El solidéu^[1] (del llatín soli Deo, a solo Dios) ye un casquete de seda que lleven el papa, los obispos y dellos eclesiásticos pa cubrise la cabeza. Sólo lu quiten "ante Dios", ye dicir, ante'l Santísimu Sagramentu, o na Misa dende'l prefaciu hasta depués de la comunión. Los obispos y cardenales quítenlu en presencia del papa como símbolu de respetu, como'l que se quita'l sombreru al saludar a otra persona.

Los obispos y cardenales pa mostrar respetu al vicariu de Cristu quítense'l solidéu, aunque esto nun debería ser, puesto que "solidéu" ye solo a Dios, pero'l protocolu marca eso. Erróneamente piénsase que los cardenales, usen el solidéu y les sos vistimientes color moráu, yá que na antigüedá, l'encarnáu yera color únicu del papa, pero esto ye un error, yá que son los obispos los qu'usen el color moráu y los cardenales usen el solidéu y les sos vistimientes encarnaes, simbólicamente esi color ye signu de que tán dispuestos a dar la so vida pola Ilesia católica.

Esisten solideos de color negru, solo lu usa un abá o un preláu, pero esti tipu de solidéu cayó en desusu depués de la reforma a la liturxa nel Conceyu Vaticanu II.

En Francia, baxo la Tercera República, fuertemente anticlerical, un slogan popular frecuente foi À bas la calotte (Abaxo'l solidéu), emplegáu pa denunciar la influencia de la relixón sobre la vida pública.

El nome del solidéu dicen que provién de les pallabres llatines “soli Deo”, (sólo a Dios). Nun s'emplea sólo nes celebraciones, sinón tamién fuera. Demientres la eucaristía quítase al entamar el prefaciu de la plegaria eucarística pa volver a ponelu depués de la comunión. Fai honor asina al so nome de “soli Deo”, “sólo ante Dios” se quita.