Azər Zeynalov (siyasətçi)
Vikipediya, azad ensiklopediya
| Azər Zeynalov | |
|---|---|
Vəzifədədir | |
| 7 noyabr 2005-ci ildən | |
| Seçki dairəsi | 2005 – 10 saylı Şərur 2010 – 10 saylı Şərur 2015 – 10 saylı Şərur 2020 – 10 saylı Şərur |
| Əvvəlki | Elçin Pənahov |
| 21 dekabr 2022 – 5 oktyabr 2023 | |
| Əvvəlki | Vasif Talıbov (sədr kimi) |
| Sonrakı | Anar İbrahimov (müvəqqəti) |
| 28 noyabr 2005 – 5 oktyabr 2023 | |
| Sədr | Vasif Talıbov (1995–2022) Özü (2022–2023; müvəqqəti) |
| Əvvəlki | Vahid Ağahəsənov |
| Şəxsi məlumatlar | |
| Doğum tarixi | 20 dekabr 1970 (53 yaş) |
| Doğum yeri | |
| Partiya |
|
| Təhsili | |
| Fəaliyyəti | siyasətçi |
|
|
|
| Təltifləri |
 |
Azər Yadulla oğlu Zeynalov (20 dekabr 1970, İliç) — Naxçıvan Muxtar Respublikası Ali Məclisinin sədr əvəzi və sədrinin birinci müavini, Naxçıvan Muxtar Respublikası Ali Məclisinin III, IV, V və VI çağırış deputatı.
Həyatı
[redaktə | mənbəni redaktə et]Azər Zeynalov 1970-ci ildə Naxçıvan MSSR-in Şərur şəhərində doğulmuşdur. 1977–1987-ci illərdə Şərur şəhəri Nəriman Nərimanov adına 1 nömrəli orta məktəbdə, 1987–1992-ci illərdə isə Lipetsk Politexnik İnstitutunda sənaye nəqliyyatı ixtisası üzrə təhsil almışdır. 1992–1993-cü illərdə ordu sıralarında xidmət etmişdir.[1]
Azər Zeynalov 1993-cü ildə Şərur Rayon Xalq Deputatları Məclisi İcraiyyə Komitəsinin Təsərrüfat hesablı sahibkarlığa yardım kommersiya şöbəsində mütəxəssis vəzifəsində, 1994-cü ildə Şərur Rayon İcra Hakimiyyəti aparatının humanitar məsələlər üzrə şöbəsində məsləhətçi, 1995-ci ildə həmin şöbədə baş məsləhətçi, 1996-cı ildən Ərazi hakimiyyəti və idarəetmə orqanları ilə iş üzrə şöbədə məsləhətçi, 1999-cu ildən isə həmin şöbədə böyük referent olaraq çalışmışdır.[1]
Azər Zeynalov 2000-ci ilin dekabr ayından Naxçıvan Muxtar Respublikası Ali Məclisi Aparatının Dövlət quruculuğu, ərazi idarəetmə orqanları, deputatlarla və daimi komissiyalarla iş üzrə şöbəsində baş referent, 2001-ci ilin yanvar ayından isə iqtisadiyyat şöbəsinin müdiri vəzifəsində çalışmışdır.[1]
Azər Zeynalov 2003-cü ilin dekabr ayından 2005-ci ilin noyabr ayınadək Azərbaycan Dövlət Dəmir Yolları Naxçıvan Hissəsinin rəisi vəzifəsində çalışmışdır.[1]
Ailəlidir, iki övladı var.[1]
Siyasi fəaliyyəti
[redaktə | mənbəni redaktə et]Azər Zeynalov 6 noyabr 2005-ci il tarixində keçirilən Naxçıvan Ali Məclisinə seçkilərdə 10 saylı Şərur şəhər seçki dairəsindən Yeni Azərbaycan Partiyası üzvü olaraq deputatlığa namizəd olmuşdur. O, seçkilərdə 1685 səs (65,5%) toplayaraq seçkini birinci tamamlamış və deputat seçilmişdir. Naxçıvan Ali Məclisinin III çağırışının 28 noyabr 2005-ci il tarixli ilk iclasında Ali Məclis sədrinin birinci müavini və İqtisadi siyasət komissiyasının sədri seçilmişdir.
Azər Zeynalov 2010-cu il tarixində keçirilən Naxçıvan Ali Məclisinə seçkilərdə 10 saylı Şərur şəhər seçki dairəsindən Yeni Azərbaycan Partiyası üzvü olaraq deputatlığa namizəd olmuşdur. O, seçkiləri birinci tamamlamış və deputat seçilmişdir. Naxçıvan Ali Məclisinin IV çağırışının 3 dekabr 2010-cu il tarixli ilk iclasında Ali Məclis sədrinin birinci müavini seçilmişdir.[2]
Azər Zeynalov 2015-ci il tarixində keçirilən Naxçıvan Ali Məclisinə seçkilərdə 10 saylı Şərur şəhər seçki dairəsindən Yeni Azərbaycan Partiyası üzvü olaraq deputatlığa namizəd olmuşdur. O, seçkiləri birinci tamamlamış və deputat seçilmişdir. Naxçıvan Ali Məclisinin V çağırışının 17 noyabr 2015-ci il tarixli ilk iclasında Ali Məclis sədrinin birinci müavini və İqtisadi siyasət komissiyasının sədri seçilmişdir.[3]
O, 9 fevral 2020-ci il tarixində keçirilən Naxçıvan Ali Məclisinə seçkilərdə 10 saylı Şərur şəhər seçki dairəsi üzrə seçicilərin 3160-nın və ya 91,4 faizinin səsini toplayaraq deputat seçilmişdir.[4] Naxçıvan Ali Məclisinin VI çağırışının 22 fevral 2020-ci il tarixli ilk iclasında Ali Məclis sədrinin birinci müavini və İqtisadi siyasət komissiyasının sədri seçilmişdir.[5][5][6][7][8]
Naxçıvan Ali Məclisinin 21 dekabr 2022-ci il tarixində qapalı keçirilmiş səkkizinci sessiyasında səhhəti ilə əlaqədər Ali Məclisin sədri Vasif Talıbovun vəzifəsindən istefa verməsi ilə bağlı müraciətə baxılıb, Naxçıvan Muxtar Respublikasının Ali Məclisi Naxçıvan Muxtar Respublikası Konstitusiyasının 30-cu maddəsini rəhbər tutaraq onun müraciəti qəbul olunub. Sədr vəzifəsindən istefa verməsinə baxmayaraq Vasif Talıbov Ali Məclisin deputatı kimi fəaliyyətinə xitam verilməsi ilə bağlı müraciət etməmişdir. Yeni sədr seçilənədək sədr vəzifəsinin icrası müvəqqəti olaraq sədrin birinci müavini Azər Zeynalova həvalə edilmişdir.[9][10]
Azər Zeynalov 5 oktyabr 2023-cü il tarixində Naxçıvan Muxtar Respublikası Ali Məclisi sədrinin birinci müavini vəzifəsindən istefa vermişdir.[11]
Partiya fəaliyyəti
[redaktə | mənbəni redaktə et]Azər Zeynalov 2000-ci ildən Yeni Azərbaycan Partiyasının üzvüdür. O, 2004-cü ildən Yeni Azərbaycan Partiyası Naxçıvan Muxtar Respublikası Təşkilatı Siyasi Şurasının və İdarə Heyətinin üzvüdür.[1]
Təltifləri
[redaktə | mənbəni redaktə et]Azər Zeynalov 2003-cü ilin sentyabr ayında dövlət qulluğunun baş müşaviri dərəcəsini almışdır. O, 22 iyun 2010-cu il tarixində Azərbaycan Prezidenti İlham Əliyevin imzaladığı 974 nömrəli sərəncamla 3-cü dərəcəli "Vətənə xidmətə görə" ordeni ilə təltif olunmuşdur.[12]
İstinadlar
[redaktə | mənbəni redaktə et]- ↑ 1 2 3 4 5 6 Naxçıvanda parlament seçkiləri 6 noyabr 2005. Bakı: Naxçıvan MSK. 2006. səh. 83.
- ↑ "Naxçıvan Ali Məclisinin IV çağırışının birinci iclası". 03.12.2010. 2020-08-26 tarixində arxivləşdirilib. İstifadə tarixi: 24.08.2020.
- ↑ "V çağırış Ali Məclisin birinci sessiyası". 17.11.2015. 2022-12-24 tarixində arxivləşdirilib. İstifadə tarixi: 25.08.2020.
- ↑ Naxçıvan MR MSK. "Naxçıvan Ali Məclisinin deputatları". 22.02.2020. 01.05.2021 tarixində arxivləşdirilib. İstifadə tarixi: 23.08.2020.
- ↑ 1 2 "VI çağırış Ali Məclisin birinci sessiyası". 24.02.2020. 2020-08-22 tarixində arxivləşdirilib. İstifadə tarixi: 22.08.2020.
- ↑ "Altıncı çağırış Naxçıvan Muxtar Respublikası Ali Məclisinin birinci sessiyası keçirilib". 24.02.2020. 2021-06-17 tarixində arxivləşdirilib. İstifadə tarixi: 17.06.21.
- ↑ "Altıncı çağırış Naxçıvan Muxtar Respublikası Ali Məclisinin birinci sessiyası keçirilib". 24.02.2020. 17.06.21 tarixində arxivləşdirilib. İstifadə tarixi: 17.06.21.
- ↑ "Altıncı çağırış Naxçıvan Muxtar Respublikası Ali Məclisinin birinci sessiyası keçirilib". 24.02.2020. 17.06.21 tarixində arxivləşdirilib. İstifadə tarixi: 17.06.21.
- ↑ "Vasif Talıbov Naxçıvan Muxtar Respublikası Ali Məclisinin sədri vəzifəsindən azad edilib - QƏRAR". 2022-12-22 tarixində arxivləşdirilib. İstifadə tarixi: 2022-12-22.
- ↑ "Arxivlənmiş surət". 2022-12-21 tarixində arxivləşdirilib. İstifadə tarixi: 2022-12-21.
- ↑ "Azər Zeynalov Naxçıvan Ali Məclisi Sədrinin birinci müavini vəzifəsindən istefa verib". Report İnformasiya Agentliyi (az.). 2023-10-05. 2023-10-09 tarixində arxivləşdirilib. İstifadə tarixi: 2023-10-05.
- ↑ "Azərbaycan Respublikasında dövlət qulluğunda fərqlənən şəxslərin təltif edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". 2022-01-17 tarixində arxivləşdirilib. İstifadə tarixi: 2022-12-24.
Xarici keçidlər
[redaktə | mənbəni redaktə et]- Azər Zeynalov
- Vasif Talıbovu əvəz edəcək Azər Zeynalov kimdir? - Dosye
- Кто он - Азер Зейналов, который заменит Васифа Талыбова? - ДОСЬЕ (rus.)
- Кем является Азер Зейналов, который заменит Васифа Талыбова? - Досье (rus.)
 | |
|---|---|
| |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
