Kirenaika əmirliyi
Bayraq Gerb
Rəsmi dilləri	ərəb dili
Paytaxt	Benqazi
İdarəetmə forması	mütləq monarxiya
Valyuta	Misir funtu[d]

Kirenaika Əmirliyi (ərəb. إمارة برقة‎ sonradan Liviya kralı olacaq Əmir İdris tərəfindən 1949-cu il martın 1-də Böyük Britaniyanın dəstəyi ilə birtərəfli şəkildə Kirenaikanı müstəqil Sənusi əmirliyi elan etməsi ilə yaranmışdı. İdris Benqazidə keçirilən "milli konfransda" özünü Kirenaika əmiri elan edərək müstəqil dövlət qurğunu bəyan etdi. Böyük Britaniya tərəfindən tanınması Birləşmiş Millətlər Təşkilatının bu dövlətə müsbət münasibətinə göstərməsinə təsir edə bilmədi. Bununlada İngiltərə və Fransa 21 noyabr 1949-cu ildə qəbul edilmiş qətnamə ilə öz tabaçeliyində olan Tripolitaniya və Fəzzan ərazilərini yeni qurulan krallığa təhvil verməklə vahid Liviya krallığının müstəqilliyini hazırlamağa yönəldilər^[1] Nəhayət 24 dekabr 1951-ci ildə Liviya Krallığının müstəqilliyi elan edildi və dekabrın 27-də Əmir İdris bu dəfə də kral I İdris olaraq yeni qurulan dövlətin də taxtına oturdu^[2][1]

Ağ ulduz və aypara simvolu olan qara bayraq İdris tərəfindən 1947-ci ildə əmir elan edildikdən sonra qəbul edilmişdir. Daha sonralar müvafiq olaraq Tripolitaniya və Fezzanı təmsil edən qırmızı və yaşıl zolaq əlavə edilməklə 1951-ci il Liviya bayrağının da əsası bu rənglər oldu.^[3]

6 mart 2012-ci ildə Benqazidə keçirilən toplantıda 63 il əvvəlki hadisələri özündə əks etdirən oxşar tipli fikirlər səsləndirib və Kirenaika üçün muxtariyyət və Liviya üçün federalizm sistəmi təklif olunub. Həmin toplantıda Kral I İdrisin qohumu olan Əhməd əl-Senussi özünü Kirenaika Keçid Şurasının lideri elan edib.^[4]