Güllərim — sözləri Nəbi Xəzriyə, musiqisi Arif Məlikova aid Azərbaycan mahnısı. Mahnının ilk ifaçısı Zeynəb Xanlarovadır. Sonralar mahnı Nisə Qasımova və Brilliant Dadaşovanın ifasında da özünəməxsus məşhurluq qazanıb.

1974-cü ildə Azərbaycan Dövlət Akademik Milli Dram Teatrında Nəbi Xəzrinin "Əks-səda" pyesi hazırlanır. Tamaşanın quruluşçu rejissoru Əşrəf Quliyev, bəstəkarı isə Arif Məlikov olur. Əsərin məzmununa görə qəhrəmanlardan biri – taleyi gətirməmiş Çinarə Bakıda xəstəxanada müalicə alarkən öz hisslərini, həyatındakı gərgin məqamları ifadə edən bir mahnı oxumalıdır. Mahnının adı isə "Güllərim"dir. Mahnın oxunması, bəstəkar Arif Məlikovun seçimi ilə Zeynəb Xanlarovaya həvalə edilir.

Mahnı işlənib hazırlandıqdan sonra lent yazısının bir nüsxəsi Azərbaycan Radiosuna təhvil verilir, bir nüsxəsi də tamaşada istifadə edilmək üçün teatra göndərilir. Lakin tamaşada həmin yazıdan istifadə olunmur. Yaradıcı heyət, tamaşada bu mahnını Çinarə rolunun ifaçısı – gənc aktrisa Sevil Xəlilovanın özü tərəfindən ifa edilməsini təklif edir. Sonralar aktrisa Sevil Xəlilova etiraf edib ki, radioda bu mahnını Zeynəb Xanlarovanın ifasında eşidərkən qəribə hisslər keçirirmiş.

Axşamüstü mətni mənə gətirdilər. Royalın arxasına keçib bir qədər işlədikdən sonra mahnını yazdım. Mahnını yazmaq üçün partitura lazım deyildi, o mahnıya da nə lazım olduğunu bilirdim: xalq çalğı alətlərinin müşayiəti gərək idi, müğənni olaraq da Zeynəb xanımı gördüm. Zeynəb xanımla elə studiyada görüşüb məşq etdik və mahnını lentə aldıq. Arif Məlikov

Mən mahnının tamaşa üçün yazıldığını bilmirdim, ürəyimə yatdığı üçün oxudum. Zeynəb Xanlarova

Vida ömrün qışına,

Güllər yağsın başına,

Batım gül yağışına.

Nəqərat:

Töksün leysan güllərim,

Əlvan-əlvan güllərim,

Şirin sözlü güllərim,

Mavi gözlü güllərim.

Ləklərdən güllər aşır,

Güllər yanır, alışır,

Güllər nədən danışır?..

Arif Məlikov
Mahnılar	Azərbaycan  • Bəni adəm xoş gəlib  • Çıx yaşıl düzə  • Dənizdə Ay çiməndə  • Dön, geri bax!  • Gəldi bahar  • Güllərim  • Günəş ürəkli  • İnandım  • İnanma  • Lay-lay  • Sən Əslisən, mən Kərəm  • Sən gəlmədin / Niyə gəlmədin?  • Səpil, toxumum!  • Təəssürat  • Vətəndir  • Yaşatdın məni
Baletlər	Məhəbbət əfsanəsi (1961)  • Ölümdən güclü (1966)  • Yer üzündə iki nəfər (1969)  • Əlibaba və qırx quldur (1973)  • İki ürəyin dastanı (1981)  • Yusif və Züleyxa (1999)
Simfonik əsərlər	"Simfonik nağıl"  • Səkkiz simfoniya  • 7 saylı Simfoniya  • Azərbaycan balladası (1995)
Operatta	Dalğalar (1967)
Filmoqrafiya	Sehrli xalat (1964)  • İyirmialtılar (1966)  • Məhəbbət əfsanəsi (1969)  • Axırıncı aşırım (1971)  • Ulduzlar sönmür (1971)  • Rüstəm və Söhrab (1971)  • Ürək məsələləri (1971)  • Qərib cinlər diyarında (1977)  • Qız qalası əfsanəsi (1978)  • İşarəni dənizdən gözləyin (1986)  • Arif Məlikov. "Məhəbbət əfsanəsi" (1987)  • Doğma sahillər (1989)  • Gecə qatarında qətl (1990)  • Kitabi Dədə Qorqud. Səkrəyin dastanı (1990)  • Kamil (1997)  • Tənha ruh (1998)  • Tanrıya tapınan Kiş (2001)  • Hacı Qara (2002)  • Maestro (2002)  • Kitabi Dədə Qorqud. Basat və Təpəgöz (2003)  • Nəfəs alətləri (2004)  • Oqtay Ağayev. Ötən günlər (2004)  • Rəssam ömrünün palitrası. Xalq rəssamı Böyükağa Mirzəzadə (2006)  • Dağlı çörəyi (2007)  • Hədiyyələr, həyəcanlar... (2007)  • Maestro Niyazi (2007)