Moldova pasportu
Vikipediya, azad ensiklopediya
Moldova pasportu | |
---|---|
rum. pașaport moldovenesc | |
![]() ![]() |
|
Tərəfindən verilib |
![]() |
İlk çıxış tarixi |
1 fevral 2008 (ilk biometrik pasport) 5 aprel 2023 (cari versiya) |
Sənəd növü | Pasport |
Məqsəd | Şəxsiyyət doğrulama və səyahət |
Bitmə müddəti | 10 il |
![]() |
Moldova pasportu — Moldova vətəndaşlarına beynəlxalq səyahət üçün verilən sənəd. Pasport Dövlət Təşkilat və İnformasiya Resursları mərkəzi "Registru" tərəfindən, xaricdə isə Moldovanın xarici nümayəndəlikləri tərəfindən verilir. Pasportun etibarlılıq müddəti 7 ildir. 7 yaşa qədər uşaqlar üçün pasportun etibarlılıq müddəti 4 ildir. 2006-cı il yanvarın 1-dən Moldova vətəndaşları eyni vaxtda iki pasport almaq imkanı üçün yerli pasport idarəsinə yazılı müraciət etməlidirlər.
Moldovanın ilk biometrik pasportu 2008-ci il yanvarın 1-də verilib. Yeni məcburi Moldova biometrik pasportu 1 yanvar 2011-ci ildə buraxılıb və qiyməti 700 MDL (45 avro) təşkil edir. Pasportun çipində sahibinin qan qrupu, rəqəmsal barmaq izi və rəqəmsal şəkli var. Rəqəmsal barmaq izi 12 yaşdan kiçik uşaqlar üçün məcburi deyil. Köhnə qeyri-biometrik pasportlar istifadə müddəti bitənə qədər etibarlı olacaq, səyahət üçün isə yalnız yeni biometrik pasportlar etibarlı olacaq.
Pasport 32 səhifədən ibarətdir. Məlumat vərəqi rumın, ingilis və fransız dillərində çap olunur.
Bundan əlavə, Rumıniya Hökuməti Rumıniya əsilli Moldova vətəndaşlarına Rumıniya pasportları verir ki, bu da onlara Avropa İttifaqında və region ölkələrində vizasız səyahət etməyə imkan verir. Bu gün 120 minə yaxın Moldova vətəndaşı Rumıniya vətəndaşlığı üçün müraciət edib və Rumıniya pasportu alıb.
Avropa İttifaqı 2008-ci ildən bəri viza rejimini asanlaşdırdığı Moldova ilə vizadan azad olmaq üçün danışıqlar aparıb. 2010-cu ilin iyununda Avropa İttifaqı (Aİ) Moldova ilə vizasız səyahət danışıqlarına başlayıb. Aİ və Moldova arasında viza rejiminin sadələşdirilməsinə dair saziş 2012-ci ilin iyununda baş nazir Vlad Filat və Avropa komissarı Sesiliya Malmström tərəfindən imzalanıb. 2013-cü ilin noyabrında Avropa İttifaqı Moldova vətəndaşları üçün vizanın 2014-cü ildən ləğv edilməsini təklif edib.[1]
Biometrik pasportu olan Moldova vətəndaşları 28 aprel 2014-cü il tarixindən etibarən Şengen zonasına daxil olarkən vizadan azad ola bilərlər.[2]
Henley Viza məhdudiyyətləri indeksinin 2016-cı il hesabatına əsasən, Moldova vətəndaşları sərhəd qapısında vizalı və ya vizasız 101 ölkəyə səyahət edə bilərlər.[3] Bu yolla Moldova vətəndaşları dünyada səyahət azadlığına görə 52-ci yerdədirlər.
![](https://upload.wikimedia.org/wikipedia/commons/thumb/b/b6/Visa_requirements_for_Moldovan_citizens.png/750px-Visa_requirements_for_Moldovan_citizens.png)
İstinadlar
[redaktə | mənbəni redaktə et]- ↑ "Visa Liberalization Recommended For Moldova". rferl.org. 2 mart 2014 tarixində arxivləşdirilib. İstifadə tarixi: 19 fevral 2014.
- ↑ "Moldova vizeden muaf". yeniasya.com.tr (türk). 29 aprel 2014 tarixində arxivləşdirilib. İstifadə tarixi: 29 aprel 2014.
- ↑ "The Henley & Partners Visa Restrictions Index 2016" (PDF). henleyglobal.com. 2 mart 2016 tarixində arxivləşdirilib (PDF). İstifadə tarixi: 12 mart 2016.
Text is available under the CC BY-SA 4.0 license; additional terms may apply.
Images, videos and audio are available under their respective licenses.