Hovard Hyuz
ing. Howard Hughes
Doğum tarixi	24 dekabr 1905(1905-12-24)[1][2][…]
Doğum yeri	Hyuston, Texas, ABŞ
Vəfat tarixi	5 aprel 1976(1976-04-05)[3][1][…] (70 yaşında)
Vəfat yeri	Hyuston, Texas, ABŞ[4]
Vəfat səbəbi	ürək tutması, böyrək çatışmazlığı[d]
Partnyorları	Ketrin Hepbern (1937–1938) Ava Qardner (1943–) Cincer Rocers[d] Rita Heyvort Cin Harlou
Atası	Hovard Robard Hyuz
Təhsili	Kaliforniya Texnologiya İnstitutu, Rays Universiteti
Fəaliyyəti	film prodüseri, kinorejissor, pilot, sahibkar, ixtiraçı, prodüser
Fəaliyyət illəri	1926-cı ildən
hhmi.org
Vikianbarda əlaqəli mediafayllar

Hovard Hyuz (24 dekabr 1905^[1][2][…], Hyuston, Texas, ABŞ – 5 aprel 1976^[3][1][…], Hyuston, Texas, ABŞ^[4]) amerikalı iş adamı, aviator, kinorejisor, kino prodüseri və dünyanın ən varlı insanlarından biri idi.

Howard Robard Hughes Sr.-nin oğlu olan Hyuz on doqquz yaşında neft qazma maşınları istehsal edən bir fabrikin rəhbəri olmuşdur. Bir neçə il ərzində əhəmiyyətli qazanclar əldə edərək 1930-cu ildə kinoya, 1931-ci ildə isə içki sənayesinə daxil olmuşdur. Daha sonra aviasiyaya üz tutmuşdur. 1938-ci ildə o, öz ideyasına müvafiq olaraq hazırlanmış olan təyyarə ilə dünyanı rekordlar qıracaq müddətdə (3 gün, 19 saat) dövr etmişdir. TWA Aviasiya Şirkətinin səhmlərinin dörddə üçünü almaqla bu sahədə söz sahibi olmuşdur.

İkinci Dünya Müharibəsi illərində toplar və hərbi təyyarələr hazırlamışdır. O, öz zamanında dünyanın ən böyük təyyarəsi olan Hughes H-4 Herculesi düzəltmiş və bir dəfə də olsa uçurmuşdur. Təyyarə İkinci Dünya Müharibəsində alüminiuma qoyulan məhdudiyyətlərə görə, əsasən ağacdan istifadə edilərək hazırlanmışdır. Təyyarənin qanadlarının uzunluğu 97,54 metrdir və 8 mühərrikli konstruksiyası onun möhtəşəmliyinin empirik göstəricisidir.

Xeyli sərvət xərclədiyi “Cəhənnəm mələkləri” filminin çəkilişləri uzun illər davam etmiş və filmin çəkilişləri başa çatdıqdan sonra böyük rəğbət qazanmışdır. 1948-ci ildə yenidən kinoya qayıtmışdır. 1953-cü ildə tibb sahəsində elmi-tədqiqatlar aparan institut təsis etmişdir. Ətraf aləm ilə bütün münasibətlərini kəsərək qapalı həyat sürməsi və ölənə qədər heç kimə görünməməsi onun maraqlı cəhətlərdən bəziləridir.

Obsesif kompulsif pozğunluğu olan Howard Hughes, ətrafındakılarla sosial münasibətlərdə həmişə problemlər yaşayırdı.

1950-ci ildə Howard Robard Hughes Jr. dünyanın ən zəngin insanı olmuşdur. Onun sərvətinin bugünkü pulla 12,8 milyard dollar olduğu məlum olmuşdur.

1. ↑ ^{1 2 3 4} Howard Hughes // Encyclopædia Britannica (ing.).
2. ↑ ^{1 2} Lundy D. R. Howard Robard Hughes, Jr. // The Peerage (ing.).
3. ↑ ^{1 2} Bibliothèque nationale de France BnF identifikatoru (fr.): açıq məlumat platforması. 2011.
4. ↑ ^{1 2} http://archive.org/stream/1897report07harvuoft/1897report07harvuoft_djvu.txt.