Lucus Asturum foi nun entamu un campamentu romanu y posterior mansión romana nel tarrén de lo que güei conocemos como Llugo de Llanera (Asturies), alcontrábase dientro del Conventus Asturum de la provincia Tarraconensis.

Esti campamentu asitióse nel cientro l'enllaz de les víes romanes n'Asturies y d'ellí partía una vía que lo xunía con Cantabria y otra hasta Asturica Augusta (Astorga). Poro nun llugar estratéxicu.

Esta población tuvo habitada por luggones dende enantes qu'aportaren los romanos. Foi tomáu por Muza, caudiellu musulmán, nel sieglu VIII que siguió penetrando hasta Xixón. Tovía ye nomada como una población amurallada nel sieglu X.

Una cavadura nos terrenos de l'antigua ilesia de Santa María amuesen la presencia romana a lo menos demientres los sieglos II y III. Nesta escabación alcontróse un altar dedicáu a los Lares Viales.