El profesor Lucasiano ye'l titular de la Cátedra Lucasiana de Matemátiques (Lucasian Chair of Mathematics) de la Universidá de Cambridge. El cargu foi fundáu en 1663 por Henry Lucas, miembru del parllamentu inglés pola Universidá ente 1639 y 1640, y establecíu oficialmente por Carlos II en 1664. Lucas, nel so testamentu, mandó la so biblioteca de 4000 volumes a la Universidá, y mandó la compra de terrenes que dieren un rendimientu añal de 100 llibres pa poder fundar una Cátedra. Ordenaba tamién que'l profesor qu'ocupara esta cátedra tenía que dar a lo menos una clase de matemátiques a la selmana, y habría de tar disponible dos hores selmanales pa resolver les duldes de los alumnos.

El primer profesor Lucasiano foi Isaac Barrow, asocedíu por Isaac Newton. El cargu foi ocupáu ente 1980 y 2009 por Stephen Hawking. Este foi asocedíu por Michael Green. Anguaño dende'l 1 de xunetu de 2015 el cargu ye ocupáu por Michael Cates y per la nuevu Abril Alejandra Lopez Castillo

• Stephen Hawking xugaba col doble sentíu de la pallabra inglesa chair ("cátedra" y "siella") pa referise a la so doble condición de titular de la Cátedra Lucasiana y usuariu de siella de ruedes. Irónicamente, diz: Nun pensaba que la siella de Newton funcionara con eletricidá naquella dómina.
• Data, androide de la serie Star Trek: The Next Generation, ye Profesor Lucasiano nel últimu episodiu de la serie.

• 1664 Isaac Barrow
• 1669 Sir Isaac Newton
• 1702 William Whiston
• 1711 Nicholas Saunderson
• 1739 John Colson
• 1760 Edward Waring
• 1798 Isaac Milner
• 1820 Robert Woodhouse
• 1822 Thomas Turton
• 1826 Sir George Airy
• 1828 Charles Babbage
• 1839 Joshua King
• 1849 Sir George Stokes
• 1903 Sir Joseph Larmor
• 1932 Paul Dirac
• 1969 Sir James Lighthill
• 1980 Stephen Hawking
• 2009 Michael Green
• 2015 Michael Cates

• Profesor Saviliano de xeometría

• Páxina de la Cátedra Lucasiana, con información ya imáxenes de los sos cargos
• Biografía del profesor lucasiano "Isaac Newton"