Laurensiana kitabxanası
Vikipediya, azad ensiklopediya
| Laurensiana kitabxanası | |
|---|---|
| Biblioteca Medicea Laurenziana | |
 | |
 | |
| Ümumi məlumatlar | |
| Növü | kitabxana |
| Memarlıq üslubu | İntibah memarlığı |
| Ölkə | |
| Koordinatlar | 43°46′28″ şm. e. 11°15′16″ ş. u. |
| Şərəfinə adlandırılıb | Mediçilər, San-Lorentso bazilikası[d] |
| Dizayn və konstruksiya | |
| Memar | Mikelancelo |
| Veb-sayt | |
|
bmlonline.it bml.firenze.sbn.it bml.firenze.sbn.it |
|
 Vikianbarda əlaqəli mediafayllar | |
Mediçi Lorenso Kitabxanası, Laurensiana Kitabxanası (lat. Biblioteca Medicea Laurenziana) — əlyazmaları ilə məşhur olan İtaliyanın dövlət kitabxanasıdır. Florensiyada yerləşir. 11000-dən çox əlyazma və 4500 qədim çap olunmuş kitab saxlanılır. Kitabxana Mediçilərin hakimiyyəti dövründə yaradılmışdır. Kitabxana 1571-ci ildə açılmışdır. Kitabxana Laurenziana adını babası Qoca Kozimo Medicinin kitabxanasını əhəmiyyətli dərəcədə zənginləşdirən Möhtəşəm Lorenso Mediçi şərəfinə almışdır[3].
Kolleksiyanın yığılma tarixi
[redaktə | mənbəni redaktə et]Qoca Kosimo Medici 1444-cü ildə özünün geniş əlyazma kolleksiyasından ev kitabxanası qurdu. 1437-ci ildə dostu, humanist və bibliofil, qədim əlyazmalara düşkün olan Nikolo Nikkolinin ölümündən sonra Kosimo onun kolleksiyasını miras aldı və onu qismən San-Marko monastırına verdi. 1497-ci ildə Mediçilər Florensiyadan qovulduqda kitabxana Sinoriyanın mülkiyyətinə keçdi və San-Marko monastırına göndərildi. 1512-ci ildə Florensiyaya qayıtdıqdan sonra Mediçilər şəhərdə öz hakimiyyətlərini bərpa etdilər, həmçinin kitab, əlyazmalar və sənət əsərləri kolleksiyalarını geri aldılar.
Binanın tarixi
[redaktə | mənbəni redaktə et]Kitabxananın adını qoyan I Möhtəşəm Lorensonun qardaşı oğlu Julio de Mediçi (1478-1534) 1523-cü ildə VII Klemens adı ilə papa oldu. 1524-cü ildə o, Mikelancelo Buonarrotiyə ailə kitabxanası üçün bina tikməyi tapşırır. Tikinti 1525-ci ildə başlayır. Lakin 1534-cü ildə Mikelancelo Florensiyanı tərk edərkən yalnız oxu zalının divarları tamamlanmışdı. Nikkolo Tribolo, Corco Vazari və Bartolomeo Ammanati Mikelancelonun planları və şifahi göstərişləri əsasında iş davam etdirdilər. Kitabxana 1571-ci ildə açıldı.
Laurenzian Kitabxanası Mikelancelonun ən mühüm memarlıq nailiyyətlərindən biridir. Hətta müasirləri də dərk edirdilər ki, bu layihədəki yeniliklər o dövrün memarlıq fikrinin inkişafı üçün mühüm əhəmiyyət kəsb edir[4].
İstinadlar
[redaktə | mənbəni redaktə et]- ↑ 1 2 archINFORM (alm.). 1994.
- ↑ 1 2 Sistema Cultura. 2015.
- ↑ Medicean-Laurentian Library. Encyclopædia Britannica, 2007
- ↑ Lotz W., Howard D. Architecture in Italy. 1500—1600. — New Haven: Yale University Press, 1995. — Рp. 91—94
Text is available under the CC BY-SA 4.0 license; additional terms may apply.
Images, videos and audio are available under their respective licenses.
