlərinə görə Fəxri fərmanla təltif olunmuşdur.^[5]

• Powerlifter Ramil Akhmad/Workout and Nutrition program
• “Zirvə”çi Ramil Əhmədov dünya çempionu oldu
• "Pauerliftinqçimiz Ramil Əhmədov Avropa çempionatında iki qızıl medal qazanıb" (az.). https://azertag.az. (#archive_missing_date) tarixində arxivləşdirilib. İstifadə tarixi: 4 apr 2023.
• Pauerliftinq Ramil Əhmədov ilə. Hissə 1: İntervyu