Kevin De Bröyne
nid. Kevin De Bruyne
Ümumi məlumatlar
Doğum tarixi	28 iyun 1991 (33 yaş)
Doğum yeri	Drongen, Gent, Belçika
Vətəndaşlığı	Belçika
Boyu	181
Çəkisi	68 kq
Mövqeyi	Yarımmüdafiəçi
Əsas ayağı	sağ
Klub haqqında məlumat
Klub	Mançester Siti
Nömrəsi	17
Karyerası
Gənclik karyerası 1997–1999 Drongen 1999–2005 Gent 2005–2008 Genk Klub karyerası[* 1] 2008–2012 Genk 97 (16) 2012–2014 Çelsi 3 (0) 2012–2013 →  Verder Bremen 33 (10) 2014–2015 Volfsburq 51 (13) 2015–... Mançester Siti 152 (36) Milli yığma[* 2] 2008–2009 Belçika U-18 7 (1) 2009–2010 Belçika U-19 10 (1) 2010–2011 Belçika U-21 2 (0) 2010–... Belçika 74 (19)
Təltif və medalları
Dünya çempionatı Bürünc Rusiya 2018
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarda əlaqəli mediafayllar

Kevin De Bröyne (nid. Kevin De Bruyne, Niderlandca tələffüz: [ˈkɛvɪn də ˈbrœynə], 28 iyun 1991^[1][2][…]) — Premyer Liqa klublarından Mançester Siti və Belçika milli futbol komandasında yarımmüdafiəçi mövqeyində çıxış edən belçikalı professional futbolçudur. Qeyri-adi ötürmələri, mükəmməl zərbə qabiliyyəti və driblinqi ilə tanınan Kevin dünyanın ən yaxşı oyunçulardan biri hesab olunur və tez-tez "tam futbolçu" kimi təsvir olunur.

Kevin peşəkar karyerasına 2010-2011 mövsümündə Belçika Jupiler Pro Liqasını qazandığı Genk komandasında başladı. 2012-ci ildə Çelsi ilə müqavilə imzalayan De Bröynenin Premyer Liqa macərası başladı, lakin Çelsidə az forma şansı əldə edərək Almaniya çempionatına yollandı, 1 il Verder Bremendə icarə əsasında çıxış etdikdən sonra, 18 milyon ₤-ə Aşağı Saksoniya təmsilçisi Volfsburqa transfer oldu. Məhz burada özünü Bundesliqanın ən yaxşı oyunçusu kimi tanıtdı və 2014-15 mövsümündə Almaniya Kubokunu qazanan komandanın ayrılmaz üzvlərindən birinə çevrildi. 2015-ci ilin yayında De Bröyne 54 milyon ₤-lik bir rekordla Mançester Sitiyə qoşularaq yenidən Premyer Liqaya qayıtdı. O vaxtdan bəri klubla iki Premyer Liqa çempionluğu, dörd Liqa Kuboku, bir FA Kuboku və İngiltərə Milli Futbol Superkuboku qazandı. 2017–18-ci illərdə, o, Mançester Sitinin bir mövsümdə 100 xal qazanan yeganə Premyer Liqa komandası olması rekordunda əhəmiyyətli bir rol oynadı. 2019–20-ci illərdə De Bröyne, bir Premyer Liqa mövsümündə ən çox məhsuldar ötürmə edən futbolçu kimi rekord qırdı və Premyer Liqada mövsümün oyunçusu seçildi.

De Bröyne 2010-cu ildə heyətində rəsmi debüt etdiyi Belçika milli futbol komandasında 74 oyunda 19 dəfə rəqib qapılarına yol tapdı. Belçika millisi ilə o, həm 2014 FİFA Dünya Kubokunda, həm də UEFA Avro 2016da dörddəbir finala qədər yüksələ bildi. Kevin və komanda yoldaşları Rusiyada keçirilən 2018 FİFA Dünya Kubokunda da Belçika millisi ilə uğurlu oyunlar keçirərək 3-lük uğrunda keçirilən oyunda İngiltərə millisinə qalib gələrək Dünya Çempionatının bürünc medallarını qazandılar və De Bröyne həmin Dünya Çempionatının rəmzi komandasında yer aldı.

Genk

• Belçika Kuboku
  • Qalib (1): 2009
• Belçika Pro Liqası
  • Qalib (1): 2010/11

Volfsburq

• Almaniya Kuboku
  • Qalib (1): 2014/15
• Almaniya Superkuboku
  • Qalib (1): 2015/16

Mançester Siti

• İngiltərə Liqa Kuboku
  • Qalib (5): 2016, 2018, 2019, 2020, 2021
• İngiltərə Premyer Liqası
  • Qalib (4): 2018, 2019, 2021, 2022
• İngiltərə Federasiya Kuboku
  • Qalib (1): 2019
• İngiltərə Milli Futbol Superkuboku
  • Qalib (2): 2019, 2020

• İngiltərə Liqa Kubokunda ən çox qol vuran oyunçu
  • Qalib (1): 2015/16
• Almaniyada ilin oyunçusu
  • Qalib (1): 2015
• Mançester Sitidə ilin oyunçusu
  • Qalib (2): 2019/20, 2021/22