Ələsgər İbrahimov
Vikipediya saytından
| Ələsgər İbrahimov | |
|---|---|
| Doğum tarixi | 30 yanvar 1943 |
| Doğum yeri | |
| Vəfat tarixi | 10 mart 1983 (40 yaşında) |
| Vəfat səbəbi | çənə xərçəngi |
| Dəfn yeri | |
| Milliyyəti | azərbaycanlı |
| Vətəndaşlığı | |
| Təhsili | |
| IMDb | ID1300023 |
Ələsgər İbrahimov (30 yanvar 1943, Bakı – 10 mart 1983) — azərbaycanlı aktyor.
Həyatı
[redaktə | mənbəni redaktə et]Ələsgər İbrahimov 1943-cü ilin 30 yanvar tarixində Bakıda anadan olub. İndiki Dövlət Neft Akademiyasında təhsil alıb. Oranı bitirdikdən sonra maddi çətinlikləri olan ailəni dolandırmaqdan ötrü müxtəlif yerlərdə çalışıb. Ən çox sevdiyi iş yerlərindən biri mühəndis kimi çalışdığı kinostudiyanın mexanika sexi idi. Kinoya gəlişi isə təsadüfən olmuşdu. İçərişəhərdəki evlərində görkəmli kinorejissor Arif Babayevlə qonşu idilər.
Ələsgər İbrahimovun yaraşıqlı siması vardı. Hündür boyu, enli kürəyi, gözəl sifət cizgiləri ona daha da yaraşıq verirdi. Çox vaxt onu məşhur fransız aktyoru Jan Mareyə bənzədirdilər. Bütün bu cəhətlər rejissor Arif Babayevi cəlb etmişdi.[1] Və nəyin bahasına olursa-olsun, o, bu gənci mütləq filmə çəkəcəkdi. Çox keçmir ki, rejissor fikirləşdiklərini həyata keçirir. Kinostudiyaya gəlir və ilk filminin — "İnsan məskən salır"ın çəkilişlərinə başlayır.
Və məhz Ramiz Allahverdiyev rolu ilə də Ələsgər kinoya debüt edir. Kinostudiyada mühəndis işləyə-işləyə Adil İsgəndərovun axşamlar açdığı kinoaktyor kursuna getməyə başlayır.[2] Amma əcəl macal vermir. Ələsgər İbrahimov 40 yaşında tutulduğu çənə xərçəngi xəstəliyindən dünyasını dəyişir.
Filmoqrafiya
[redaktə | mənbəni redaktə et]- Arxadan vurulan zərbə (film, 1977)
- Bizi dağlarda axtarın (film, 1976)
- Dvorjakın melodiyası (film, 1979)
- Ənvər Həsənov. Yeddi oğuldan biri (film, 2007)
- İnsan məskən salır (film, 1967)
- Ömrün ilk saatı (film, 1973)
- Qaraca qız (film, 1966)(film, kinoalmanax)
- Torpaq. Dəniz. Od. Səma (film, 1967)
- Yeddi oğul istərəm... (film, 1970)
İstinadlar
[redaktə | mənbəni redaktə et]- ↑ Mədəniyyət TV. "Əsl sənətkar ömrü yaşayan Ələsgər İbrahimovun anadan olmasından 81 il ötür" (az.). Youtube.com. 31.01.2024. 2024-01-31 tarixində arxivləşdirilib. İstifadə tarixi: 2024-01-31.
- ↑ "Kinoaktyor studiyasının fəaliyyəti (1966–1974)". Azərbaycan Respublikası Mədəniyyət Nazirliyi. C. Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923–2003-cü illər. Bakı: Mütərcim, 2004.- səh. 169.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
