Bala-başa bəla! (film, 1995)
Vikipediya, azad ensiklopediya
| Bala-başa bəla! | |
|---|---|
| Fayl:Bala-başa bəla! (film, 1995).jpg | |
| Janr | komediya |
| Rejissor | Şərif Qurbanəliyev |
| Əsərin müəllifi | Əli Əmirli |
| Ssenari müəllifləri |
Əli Əmirli Şərif Qurbanəliyev |
| Baş rollarda |
Cahangir Novruzov Səidə Quliyeva Ələkbər Hüseynov Afaq Bəşirqızı |
| Operator | Eldar Məmmədov |
| Bəstəkar | Eldar Mansurov |
| Rəssam | Rafael Əsədov |
| İstehsalçı | Azərbaycan Televiziyası |
| İlk baxış tarixi | 22 mart 1995 |
| Filmin növü | tammetrajlı bədii televiziya film-tamaşası |
| Müddət | 115 dəq. |
| Ölkələr |
 Azərbaycan |
| Dil | azərbaycanca |
| İl | 1995 |
| Rəng | rəngli |
Bala başa-bəla — tammetrajlı bədii televiziya film-tamaşası.
Əsər rejissor Şərif Qurbanəliyev tərəfindən 1995-ci ildə ekranlaşdırılmışdır. Film-tamaşa "Sabah" eksperimental yaradıcılıq emalatxanasında istehsal edilmişdir. Film-tamaşa Əli Əmirlinin "Bala, bəla sözündəndir" pyesinin motivləri əsasında çəkilmişdir. Tamaşanın çəkilişləri Müqəddəs Ramazan ayında olduğu üçün aktyor Cahangir Novruzov oruclu imiş və aktyor üçün ən çətin səhnələrdən biri qonaqlıq səhnəsi olub. Rejissor Şərif Qurbanəliyev film-tamaşada aktyor kimi də iştirak edir. Amma titrlərdə onun adı Şərif Məcbur kimi göstərilib. Səbəbi də bu olub ki, rejissor bu rola aktyor tapa bilməyib, məcburiyyət qarşısında özü ifa etməli olub. İzzət Nəfislinin evində divardan asılan şəkildə Suğra ilə İzzətin uşaqlıq şəklini görürük. Əslində həmin şəkil aktyor Cahangir Novruzovun uşaqlıq şəklidir. Aktyorun anası Nəsibə Zeynalova zarafat üçün hələ uşaq ikən Cahangirin həm oğlan, həm də qız paltarında ayrı-ayrı şəkillərini çəkdiribmiş. Yumoru sevən aktrisa qohum əqrəbaya bu şəkilləri göstərib, "Görürsünüz mənim bir qızım da var" deyirmiş. Rejissor Şərif Qurbanəliyev bu şəkilləri görəndən sonra onları tamaşada da istifadə etmək qərarına gəlib və iki şəkili birləşdirərək dekorda divardan asdırmış. Əsas rolları Cahangir Novruzov, Səidə Quliyeva, Ələkbər Hüseynov, Afaq Bəşirqızı ifa edirlər.[1]
Məzmun
[redaktə | mənbəni redaktə et]Film-tamaşada hadisələr nazir İzzət Nəfislinin gördüyü yuxu ətrafında cərəyan edir. Burada oğullarını əsgərlikdən saxlamaq üçün min cür yol tapan vəzifə adamları tənqid edilir.
Filmin heyəti
[redaktə | mənbəni redaktə et]Film üzərində işləyənlər
[redaktə | mənbəni redaktə et]- Rejissor: Şərif Qurbanəliyev
- Əsərin müəllifi: Əli Əmirli
- Ssenari müəllifi: Əli Əmirli, Şərif Qurbanəliyev
- Operator: Eldar Məmmədov
- Rəssam: Rafael Əsədov
- Bəstəkar: Eldar Mansurov
Rollarda
[redaktə | mənbəni redaktə et]- Cahangir Novruzov — İzzət
- Səidə Quliyeva — İzzət
- Ələkbər Hüseynov — Cəmil
- Afaq Bəşirqızı — Suğra
- Şərif Qurbanəliyev — Hacı Hacısoy
- Nuriyyə Əhmədova — Zəhra
- Muxtar Maniyev — Qədir
- İlqarə Tosova — Cəmilə
- Rafael İsgəndərov — Şamil
- İlhamiyyə Rzayeva — jurnalist
- Rəzzaq Məmmədov — fotomüxbir
- Natiq Fərzəliyev — həkim və jurnalist
- Elbrus Vahidov — tərcüməçi
İstinadlar
[redaktə | mənbəni redaktə et]- ↑ "Bala-başa bəla!". 2023-07-01 tarixində arxivləşdirilib. İstifadə tarixi: 2018-05-19.
Xarici keçidlər
[redaktə | mənbəni redaktə et]Text is available under the CC BY-SA 4.0 license; additional terms may apply.
Images, videos and audio are available under their respective licenses.
