Patrick McGoohan
Vida
Nacimientu	Astoria (es) , 19 de marzu de 1928[1]
Nacionalidá	Estaos Xuníos República d'Irlanda
Llingua materna	inglés
Muerte	Santa Monica, 13 de xineru de 2009[2] (80 años)
Causa de la muerte	enfermedá
Familia
Fíos/es	Catherine McGoohan
Estudios
Estudios	Ratcliffe College (en)
Llingües falaes	inglés[3]
Oficiu	actor de televisión, actor de cine, guionista, actor de teatru, actor de voz, actor, realizador, direutor de televisión, productor de televisión, direutor de cine
Premios	ver Premio Prometheus en la categoría Hall of Fame Primetime Emmy al mejor actor invitado - Serie de comedia  (1975) : Columbo Primetime Emmy al mejor actor invitado - Serie dramática  (1990) : Columbo
Xéneru artísticu	western
IMDb	nm0001526

Patrick McGoohan (19 de marzu de 1928, Astoria ^(es)  – 13 de xineru de 2009, Santa Monica)^[4] foi un reconocíu actor, quien tuvo una estensa trayeutoria profesional como actor, autor, guionista y direutor.

Famosu mundialmente poles dos güei reconocíes "Series de Cultu"; Danger Man y The Prisoner que lo alluguen ente los personaxes más populares de les series de TV de los años 60.

Nel cine ye memorable la so actuación, dando vida al arteru, cruel y ambiciosu Rei Eduardu I d'Inglaterra "El Zanquilargo" nel l'aclamáu y clásicu filme épicu Braveheart (1995) de Mel Gibson.

El so nome real yera Patrick Joseph McGoohan. Fíu d'inmigrantes n'Estaos Xuníos, a poco tiempu de nacer ye treslladáu a Irlanda cuando los padres deciden retornar a la so patria. Establecíos yá nel Condáu de Leitrim, la so temprana niñez vese financieramente aprobetada poles deldes acumulaes na granxa familiar, que produz pocu nun suelu probe. Na escuela destaca en matemátiques y boxéu, y más tarde trabaya como granxeru, emplegáu de bancu y conductor de camión enantes de consiguir un trabayu como tramoyista nel Teatru de Sheffield. Cuando unu de los actores cai enfermu, Patrick sustitúyelu y yá nun va abandonar el mundu de l'actuación. Ellí namórase d'una viviega actriz llamada Joan Drummond, a la que cunta qu'escribía cartes d'amor tolos díes. Entá güei son consideraos una de les pareyes más felices del mundu del espectáculu. Apoderaos pola pasión, casáronse aprovechando un descansu ente l'ensayu de The Taming of the Shrew y la función nocherniega'l 19 de mayu de 1951. Tuvo tres fíos, Catherine (n. 1952), Anne (n. 1959) y Frances (n. 1960).

Realizó papeles importantes, xeneralmente de villanu o de figures con autoridá y poder, en películes notables como Fuga d'Alcatraz Escape from Alcatraz (dando vida al alcaide de la prsión), Estación Polar Cebra, Silver Streak, The Man in the Iron Mask, Oxetivu: Patton y la ganadora del Óscar: Braveheart.

McGoohan foi escoyíu primero que Sean Connery pa interpretar el papel de James Bond na primer película de la saga Dr. No anque él refugó'l papel.

Nel 2000 apaeció na serie de The Simpsons nel episodiu The Computer Wore Menace Shoes (L'ordenador qu'acabó con Homer) nel que Homer va a una islla al igual que na serie de McGoohan el The Prisoner.

Morrió'l 13 de xineru de 2009 en Los Angeles, California.

• 2002 - El planeta de l'ayalga (voz)
• 1996 - Hysteria, llocura universal
• 1996 - Tiempu de matar
• 1995 - Braveheart
• 1990 - Axenda pa un crime
• 1985 - Baby, el secretu de la lleenda perdida
• 1980 - Scanners
• 1979 - El camín difícil
• 1979 - Escape from Alcatraz
• 1978 - Oxetivu: Patton
• 1976 - The Man in the Iron Mask
• 1976 - Silver Streak
• 1970 - L'infiernu del Whiskey
• 1968 - Estación Polar Cebra
• 1967 - Koroshi
• 1964 - Los trés vides de Thomasina
• 1962 - All Night Long
• 1958 - El valle de los mil llombes
• 1957 - Ruta infernal
• 1955 - Soi una cámara

• Entrevista con Patrick McGoohan
• Patrick McGoohan na Internet Movie Database (n'inglés)
• 24 hores con Patrick McGoohan Archiváu 2006-06-13 en Wayback Machine (n'inglés)
• McGoohan and Prisoner News Page (n'inglés)