Un parque natural ye un espaciu natural que tien carauterístiques biolóxiques o paisaxístiques especiales nos que pretende garantizase la so proteición y procuren el caltenimientu de la so flora y fauna al traviés de la vexetación. Pueden ser marítimos o terrestres y atopase nel monte, na mar, nel desiertu o en cualesquier otru espaciu definíu xeográficamente.

En 1969, la Unión Internacional pal Caltenimientu de la Naturaleza (UICN) definió un parque natural como "un paisaxe natural, que dacuando inclúi elementos de paisaxe cultiváu y asentamientos humanos, que foi protexíu y ye accesible al públicu".^[1] Anque esta formulación resulta anguaño daqué desfasada, puede considerase que recueye los principales aspeutos carauterísticos de los parques naturales. Asina, a diferencia d'otres modalidaes d'espacios naturales protexíos (parques nacionales, reserves naturales, etc.), los territorios declaraos como parque natural presenten xeneralmente un altu nivel de humanización y, sicasí, caltuvieron valores naturales bien relevantes que motivaron la so protección xurídica. Ésta pretende, polo xeneral, facer compatible l'actividá humana (aprovechamientos de los recursos naturales, usos turísticos y recreativos, otres actividaes económiques, etc.) cola preservación del mediu natural y del paisaxe. Los oxetivos de los parques naturales pueden entender tamién otros aspeutos como'l desenvolvimientu sostenible d'árees rurales, la xestión d'espacios periurbanos o metropolitanos.^[2]

• Parque Natural de Redes
• Parque Natural de Somiedo
• Parque natural de Les Ubiñes-La Mesa
• Parque Natural de les Fontes del Narcea, Degaña ya Ibias
• Parque Natural de Ponga
• Parque Natural d'Arribes del Duero

• Wikimedia Commons acueye conteníu multimedia sobre Parque natural .