Xeografía
disciplina académica, especialidá y rama de la ciencia

Esti artículu forma parte de la serie Ciencies

Ciencies naturales

Astronomía • Bioloxía Física • Xeoloxía Matemátiques • Química

Ciencies sociales

Antropoloxía • Derechu Economía • Educación Filosofía • Llingüística Historia • Política Sicoloxía • Socioloxía Xeografía

Ciencies aplicaes

Agricultura • Ciencies de la salú Comunicaciones • Informática Inxeniería

La xeografía^[1] ye la ciencia que tien por oxetu l'estudiu de la superficie terrestre y la distribución espacial y les rellaciones recíproques de los fenómenos físicos, biolóxicos y sociales que nella tan manifestaos.

Nun xacíu clásicu la Xeografía ye la descripción de la Tierra, pero anguaño, amás de describir, la xeografía tenta de desplicar. Ye la ciencia que agrupa les demás ciencies, tanto naturales como sociales, dende la historia hasta les matemátiques, ya que los campos d'estudiu son pervariaos:

En Xeografía Matemática estúdiase:

Cartografía, con métodos de la Xeodesia y Xeometría.

Orografía, con métodos de les Matemátiques y la Xeometría

Topografía, con métodos de la Xeometría y les Matemátiques.

Xeografía astronómica, con métodos de l'Astronomía y Xeometría.

Xeomática, con métodos de la Informática y Xeometría.

En Xeografía física estúdiase:

Bioxeografía con métodos de la Bioloxía, la Botánica, la Zooloxía, la Edafoloxía y la Ecoloxía.

Climatoloxía, con métodos de la Meteoroloxía y la Estadística.

Glacioloxía, con métodos de la Climatoloxía y la Estadística

Hidroloxía, continental y marina, con métodos de la Oceanografía y la Estadística.

Paleoxeografía de la Xeografía en general y Xeología

Pedoloxía, con métodos de la Edafoloxía y Xeomorfoloxía

Xeomorfoloxía, con métodos de la Litoloxía y la Xeofísica.

En Xeografía humana estúdiase:

Xeografía de la población, con métodos de la Demografía, la Socioloxía y les Matemátiques.

Xeografía económica con métodos de la Economía, les Matemátiques y la Socioloxía.

Xeografía rural, con métodos de l'Agronomía, la Climatoloxía, la Estadística y la Economía.

Xeografía urbana, con métodos del Urbanismu, la Socioloxía y les Matemátiques.

Xeohistoria, con métodos de la historia.

Xeopolítica, con métodos de les ciencies polítiques y la Economía.

Los métodos de la Historia aparecen en toes elles, falando incluso de Xeografía cultural, asina como los estadísticos y matemáticos. Tamién utilícense métodos d'Astronomía y Xeodesia pa facer los mapes (Cartografía), asina como la determinación de códigos de signos que ayuden a interpretalos.

Per otru llau, la Xeografía puede estudiase de forma xeneral o concretada nuna zona, rexón o país determináu. Falamos asina de Xeografía xeneral y Xeografía rexonal que ye la que s'ocupa de la aplicación de los análisis xeográficos a países concretos.