Unión, Progresu y Democracia
Unión, Progresu y Democracia | |
---|---|
![]() | |
Acrónimu | UPyD |
Presidente | Rosa Díez |
Fundación | 26 de setiembre de 2007 |
Disolución | 6 d'avientu de 2020 |
Sede | Madrid |
Estáu |
![]() |
Afiliaos | 880 (2019) |
Ideoloxía política | sociolliberalismu, centralismu radical, Progresismu, reformismu, constitucionalismu, europeísmu, Patriotismu, unionismu español, centralismu y secularismu |
Posición nel espectru | centrismu |
Páxina web | upyd.es |
![]() |
Unión, Progresu y Democracia (en castellanu: Unión Progreso y Democracia o UPyD), ye un partíu políticu español fundáu en 2007. Foi inscritu nel rexistru de partíos del Ministeriu del Interior el 6 de setiembre de 2007. Ente los sos promotores atópense la ex cabezalera del PSOE Rosa Díez, el caderalgu Mikel Buesa y los filósofos Carlos Martínez Gorriarán y Fernando Savater.
Orixe
[editar | editar la fonte]![](https://upload.wikimedia.org/wikipedia/commons/thumb/d/d4/Acto_fundacional_UPD7.jpg/250px-Acto_fundacional_UPD7.jpg)
El partíu tien el so orixe na Plataforma Pro, un coleutivu empobináu por un grupu de cabezaleros y activistes, na so mayoría vascos y averaos a la izquierda política, que nació col envís de formar un partíu políticu n'España alternativu al PSOE y el PP.
Con esi enfotu, la Plataforma Pro entamó una riestra d'alcuentros en toa España nos que se dirían concretando los oxetivos principales del nuevu partíu, ente los que rescamplen:
- la llucha contra ETA y cualquier tipu de terrorismu;
- la rexeneración de la democracia n'España;
- la oposición a los nacionalismos periféricos;
- la reforma de la Constitución pa afitar les llibertaes ciudadanes y la igualdá, con independencia de la rexón del ciudadano.
Ente los miembros o collaboradores de la plataforma atopábense el filósofu Fernando Savater, el portavoz del coleutivu d'oposición al terrorismu ¡Basta Ya!, Carlos Martínez Gorriarán (coordinador de la mesma), o la eurodiputada socialista Rosa Díez.
Tamién amosaron el so sofitu a la plataforma el partíu Ciudadanos-Partido de la Ciudadanía, especialmente los sos miembros Arcadi Espada, Albert Boadella y Xavier Pericay; amás del hasta entós presidente del coleutivu Foro d'Ermua, Mikel Buesa.
Finalmente, nun actu públicu de presentación el 29 de setiembre de 2007, en Madrid, quedó constituíu el partíu Unión, Progresu y Democracia, col apoyu espresu de dellos inteleutuales y activistes políticos d'estremada adscripción.
Adscripción ideolóxica
[editar | editar la fonte]La UPyD se define como un partíu de calter progresista, nin de dereches nin d'esquierdes. Allúgase no que se vien nomando tresversalismu políticu, al enfotase n'amestar dellos aspeutos tradicionalmente adscritos a la izquierda o la derecha política. Sicasí, cabría englobalu na socialdemocracia, el lliberalismu progresista o el social lliberalismu.
Ente les sos señes d'identidá rescamplen tamién l'aspueste pola defensa de la Constitución española de 1978; el llaicismu, y el no nacionalismo, como rechazo y llucha contra la, al so entender, excesiva preponderancia de los partíos nacionalistes periféricos y separatistes nel sistema políticu español.
Presencia n'Asturies
[editar | editar la fonte]El partíu cuenta n'Asturies con una agrupación d'afiliaos. En xineru de 2008 dio anuncia de que l'abogáu xixonés José Ignacio Prendes encabezará la so candidatura a les eleiciones a les Cortes Xenerales del 9 de marzu de 2008.
Referencies
[editar | editar la fonte]Enllaces esternos
[editar | editar la fonte]- Páxina oficial
- Páxina de Plataforma Pro Archiváu 2008-02-02 en Wayback Machine
- Blogue de l'agrupación d'Asturies Archiváu 2013-05-10 en Wayback Machine
Text is available under the CC BY-SA 4.0 license; additional terms may apply.
Images, videos and audio are available under their respective licenses.