Sicoanálisis
Sicoanálisis | |
---|---|
especialidá y terapia (es) ![]() | |
psiquiatría y sicoloxía | |
![]() |
El sicoanálisis[1] o psicoanálisis[2] ye una teoría sicolóxica y métodu terapéuticu fundaos al entamu del sieglu xx pol siquiatra vienés Sigmund Freud, basáu na hipótesis inicial de la esistencia de procesos nomaos "inconscientes" (qu'escapen a la perceición consciente o a la introspección), de los que se tien conocimientu per aciu d'una interpretación de fenómenos sicolóxicos anormales (actos fallidos, "lapsus linguae", suaños, chistes...), o faciendo usu del procedimientu de "llibre asociación".
La efectividá del tratamientu sicoanáliticu básase nel fenómenu nomáu "tresferencia", o rellación emocional que s'establez ente sicoanalista y paciente y que'l primeru remana pa influyir terapéuticamente nel segundu. El sicoanálisis tevo una gran influyencia na lliteratura, nel cine y nel arte en xeneral. Dalgunos de los discípulos de Freud (de los que los más destacaos foron Carl Gustav Jung y Alfred Adler) dixebráronse del movimientu inicial, fundando les sos propies escueles.
Referencies
[editar | editar la fonte]- ↑ Esti términu apaez nel Diccionariu de l'Academia de la Llingua Asturiana. Ver: sicoanálisis
- ↑ Esti términu apaez nel Diccionariu de l'Academia de la Llingua Asturiana. Ver: psicoanálisis
Enllaces esternos
[editar | editar la fonte]Text is available under the CC BY-SA 4.0 license; additional terms may apply.
Images, videos and audio are available under their respective licenses.