Johannes Stark
Johannes Stark (15 d'abril de 1874, Freihung – 21 de xunu de 1957, Traunstein (es) 
) foi un físicu alemán, ganador del Premiu Nobel de Física de 1919 pol so descubrimientu del efeutu Stark.[7][8]Más tarde tuvo bien arreyáu col movimientu Deutsche Physik sol réxime nazi.
Biografía
[editar | editar la fonte]Educóse na escuela elemental de Bayreuth y más palantre en Ratisbona. Darréu, en 1897 asistió a la Universidá de Múnich, onde estudió física, matemátiques, química y cristalografía, graduándose en 1897 con una disertación doctoral al respective de delles temes de la física d'Isaac Newton.
Ocupó delles posiciones nel Institutu de química de la Universidá de Múnich hasta 1900, cuando entró de llector na Universidá de Göttingen. Foi profesor de física nel Institutu Politéunicu d'Aquisgrán (1909-1917), na Universidá de Greifswald (1917-1920) y na Universidá de Wurzburgu (1920-1922).
Casóse con Luise Uepler, y tuvo cinco fíos.
Investigaciones científiques
[editar | editar la fonte]En 1919 foi gallardoniáu col premiu Nobel de Física polos sos descubrimientos del efeutu Doppler nos rayos canales y el desdoblamientu de les llinies espectrales cuando la lluz ta sometida a un campu llétrico intensu" (llamáu dende entós efeutu Stark).
Dende 1933, y hasta la so xubilación en 1939, foi presidente del Institutu Físicu y Téunicu del Reich y de l'Asociación Alemana d'Investigación.
Stark publicó más de 300 trabayos, fundamentalmente rellacionaos cola eletricidá y campos análogos. Recibió numberosos premios, amás del premiu Nobel, como'l premiu Baumgartner de l'Academia de Ciencies de Viena (1910), el premiu Vahlbruch de l'Academia de Ciencies de Göttingen (1914), la medaya Matteucci de l'Academia de Roma.
Mientres el réxime nazi, intentó ser el Führer de la física alemana, al traviés del movimientu Deutsche Physik ("Física alemana", xunto con Philipp Lenard), en contra de la física xudía", representada por Albert Einstein y Werner Heisenberg. En 1947, tres la derrota alemana na segunda guerra mundial, Stark foi catalogáu como "criminal de primer orde" y foi condergáu a 4 años de cárcel por un tribunal de desnazificación.
Eponimia
[editar | editar la fonte]- El cráter llunar Stark lleva esti nome na so memoria.[9]
Referencies
[editar | editar la fonte]- ↑ Afirmao en: Gemeinsame Normdatei. Identificador GND: 118798499. Data de consulta: 14 ochobre 2015. Llingua de la obra o nome: alemán. Autor: Biblioteca Nacional d'Alemaña.
- ↑ «LIBRIS» (6 payares 2012). Consultáu'l 24 agostu 2018.
- ↑ Afirmao en: Gran Enciclopedia Soviética (1969–1978). Sección, versículu o párrafu: Штарк Йоханнес. Data de consulta: 28 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.
- ↑ Identificador CONOR.SI: 331116643. Afirmao en: CONOR.SI.
- ↑ «The Nobel Prize in Physics 1919» (inglés). nobelprize.org. Fundación Nobel. Consultáu'l 3 agostu 2015.
- ↑ 6,0 6,1 6,2 6,3 6,4 URL de la referencia: http://www.nobelprize.org/nomination/archive/show_people.php?id=8735.
- ↑ «Johannes Stark, German Physicist» (inglés). Encyclopaedia Britannica. Consultáu'l 30 de xunetu de 2017.
- ↑ «Johannes Stark - Biographical» (inglés). Nobelprize.org. Consultáu'l 30 de xunetu de 2017.
- ↑ «Stark». Gazetteer of Planetary Nomenclature (en inglés). Flagstaff: USGS Astrogeology Research Program. OCLC 44396779.«Stark» (inglés). Gazetteer of Planetary Nomenclature. Flagstaff: USGS Astrogeology Research Program.
Enllaces esternos
[editar | editar la fonte]
Wikimedia Commons acueye conteníu multimedia sobre Johannes Stark 
.- «Johannes Stark». en Find a Grave. (n'inglés)
| Control d'autoridaes |
|
|---|
Datos: Q57092- Multimedia: Johannes Stark
Text is available under the CC BY-SA 4.0 license; additional terms may apply.
Images, videos and audio are available under their respective licenses.
