The Negro Motorist Green Book
publicación anual (es) y guía turística
Datos
Autor	Victor Hugo Green
Fecha	1936
Xéneru	guía turística
Llingua de la obra	inglés
País orixinal	Estaos Xuníos
OCLC	15668758
Testu completu	https://digitalcollections.nypl.org/collections/the-green-book

The Negro Motorist Green Book (tamién The Negro Motorist Green-Book, The Negro Travelers' Green Book, o a cencielles el Green Book) yera una guía añal p'afroamericanos . Foi aniciada y publicada por un carteru afroamericanu de la ciudá de Nueva York llamáu Victor Hugo Green dende 1936 a 1966, na dómina de les lleis de Jim Crow, cuando la discriminación abierta y de cutiu prescrita llegalmente contra los afroamericanos especialmente y otros non blancos taba bien estendida. Anque la discriminación racial xeneralizada y la probeza llindaron la propiedá d'automóviles a los negros, la emerxente clase media afroamericana mercó automóviles cuando pudo, pero s'enfrentó a una variedá de peligros ya inconvenientes a lo llargo del camín, como l'agospiamientu, refugu de xinta y entrada a restoranes a arrestu arbitrariu. En respuesta, Green escribió la so guía de servicios y llugares relativamente afayadizos pa los afroamericanos. Nel entamu, cubría l'área de Nueva York pero darréu espandióla a gran parte d'América del Norte, amás de fundar una axencia de viaxes.

Munchos ciudadanos negros empezaron a conducir, en parte pa evitar la segregación nel tresporte públicu. Como dixo l'escritor George Schuyler en 1930, "tolos negros que pueden facelo merquen un automóvil lo antes posible pa tar llibres d'incomodidá, discriminación, segregación ya insultos".^[1] Los afroamericanos emplegaos como atletes, animadores y vendedores tamién viaxaben con frecuencia por motivos de trabayu.

Los viaxeros afroamericanos enfrentábense a dificultaes, como negocios de propiedá de blancos que se negaben a atendelos o reparar los sos vehículos, que los hoteles de propiedá de blancos negáren-yos agospiamientu o comida y amenaces de violencia física y espulsión forzosa de los sundown towns solo pa blancos. Green fundó y publicó'l Green Book' pa evitar esti tipu de problemes, arrexuntando recursos "pa dar al viaxeru negru información que-y evitará atopase con dificultaes, vergüences y facer el so viaxe más prestosu".^[2]

El creador d'una película documental de 2019 sobre'l llibru fizo esti resume: "Tolos que entrevisté falaron sobre la comunidá que creó'l Green Book: una especie d'universu paralelu que foi creáu pol llibru y esti tipu de fueya de ruta secreta que'l Green Book resumía".^[3]

Depués d'una primer edición centrada en Nueva York publicada en 1936, Green amplió'l trabayu pa cubrir gran parte d'América del Norte, incluyida la mayor parte de los Estaos Xuníos y partes de Canadá, Méxicu, el Caribe y Les Bermudes. El Green Book convirtióse na "biblia de los viaxes de los negros baxo les lleis de Jim Crow" (segregación racial)^[4], dexando a los viaxeros negros atopar agospiamientu, negocios y gasolineres que los sirvieren a lo llargo de la carretera. Yera poco conocíu fuera de la comunidá afroamericana. Poco depués de l'aprobación de la Llei de Derechos Civiles de 1964, que prohibió los tipos de discriminación racial que fixeren necesariu'l llibru, la publicación cesó y cayó na escuridá. Hebo un nuevu interés nél a principios del sieglu XXI en rellación colos estudios de los viaxes negros mientres la era de Jim Crow.

Cuatro ediciones (1940, 1947, 1954 y 1963) volvieron a espublizase en facsímil (hasta avientu de 2017) y vendiéronse bien.^[5] La Biblioteca Pública de Nueva York tien ventitrés númberos adicionales en versión dixital.^[6]

• Green Book, película de 2018

• Brevard, Lisa Pertillar (2001). A Biography of E. Azalia Smith Hackley, 1867–1922, African-American Singer and Social Activist. ISBN 9780773475755.
• DeCaro, Louis A. (1997). On the Side of My People: A Religious Life of Malcolm X. ISBN 9780814718919.
• Drake, St. Clair; Cayton, Horace A. (1970) Black Metropolis: A Study of Negro Life in a Northern City. ISBN 9780226162348.
• Flamming, Douglas (2009). African Americans in the West. ISBN 9781598840032.
• Franz, Kathleen (2011). «African-Americans Take to the Open Road», Major Problems in American Popular Culture. ISBN 9781133417170.
• Griffin, John Howard (2011). Black Like Me : the definitive Griffin estate edition, corrected from original manuscripts. ISBN 9780916727680.
• Hinckley, Jim (2012). The Route 66 Encyclopedia. ISBN 9780760340417.
• Jefferson, Alice Rose (2007). Lake Elsinore: A Southern California African American Resort Area During the Jim Crow Era, 1920s–1960s, and the Challenges of Historic Preservation Commemoration. ISBN 9780549391562.
• Landry, Bart (1988). The New Black Middle Class. ISBN 9780520908987.
• Lentz, Richard; Gower, Karla K. (2011) The Opinions of Mankind: Racial Issues, Press, and Progaganda in the Cold War. ISBN 9780826272348.
• Lewis, Tom (2013). Divided Highways: Building the Interstate Highways, Transforming American Life. ISBN 9780801467820.
• Loewen, James W. (2006). «Sundown Towns», Poverty & Race in America: The Emerging Agendas. ISBN 9780739114193.
• Primeau, Ronald (1996). Romance of the Road: The Literature of the American Highway. ISBN 9780879726980.
• Rugh, Susan Sessions (2010). Are We There Yet?: The Golden Age of the American Family Vacation. ISBN 9780700617593.
• Seiler, Cotten (2012). «'So That We as a Race Might Have Something Authentic to Travel By': African-American Automobility and Cold-War Liberalism», Hit the Road, Jack: Essays on the Culture of the American Road. ISBN 9780773540767.
• Taylor, Candacy. "The Roots of Route 66". The Atlantic. Atlantic Media Company, 03 Nov. 2016. Web. 28 Feb. 2017. <https://www.theatlantic.com/politics/archive/2016/11/the-roots-of-route-66/506255/>.
• Trembanis, Sarah L. (2014). The Set-Up Men: Race, Culture and Resistance in Black Baseball. ISBN 9780786477968.
• Wallach, Jennifer Jensen (2015). Dethroning the Deceitful Pork Chop: Rethinking African American Foodways from Slavery to Obama. ISBN 9781557286796.
• Wright, Gavin (2013). Sharing the Prize. ISBN 9780674076440.

• Wikimedia Commons acueye conteníu multimedia sobre The Negro Motorist Green Book .