Rafiq Quliyev
Ümumi məlumatlar
Tam adı	Rafiq İsrafil oğlu Quliyev
Doğum tarixi	5 fevral 1950 (74 yaş)
Doğum yeri	Bakı, Azərbaycan SSR, SSRİ
Vətəndaşlığı	SSRİ Azərbaycan
Boyu	178
Mövqeyi	müdafiəçi
Karyerası
Klub karyerası[* 1] 1968—1979 Neftçi 231 (1)
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.

Quliyev Rafiq İsrafil oğlu (5 fevral 1950, Bakı) - Sovet futbolçusu, "Neftçı" (Bakı) futbol komandasında çıxış etmiş müdafiəçi, futbol hakimi.

Quliyev Rafiq İsrafil oğlu Bakı futbol məktəbinin yetirməsidir. 1967-ci ildə "Neftçi" (Bakı) komandasının əvəzedici heyətində çıxış etməyə başlamış, növbəti ildən komandanın əsas heyətində oynamışdır. Futbol üzrə SSRİ çempionatının yüksək liqasında R.Quliyevin debut matçı 5 sentyabr 1968-ci ildə Odessanın "Çernomeres" futbol klubuna qarşı olmuşdur. Həmin görüşdə "Neftçi" rəqib meydançasında 2:1 hesabı ilə qələbə qazanmışdır.^[1].

R.Quliyev rəsmi oyunlarda yeganə qolunu 19 iyul 1972-ci il tarixində "Dinamo" (Tbilisi) komandası ilə Bakıda keçirilən görüşdə rəqib komandanın qapısına vurmuşdur.^[2].

1969-1974-cü illərdə R.Quliyev "Neftçı" (Bakı) futbol komandasının əsas heyətinin aparıcı oyunçularından biri olmuşdur. O, sonralar müəyyən səbəblərdən əsas heyətdən kənarlaşdırılmış, 1976-cı ildən yenidən əsas heyətə qayıtmışdır. R.Quliyev oyunçu kimi karyerini 1979-cu ildə başa vurmuşdur.

R.Quliyev "Neftçı" (Bakı) futbol komandasının 231 oyun, o cümlədən yüksək liqada 163 oyun keçirmişdir.

O, gənclərdən ibarət SSRİ yığma komandasının tərkibində də çıxış etmişdir.^[3].

Rafiq Quliyev 1980-ci illərdən futbol hakimi kimi fəaliyyət göstərir. O, 1984-cü ildən SSRİ-də futbol üzrə Birinci liqanın oyunlarına hakimlik etmişdir. 1988-1989-cu illərdə Yüksək Liqada 7 oyunda Baş hakim kimi çıxış etmişdir. 1987-ci ildən Bakıdan köçmüş və Moskva vilayətində məskunlaşmışdır. O, 1989-cu ildə Ümumittifaq səviyyəli hakim kateqoriyasını almışdır.

Rafiq Quliyev futbol karyerasını başa vurduqdan sonra Moskva vilayətinin Ximki şəhərində yaşayır. O, veteran futbolçulardan ibarət matçlarda da çıxış etmişdir.^[4].

1. ↑ "«Черноморец» Одесса 1 : 2 «Нефтчи» Баку". 2020-07-28 tarixində arxivləşdirilib. İstifadə tarixi: 2020-07-28.
2. ↑ "«Нефтчи» Баку 3 : 1 «Динамо» Тбилиси". 2019-01-06 tarixində arxivləşdirilib. İstifadə tarixi: 2020-07-28.
3. ↑ "Вспоминая легенду: Анатолий Банишевский". 2017-06-10 tarixində arxivləşdirilib. İstifadə tarixi: 2020-07-28.
4. ↑ "16 октября сыграют ветераны России и Азербайджана". 2020-07-28 tarixində arxivləşdirilib. İstifadə tarixi: 2020-07-28.