Sogecable
Sogecable | |
---|---|
negociu y empresa | |
Llocalización | |
Sede | Madrid |
Direición | España |
Forma xurídica | sociedá por acciones |
Historia | |
Fundación | 1989 |
Organigrama | |
Dueñu |
Grupo Prisa (es) ![]() |
Sector | |
Industria | mediu de comunicación de mases |
Productos destacaos | televisión |
Participación empresarial | |
Organización matriz |
Grupo Prisa (es) ![]() |
Filiales | |
Web oficial | |
![]() |
Sogecable ye un grupu líder de la televisión de pagu n'España, fundáu en 1989. Foi'l pioneru na introdución de sistemes interactivos y principalmente de la Televisión Dixital n'España. El so llabor consiste en xestionar y adquirir derechos audiovisuales, asina como la distribución y producción de canales y xestión d'abonaos. Otres de les sos actividaes más importantes son la producción, distribución y exhibición cinematográfica.
El so procesu de reestructuración comenzó n'ochobre de 2003 y finalizó n'avientu de 2004, cola integración de Vía Digital. Pretendíen asina redimensionar y reordenar les sos actividaes de Sogecable absorbiendo los compromisos con canales temátiques, proveedores con derechos audiovisuales y otros servicios. Con esta reestructuración contribuyó al rellanzamientu audiovisual n'España.
La productora de Sogecable ye Sogecine. Ye una de las principales distribuidores y productores nel territoriu español, con especial importancia nestos momentos (añu 2008), tal que se vive una profunda crisis nesta industria.
Les instalaciones de Sogecable alcuéntrense en Tres Cantos, produciendo a diariu 23 canales de televisión, incluyendo les nueve versiones de Canal+ y otres 14 canales que tán especializaes na emisión de diverses materies n'esclusiva, como deportes, cine, documentales, infantil, música. Estes emítense y son distribuyíes al traviés de Digital+, cable y ADSL.
En 2005, el grupu llanza una nueva canal de televisión n'abiertu y con carácter xeneralista y gratuitu; el quintu n'España. El so nome ye Cuatro y ocupa la frecuencia que dexó Canal+ cuando pasó a formar parte únicamente de la emisión de Dixital+ el 7 de payares de 2005.
En 2006 Prisa llanzó una Ufierta Pública d'Adquisición sobre un 20% de les aiciones de Sogecable p'aumentar la so participación hasta casi un 50%. D'esta forma, Prisa controla dafechu Sogecable.
En 2007 PRISA alcanza la mayoría absoluta en Sogecable, col 50,03% y llanza una UPA obligatoria pol 100% de la compañía.
Ver tamién
[editar | editar la fonte]- PRISA
- Jesús de Polanco
- Digital+
- Cuatro
Referencies
[editar | editar la fonte]Enllaces esternos
[editar | editar la fonte]Text is available under the CC BY-SA 4.0 license; additional terms may apply.
Images, videos and audio are available under their respective licenses.