Los Verdes d'Asturies
Los Verdes d'Asturies Los Verdes d'Asturies | |
---|---|
Fundación | 1994 |
Sede |
Alonso Quintanilla n. 5, 1º izq. A 33002 Uviéu |
Estáu |
![]() |
Ideoloxía política | Ecoloxía política |
Afiliación internacional | Global Greens (observador) |
Páxina web |
www.losverdesdeasturias.org www.equoasturias.proyectoequo.org/ |
![]() |
Los Verdes d'Asturies ye un partíu ecoloxista de la comunidá autónoma d'Asturies fundáu en 1994 que tuvo confederáu xunto a otros partíos d'ámbitu rexonal nel partíu español Confederación de Los Verdes hasta 2011, anque rexistró actividá dende 1989 habiendo formando parte del partíu estatal Los Verdes hasta'l so tresformamientu na Confederación. Dende 2011 forma parte d'Equo, que la so federación asturiana siguió usando'l logo col xirasol dempués de la fusión.[1]
Ideoloxía
[editar | editar la fonte]Los sos estatutos[2] correspuenden a la continuación del ideariu del partíu nacional de Los Verdes.
Historia y trayeutoria eleutoral
[editar | editar la fonte]N'ochobre de 1989 preséntense dos llistes con nome verde” a les eleiciones xenerales pola circunscripción d'Asturies: Los Verdes (que finalmente llogren 4.352 votos (0,71%) al Congresu y 7.231 votos al Senáu) y “Los Verdes Ecoloxistes” (3.340 votos, el 0,55% al Congresu y 7.614 al Senáu).
Con posterioridá a les eleiciones de 1989, los tribunales obliguen a Los Verdes Ecoloxistes a camudar el so nome y el so símbolu (yá que teníen tamién el xirasol), pasando a denominase "Los Ecoloxistes" y, darréu, a sumir del mapa políticu. Dende esa fecha, Los Verdes d'Asturies siempres se presentaron como única organización ecopacifista n'Asturies, participáu en toles eleiciones xenerales celebraes (1989, 1993, 1996, 2000 y 2004), en toles Autonómiques (1991, 1995, 1999 y 2003) y nes Municipales (1991 Uviéu y Xixón, 1995 Avilés, Carreño, Castrillón, Xixón, Llangréu, Mieres, Uviéu y Siero, 1999 Avilés, Carreño, Xixón, Mieres, Uviéu, Siero, Tinéu y Villaviciosa y 2003 Avilés, Carreño, Xixón, Llangréu, Mieres, Uviéu y Siero).
Nes eleiciones municipales y autonómiques de 2007 fueron en coalición con Izquierda Xunida y Bloque per Asturies, consiguiendo dos concejalía en Mieres[3] y La Pola Ḷḷena.[4] Y a raigañu del posterior alcuerdu de gobiernu col PSOE na cámara rexonal, llograron dos altos cargos: la Direición Xeneral de Política Forestal del Principáu d'Asturies[5] y la Xerencia del Bancu de Tierres.[6] Nes eleiciones autonómiques de 2011 revalidaron la coalición con Izquierda Xunida, esta vegada ensin la participación del Bloque per Asturies. La coalición llogró cuatro diputaos, toos ellos pertenecientes a Izquierda Xunida.[7]
Integración en Equo
[editar | editar la fonte]El 4 de xunu de 2011, viéspora del Día Mundial del Mediu Ambiente, tuvo llugar un alcuentru entamáu por Equo nel que Los Verdes d'Asturies participaron xunto a otres más de 30 organizaciones polítiques verdes y progresistes de tol país coles mires de confluyir pa la puesta en marcha d'un proyeutu políticu estatal qu'allegue a les próximes eleiciones xenerales.[8]
Tres la so integración en Equo, nes eleiciones autonómiques de 2012 presentar en solitariu so la denominación Equo-Los Verdes d'Asturies con Pilar Calvo como cabeza de llista tres la so eleición en primaries abiertes a afiliaos y simpatizantes.[9]
Resultaos eleutorales
[editar | editar la fonte]Eleiciones | Nome eleutoral | Candidatu/a | Votos | % | Representantes llograosa | Posición | Notes |
---|---|---|---|---|---|---|---|
Eleiciones xenerales d'España de 1989 | Los Verdes-Llista Verde | 4.532 | 0,70% | 0 | 5º | ||
Eleiciones a la Xunta Xeneral del Principáu d'Asturies de 1991 | Los Verdes | 7.299 | 1,37% | 0 | 6º | ||
Eleiciones municipales d'España de 1991 | Los Verdes | 3.065 | 0,57% | 0 | 8º | ||
Eleiciones xenerales d'España de 1993 | Los Verdes | 4.532 | 0,66% | 0 | 6º | ||
Eleiciones a la Xunta Xeneral del Principáu d'Asturies de 1995 | Los Verdes de Asturies | 4.504 | 0,69% | 0 | 6º | ||
Eleiciones municipales d'España de 1995 | Los Verdes de Asturies | 3.275 | 0,51% | 0 | 7º | ||
Eleiciones xenerales d'España de 1996 | Los Verdes | 3.575 | 0,49% | 0 | 5º | ||
Eleiciones a la Xunta Xeneral del Principáu d'Asturies de 1999 | Los Verdes de Asturies | 3.343 | 0,54% | 0 | 6º | ||
Eleiciones municipales d'España de 1999 | Los Verdes de Asturies | 3.826 | 0,62% | 0 | 6º | ||
Eleiciones al Parllamentu Européu de 1999 | Los Verdes-Les Izquierdes de los Pueblos | 0 | En coalición con Iniciativa per Catalunya Verds, Chunta Aragonesista, Esquerda de Galicia y Izquierda Andaluza. | ||||
Eleiciones xenerales d'España de 2000 | Los Verdes | 4.874 | 0,75% | 0 | 6º | ||
Eleiciones a la Xunta Xeneral del Principáu d'Asturies de 2003 | Los Verdes-Izquierda Verde d'Asturies | 6.561 | 1,06% | 0 | 6º | ||
Eleiciones municipales d'España de 2003 | Los Verdes-Izquierda Verde d'Asturies | 4.806 | 0,78% | 0 | 6º | ||
Eleiciones xenerales d'España de 2004 | Los Verdes | 5.013 | 0,71% | 0 | 4º | ||
Eleiciones a la Xunta Xeneral del Principáu d'Asturies de 2007 | Izquierda Xunida-Bloque por Asturies-Los Verdes | Jesús Iglesias | 58.114 | 9,69% | 4 (0) | 3º | En coalición con Izquierda Xunida y Bloque por Asturies. Tolos diputaos correspuenden a la primera. Formaron parte del pactu de gobiernu ente PSOE ya IX y llograron la Direición Xeneral de Política Forestal del Principáu d'Asturies y la Xerencia del Bancu de Tierres. |
Eleiciones municipales d'España de 2007 | Izquierda Xunida-Bloque por Asturies-Los Verdes | 60.615 | 10,27% | 98 (2) | 3º | Conceyal en Mieres (1) y La Pola Ḷḷena (1). En coalición con Izquierda Xunida y Bloque por Asturies. | |
Eleiciones xenerales d'España de 2008 | Izquierda Xunida-Bloque por Asturies-Los Verdes | Laura González | 49.936 | 7,18% | 0 | 3º | En coalición con Izquierda Xunida y Bloque por Asturies. |
Eleiciones a la Xunta Xeneral del Principáu d'Asturies de 2011 | Izquierda Xunida-Los Verdes | Jesús Iglesias | 61.703 | 10,28% | 4 (0) | 4º | En coalición con Izquierda Xunida. Tolos diputaos correspuenden a esta. |
Eleiciones municipales d'España de 2011 | Izquierda Xunida-Los Verdes | 80.121 | 13,38% | 118 (1) | 4º | Conceyal en Mieres (1). En coalición con Izquierda Xunida. |
aLa cifra ente paréntesis indica los representantes propios llograos dientro de coaliciones
Referencies
[editar | editar la fonte]- ↑ L'asamblea de Los Verdes d'Asturies ratifiquen que la so candidatura va ser la de Equo "Nun esisten 'ellos' y 'nós', sinón qu'hai una socesión d'organizaciones a nivel estatal, que nos dexa ampliar l'ámbitu de la ecoloxía política"
- ↑ Estatutos de Los Verdes d'Asturies Archiváu 2011-11-04 en Wayback Machine Web oficial
- ↑ Olga Alvarez García
- ↑ Inés Prada
- ↑ Joaquín Arce allega a la Conferencia Europea sobre Montes en bicicleta
- ↑ El Bancu de Tierres ufierta un millar de finques pa nuevos llabradores El Comercio Digital, 24.10.09.
- ↑ Grupos parllamentarios de la Xunta Xeneral del Principáu d'Asturies: Foro Asturies, socialista, popular, ya Izquierda Xunida - Los Verdes
- ↑ Equo presenta en Madrid los sos credenciales pa les eleiciones de 2012, El País, 5 de xunu de 2011.
- ↑ Les primaries dan la victoria a Pilar Calvo pa encabezar la llista autonómica de Equo.
Ver tamién
[editar | editar la fonte]- Equo
- Partíos políticos verdes o ecoloxistes n'España
Enllaces esternos
[editar | editar la fonte]- Los Verdes d'Asturies Archiváu 2017-06-21 en Wayback Machine
- EQUO Asturies-Asturies
Text is available under the CC BY-SA 4.0 license; additional terms may apply.
Images, videos and audio are available under their respective licenses.