Nel ámbitu de la bioloxía, reinu ye caúna de les grandes subdivisiones nes que se consideren distribuyíes los seres vivos, por mor de los sos carauteres comunes.

La primer organización en reinos débese a Aristóteles (sieglu IV e.C.), qu'estrema toles entidaes de la natura nos reinos animal y vexetal.

De magar la división fecha en 1990 por Woese et al, na qu'estremaben tres reinos (Bacteria, Archaea y Eukarya), Cavalier-Smith en 1998 divide a Protista en 2 nuevos reinos: Chromista del grupu filoxenéticu del ocle pardo-dorao y Protozoa de los protozoos.

• Cavalier-Smith, T. 2004. Only six kingdoms of life. Proc. R. Soc. Lond. B 271: 1251-1262. (pdf equí).

Por mor de l'alta variedá de la vida estableciéronse numberosos niveles de clasificación denomaos taxones. El nivel de Reinu yera hasta hai poco'l nivel cimeru de la clasificación biolóxica. Nes clasificaciones modernes el nivel cimeru ye'l Dominiu o Imperiu; caún d'ellos subdivídese en Reinos, los Reinos, al mesmu tiempu, puen organizase en Subreinos, etc. Los niveles cimeros de la clasificación biolóxica amuésense darréu:

• Dominiu
• Reinu
• Subreinu
• Infrarreinu
• Superfilu
• Filu o Phylum (animales y dellos) o División (plantes)
• Clas
• Orde
• Familia
• Tribu
• Xéneru
• Especie
• Subespecie
• Raza (animales) o Variedá (plantes y dellos)

• Margulis, Lynn y Schwartz, Karlene V. (1997). Five Kingdons: An Illustrated Guide to the Phyla of Life on Earth. W.H. Freeman & Company ISBN 0-613-92338-3 [Cinco reinos. Guía ilustrada de los phyla de la vida en la Tierra. Editorial Labor, S.A. 335 páxs. Barcelona, 1985 ISBN 84-335-5217-1]