Bud-çanaq oynağı
Oynağı əmələ gətirən sümüklər
Latınca	articulatio coxae
Növü	Sinovial birləşmə
Oxu	Çoxoxlu: frontal, sagital, üfüqi.
Səthi	Kürəşəkilli
Sümükləri	Bud, qalça
Bağları	Qalça-bud bağı Qasıq-bud bağı Oturaq-bud bağı Dairəvi məntəqə Bud sümüyü başının bağı
Qrey	subyekt 92 333
MeSH	Hip
bax müzakirə redaktə

Bud-çanaq oynağı (lat. articulátio cóxae) — bud sümüyünün başı ilə çanaq sümüyünün sirkə kasası arasında yaranan kürəşəkilli, çoxoxlu oynaq. Sirkə kasası kürə səthinin 170°-180°-li kəsiyini təşkil edir və əyrilik radiusu 2,5 sm-ə bərabərdir. Gialin qığırdaq təbəqəsi ancaq aypara səthini örtür, lat. fossa acetabuli və lat. incisura acetabuli sinovial zar ilə örtülmüşdür. Sirkə kasası oymasının üstündə qısa və möhkəm bir bağ — lat. ligamentum transversum acetabuli çəkilmişdir. Bu bağın altında sirkə kasasının kiçik damar və sinirləri keçir. Sirkə kasasının kənarına və köndələn bağa 5–6 mm hündürlüyündə oynaq dodağı — lat. labrum acetabulare (labrum glenoidale — BNA) bağlanmışdır. Bu dodaq oynaq çuxurunu daha artıq dərinləşdirir və nəticədə sirkə kasasının dairəsi yarım kürədən artıq olur. Bud sümüyünün başı sirkə kasasına uyğun gəlir və oynaq səthi kürənin ²/₃ hissəsini təşkil edir. lat. Caput femoris bud başı çuxurcuğundan başqa tamamilə gialin qığırdaqla örtülü olur.

Bud-çanaq oynağının yaratdığı hərəkətlər:

• frontal ox boyu — açma və bükmə;
• sagital ox boyu — yaxınlaşdırma və uzaqlaşdırma;
• üfüqi ox boyunca — pronasiya və supinasiya
• kürəşəkilli oynaq olduğu üçün ona imkan verən dairəvi fırlanma (lat. rotatio) hərəkəti

1. Qalça-bud bağı (lat. ligamentumilipfemorale)
2. Qasıq-bud bağı (lat. ligamentum pubofemorale , ligamentum pubocapsulare — BNA)
3. Oturaq-bud bağı (lat. ligamentum ischiofemorale , ligamentum ischiocapsulare — BNA)
4. Dairəvi məntəqə (lat. zona orbicularis)
5. Bud sümüyü başının bağı (lat. ligamentum capitis femoris , ligamentum teres femoris — BNA)

• Prof. K. Ə. Balakişiyev, İnsanın Normal Anatomiyası, I cild, "MAARİF" Nəşriyyatı, Bakı — 1971

Sindesmologiya
Yuxarı ətraf	Bazu Dimdik-bazu bağı • Oynaq dodağı bazu bağı Dirsək Dolama dirsək bağı  • Dolama mil bağı • Mil sümüyünün halqayabənzər bağı Said Proksimal mil-dirsək oynağı • Distal mil-dirsək oynağı Əl oynaqları Mil-bilək oynağı  • Biləkarası oynaqlar  • Bilək-əldarağı oynaqları  • Noxudabənzər sümük oynağı  • Əldarağı-falanqa oynaqları  • Əlin falanqalararası oynaqları
Aşağı ətraf	Qasıq bitişməsi Yuxarı qasıq bağı • Qövsi qasıq bağı Oma-qalça Oma-qalça sümükarası bağ • Arxa oma-qalça bağları • Ventral oma-qalça bağı • Qalça- bel bağı • Oma-qabar bağı • Oma-tin bağı Bud-çanaq oynağı Qalça-bud bağı • Qasıq-bud bağı • Oturaq-bud bağı • Dairəvi məntəqə • Bud sümüyü başının bağı Diz oynağı Diz qapağı bağı • Diz qapağını saxlayan bağlar • Dolama qamış bağı • Dolama incik bağı • Çəp dizaltı bağ • Qövsi dizaltı bağ • Xaçabənzər bağlar Baldır Qamış-incik oynağı Ayaq oynaqları Aşıq oynağı  • Daraqarxası ara oynaqları  • Aşıqaltı oynaq  • Aşıq-daban-qayığabənzər oynaq  • Daban-kubabər oynaq  • Paz-qayığabənzər oynaq  • Paz-kubabənzər oynaq  • Ayaq darağarası oynaqlar • Ayaq darağı-falanqa oynaqları  • Daraqarxası-ayaq darağı oynaqları  • Ayağınfalanqaarası oynaqları
Onurğa sütunu	Atlas-ənsə Qanadabənzər bağlar  • Diş zirvəsi bağı  • Atlasın köndələn bağı  • Ön atlas-ənsə zarı  • Dal atlas-ənsə zarı  • Örtük zar Onurğa birləşmələri Bel-oma • Oma-büzdüm
Döş qəfəsi	Qabırğa Qabırğa başının şüalı bağı Döş-körpücük Döş-körpücük bağı • Qabırğa-körpücük bağı
Kəllə	Kəllə tikişləri • Kəllə sinxondrozları • Gicgah-çənə oynağı
İnsanın sümükləri Yuxarı ətraflar Aşağı ətraflar