Sherpa
![](https://upload.wikimedia.org/wikipedia/commons/thumb/1/10/Sherpa.jpg/325px-Sherpa.jpg)
Los sherpa o sherpas son pobladores de les rexones montascoses de Nepal, nos Himalaya.
Estos pobladores migraron de la provincia china central de Sichuan, probablemente nos postreros 500 años a les rexones central y sur del Himalaya. Anguaño hai aproximao 180.000 sherpas.
Árees poblaes, idioma
[editar | editar la fonte]- La mayoría de los sherpas viven na rexón oriental de Nepal, en Solu, Khumbu, Niagara y Parak. Dalgunos viven tamién nel oeste nel valle de Rolwaling na rexón Helambu al norte de Katmandú. El pobláu más antiguu sherpa de Nepal constituyelo Pangvoche y foi establecíu hai más de 300 años. De los 155.000 sherpas de Nepal (censu de 2001) falen 130.000 sherpa, un idioma del sur del Tíbet.
- N'India viven más de 20.000 sherpas (1997), sobremanera nel distritu de Darjeeling n'estáu federal de Bengala Occidental, según nos estaos federales de Sikkim y Arunachal Pradesh.
- Na República Popular de China viven aproximao 2.600 sherpas (夏尔巴人), de los que 80% fala l'idioma sherpa. A pesar de que "56 nacionalidaes" son reconocíes non oficialmente, tien la Rexón Autónoma del Tíbet un estatus especial, qu'oldea con una reconocencia interna". El so área de población ye'l distritu de Xigazê, sobremanera dos pueblos na frontera chinu-nepalesa: en Zhêntang (陈塘镇) del conceyu de Dinggyê (定结县) viven casi 1.600 y en Zham (樟木镇) del conceyu de Nyalam (聂拉木县) viven casi 1.000 sherpas.
Sherpas célebres
[editar | editar la fonte]Lhakpa Tenzing, conocíu como Apa Sherpa y "Super-Sherpa", coronó 21 vegaes el Everest, siendo la postrera'l 11 de mayu de 2011.
Tenzing Norgay acompañó a Edmund Hillary na primer ascensión el 29 de mayu de 1953.
Pem Dorjee Sherpa tien nel so haber 10 esguilaes al Everest y récor de velocidá n'ascensu. En 2004 consiguió l'ascensión más rápida de la hestoria al monte Everest, llegando a conquistar el techu del mundu" en 8 hores y 10 minutos. Esta fazaña foi rexistrada nel Llibru Guinness de los Récores Mundiales.
Chhurim ye una muyer alpinista qu'entró nos récores mundiales Guinness a los 29 años por esguilar el Everest dos veces nuna selmana. Primero llegó al cume'l 12 de mayu de 2012 y nuevamente una selmana dempués el 19 de mayu. Chhurim dixo qu'entama esguilar otros picos altos nel futuru.
Otros
[editar | editar la fonte]Los sherpas orixinalmente yeren persones de los montes en Nepal. Sicasí, por cuenta de la célebre importancia que tuvieron como guíes y ayudantes nes espediciones nel Himalaya, la pallabra sherpa ampliose a cualesquier guía y ayudante n'escursiones nel Himalaya anque nun fueren específicamente d'esa etnia.
Referencies
[editar | editar la fonte]Enllaces esternos
[editar | editar la fonte]Wikimedia Commons tien conteníu multimedia tocante a Sherpa.
Text is available under the CC BY-SA 4.0 license; additional terms may apply.
Images, videos and audio are available under their respective licenses.