Hikmət Atayev
Azərbaycan Respublikasının Milli Məclisi III və IV çağırış deputatı
13 mart 2006 – 7 mart 2013
Seçki dairəsi	2006, 2010 — 110 saylı Zaqatala
Əvvəlki	Vəzifə təsis edildi.
Sonrakı	Elşən Musayev
Zaqatala Şəhər Bələdiyyəsinin sədri
2005 – 2006
Şəxsi məlumatlar
Doğum adı	Atayev Hikmət İsmayıl oğlu
Doğum tarixi	4 fevral 1953(1953-02-04)
Doğum yeri	Zaqatala, Zaqatala rayonu, Azərbaycan SSR, SSRİ
Vəfat tarixi	7 mart 2013(2013-03-07) (60 yaşında)
Vəfat yeri	Balakən rayonu, Azərbaycan
Vəfat səbəbi	avtomobil qəzası
Partiya	Yeni Azərbaycan Partiyası
Təhsili	Azərbaycan Tibb Universiteti

Hikmət Atayev (4 fevral 1953, Zaqatala – 7 mart 2013, Balakən rayonu) — Azərbaycan Milli Məclisinin deputatı, Milli Məclisin Sosial siyasət daimi komissiyasının üzvü.

Hikmət Atayev 4 fevral 1953-cü ildə Zaqatala şəhərində anadan olmuşdur. Azərbaycan Dövlət Tibb Universitetinin müalicə-profilaktika fakültəsini bitirmişdir. Rus və ingilis dillərini bilirdi.

1977-ci ildən Zaqatala Rayon Mərkəzi Xəstəxanasında cərrah, 2002-ci ildən Cərrahiyyə şöbəsinin müdiri vəzifələrində çalışmışdır. 2005–2006-cı illərdə Zaqatala şəhər bələdiyyəsinin sədri olmuşdur.

Yeni Azərbaycan Partiyasının üzvü olmuşdur.

2006-cı il mayın 13-də 110 saylı Zaqatala seçki dairəsindən deputat seçilmişdir. Milli Məclisin Sosial siyasət daimi komissiyasının üzvü olmuşdur. Azərbaycan-Almaniya Federativ Respublikası, Azərbaycan-Böyük Britaniya, Azərbaycan-Finlandiya, Azərbaycan-Ukrayna parlamentlərarası əlaqələr üzrə işçi qruplarının üzvü olmuşdur.

7 mart 2013-cü ildə Gürcüstandan Balakən istiqamətində hərəkət edərkən idarə etdiyi "VAZ-2106" markalı maşın "VAZ-21015" markalı maşınla toqquşub. Nəticədə Hikmət Atayev aldığı xəsarətdən hadisə yerindəcə vəfat etmişdir^[1].

Evli idi və 4 övladı var.