Fəyaz Rəşid Əhməd Həsən əl-Qədi Bənihəmməd (ərəb. فايز راشد احمد حسن القاضي بني حماد‎, Fāyaz Rāshid Aḥmad Ḥassan al-Qāḍī Banī Ḥammad; 19 mart 1977 – 11 sentyabr 2001) ― 11 sentyabr 2001-ci il terror aktları çərçivəsində Yunayted Hava Yolları reys 175-i qaçıran beş nəfərdən biri.

Birləşmiş Ərəb Əmirliklərində anadan olan Bənihəmməd Visa Express proqramını istifadə edərək ABŞ turist vizasını almışdır.

Bənihəmməd 2001-ci ilin iyun ayında ABŞ-yə gəldi. 11 sentyabr 2001-ci ildə Bənihəmməd Yunayted Hava Yolları reys 175-ə mindi və təyyarənin qaçırılmasında iştirak etdi ki, o,Dünya Ticarət Mərkəzinin cənub qülləsinə dəysin.

Həm Bənihəmmədin özü, həm də media onu təsvir etmək üçün "Fəyaz Əhməd", "Bənihəmməd Fəyaz Əbu-Dabi Bənihəmməd", "Fəyaz Rəşid Əhməd", "Rəşid Əhməd Həsən əl-Qədi", " Əbu-Dabi Bənihəmməd Əhməd Fəyaz" və s. kimi digər ləqəblərindən istifadə edirdi.

Əsas məqalə: Yunayted Hava Yolları reys 175

Fəyaz Bənihəmməd həm özünün həm də Mohand əl-Şəhri Yunayted Hava Yolları reys 175 uçuşu üçün 27 və ya 29 avqust tarixlərində bir tərəfli birinci sinif biletlərini VISA kartı ilə Mustafa əl-Havsəvdən $4464.50 qiymətinə aldı. Hər ikisinin ünvanını Mail Boxes Etc., Delrey Biç kimi qeyd etmişdir. Bu poçt ünvanı eyni uçuş üçün biletlərini bir gün sonra alan Həmzə və Əhməd əl-Həmdinin poçt ünvanları ilə üst-üstə düşmürdü, lakin hər iki qrup eyni telefon nömrəsini qeyd etmişdilər.

8-10 sentyabr tarixləri arasında Milner hotelində qalan Bənihəmməd zəif ingilis dili billiyini əsas gətirərək hotel işçisindən otaq üçün qeyd kartının doldurmasını istədi. 10 sentyabr 2001-ci ildə digər dörd təyyarə qaçıranlarla birgə Bostondaki Milner hotelinin otağında qaldı.

11 sentyabrda Bənihəmməd 175-ci reys təyyarəsinə daxil oldu və Şehrinin yanındaki 2A nömrəli oturacaqda əyləşdi. Uçuş başlayandan təxminən yarım saat sonra təyyarə qaçırıldı və daha sonra Dünya Ticarət Mərkəzinin cənub qülləsinə çırpıldı.

Hücumlardan sonra ABC News tərəfindən eyni adda birinin Laklend Hava Qüvvələri bazasındakı Xarici Dillər Hərbi İnstitutuna gəlib-getdiyini bildirildi. Bu iddianın Bənihəmmədin istifadə etdiyi saxta ünvandan peydə olduğu ehtimal olunur.^[1]

• 11 sentyabr terror aktları icraçılarının siyahısı

11 sentyabr terror aktları icraçıları
Amerika Hava Yolları reys 11	Məhəmməd Atta Sətəm əs-Suqami Valid əl-Şəhri Vail əl-Şəhri Əbdüləziz əl-Öməri
Yunayted Hava Yolları reys 175	Mərvan əl-Şəhhi Fəyaz Bənihəmməd Mohand əl-Şəhri Həmzə əl-Hamdi Əhməd əl-Həmdi
Amerika Hava Yolları reys 77	Hani Hanjour Khalid al-Mihdhar Majed Moqed Nawaf al-Hazmi Salem al-Hazmi
Yunayted Hava Yolları reys 93	Ziyad Cərrah Ahmed al-Nami Saeed al-Ghamdi Ahmed al-Haznawi
Digər şübhəlilər	Rəmzi bin əl-Şibh Mohammed al-Qahtani Zacarias Moussaoui Mushabib al-Hamlan Zakariya Essabar Ammar al-Baluchi Walid bin Attash Khalid al-Zahrani Fawaz al-Nashimi Richard Reid Ali Abd al-Rahman al-Faqasi al-Ghamdi Abderraouf Jdey