Leon Festinger
Vikipediya, azad ensiklopediya
LEON FESTİNGER | |
---|---|
ing. Leon Festinger | |
Doğum tarixi | 8 may 1919[1][2][…] |
Doğum yeri | |
Vəfat tarixi | 11 fevral 1989[1][2][…] (69 yaşında) |
Vəfat yeri | |
Vəfat səbəbi | xərçəng xəstəliyi |
Təhsili |
|
Fəaliyyəti | psixoloq, universitet müəllimi[d] |
Elmi dərəcəsi | |
Üzvlüyü |
Leon Festinger (8 may 1919[1][2][…], Manhetten, Nyu-York ştatı – 11 fevral 1989[1][2][…], Nyu-York, Nyu-York ştatı[3]) — ABŞ sosial psixoloqu. O bir çox təcrübələri ilə, xüsusilə isə Koqnitiv dissonans və Sosial müqayisə nəzəriyyələri ilə tanınır.
L. Festingerin valideynləri Rusiyadan olan yəhudi əsilli mühacirlər idi.
Festinger 1939-cu ildə Nyu Yorkdakı City College adlı təhsil müəssisəsini bitirərək bakalavr dərəcəsini qazanmışdır. Bundan sonra o Iowa (Ayova) Universitetində tanınmış sosial psixoloq Kurt Levinin rəhbərlik etdiyi kurslarda təhsilini davam etdirərək psixologiya üzrə ustad və doktor elmi dərəcələrini qazanmışdır.
Karyera
[redaktə | mənbəni redaktə et]Festinger karyerası müddətində Iowa, Rochester, Michigan Universitetlərində, Massachusetts Texnologiya Universitetində, Minnesota Universitetində, Stanford Universitetində işləmişdir.
L. Festinger Koqnitiv dissonans tədqiqatını 1954-cü ildə Minnesota Universitetində işləyərkən başlamışdır. Tədqiqatın nəticələrini o, Theory of Cognitive Dissonance (1957) (Koqnitiv dissonans nəzəriyyəsi) kitabında qeyd etmişdir. Bu nəzəriyyəyə görə şəxs bir birinə əks olan iki ideya istiqamətində eyni zamanda hərəkət etməli olanda, o diskomfort (narahatlıq) hiss edir. Məsələn, siqaretin zərərli olduğunu dərk etdiyi halda siqaret çəkmək. Bu halda şəxs narahatlığı azaltmaq üçün ya konflikt yaradan hərəkətə haqq qazandırmalıdır (məs. siqaret çəkmək onun əsəb gərginliyini azaldır), ya da həmin hərəkətdən əl çəkməlidir (yəni, siqaret çəkməyi tərgitməlidir).
Festingerin digər mühüm ideyası onun Sosial müqayisə nəzəriyyəsi (1954) (Social comparison theory) ilə ifadə olunur. Bu nəzəriyyəyə görə insanlar özlərini daha yüksək səviyyəli hesab etdikləri adamlarla müqayisə edərək, özlərində onlarla oxşar və ya eyni cəhətlər tapmağa çalışırlar. Bu proses yuxarı istiqamətlənmiş sosial müqayisə adlanır (upward social comparison). Bundan başqa insanlar özlərini, daha pis şəraitdə olanlarla müqayisə edirlər və bununla özlərinin daha yaxşı vəziyyətdə olduqlarını aydın dərk edirlər. Bu proses aşağı istiqamətlənmiş sosial müqayisə adlanır (downward social comparison).
Şəxsi həyat
[redaktə | mənbəni redaktə et]Festinger ilk olaraq Mary Ballou ilə ailə qurmuşdur. Onların üç uşaqları olmuşdur. Bir neçə illik ailə həyatından sonra onlar ayrılmışlar. Festinger sonradan Trudy Bradley ilə ailə qurmuşdur.
Festinger əhəmiyyətli elmi fəaliyyətinə görə müxtəlif fəxri adlarla təltif edilmişdir.
Ən çox tanınmış əsərləri
[redaktə | mənbəni redaktə et]- Festinger, L. (1957). A theory of cognitive dissonance. Evanston, IL: Row, Peterson.
- Festinger, L. (1950). lnformal social communication. Psychological Review, 57, 271-282.
- Festinger, L. (1954). A theory of social comparison processes. Human Relations, 7: 117–140.
- Festinger, L, Schachter, S. and Black, K. (1950) Social Pressures in Informal Groups; a Study of Human Factors in Housing. Palo Alto, California: Stanford University Press.
Mənbə
[redaktə | mənbəni redaktə et]- Franz Samelson, (2000), "Festinger, Leon", American National Biography Online, February.
- Stanley Schachter, (1994). "Leon Festinger", Biographical Memoirs, 64, 99-111, National Academy of Sciences.
- Colman, A. (2001). Oxford Dictionary of Psychology. Oxford. University Press
İstinadlar
[redaktə | mənbəni redaktə et]- ↑ 1 2 3 4 Bibliothèque nationale de France BnF identifikatoru (fr.): açıq məlumat platforması. 2011.
- ↑ 1 2 3 4 Brozović D., Ladan T. Leon Festinger // Hrvatska enciklopedija (xorv.). LZMK, 1999. 9272 s.
- ↑ 1 2 Deutsche Nationalbibliothek Record #118683470 // Ümumi tənzimləmə nəzarəti (GND) (alm.). 2012—2016.
Tematik saytlar | ||||
---|---|---|---|---|
Lüğətlər və ensiklopediyalar | ||||
|
Bölmələri | Ümumi psixologiya • Akmeologiya • Differensial psixologiya • Psixogenetika • Psixodiaqnostika • Psixolinqvistika • Duyğu psixologiyası (iybilmə, rəng) • Fərdin psixologiyası • İnkişaf psixologiyası • Psixofiziologiya • İctimai psixologiya • Xüsusi psixologiya • Müqayisəli psixologiya • Təkamül psixologiyası • Eksperimental psixologiya • Gender psixologiyası • İdraki psixologiya |
---|---|
Tətbiqi | Mühəndis psixologiyası • Klinik psixologiya • Neyropsixologiya • Patopsixologiya • Sağlamlıq psixologiyası • Psixosomatika • Psixoterapiya • Pedaqoji psixologiya • İdman psixologiyası • Əmək psixologiyası • İdarəetmə psixologiyası • İqtisadi psixologiya • Hüquq psixologiyası |
İstiqamətlər (məktəblər) | Assosianizm • Biheviorizm • Funksionalizm • Strukturalizm • Psixoanaliz • Analitik psixologiya • Gestaltpsixologiya • Mədəni-tarixi psixologiya • Fəaliyyət nəzəriyyəsi • Koqnitiv psixologiya • Humanizm psixologiyası • Ekzistensial psixoterapiya • Rasional-emosional-davranış terapiyası • Transfərdi psixologiya |
Ciddi töhfə vermiş psixoloqlar | Alfred Adler • Qordon Alport • Albert Bandura • Corc Kelli • Raymond Kettel • Erik Erikson • Hans Ayzenk • Leon Festinger • Viktor Frankl • Ziqmund Freyd • Donald Hebb • Vilyam Ceyms • Karl Yunq • Kurt Levin • Abraham Maslau • Stenli Miqrab • Corc Miller • İvan Pavlov • Lev Vıqotskiy • Aleksey Leontyev • Aleksandr Luriya • Jan Piaje • Karl Rocers • Eduard Torndayk • Corc Vatson • Berres Skinner • Vilhelm Bundt • Maks Vertheymer • Volfqanq Köhler • Kurd Koffka • Fridrix Perlz |
Text is available under the CC BY-SA 4.0 license; additional terms may apply.
Images, videos and audio are available under their respective licenses.