Institutu Xeográficu Nacional d'España
organismu públicu, dirección xeneral, institución pública de investigación en Italia (es) , organización y agencia cartográfica nacional (es)
Llocalización
País	España
Autonomía	Comunidá de Madrid
Sede	sede del Institutu Xeográficu Nacional
Direición	España
Historia
Fundación	1870
Forma parte de	ver EuroGeographics
Web oficial

L'Institutu Xeográficu Nacional (IXN) (castellanu: Instituto Geográfico Nacional, IGN) ye un organismu públicu que depende del Ministeriu de Fomentu d'España.

Les responsabilidaes del IXN son:^[1]

• La planificación y esplotación científica de la instrumentación ya infraestructures astronómiques propies, incluyendo la realización de trabayos d'investigación empobinaos a radioastronomía, según el suministru d'información oficial en materia d'astronomía y el caltenimientu del patrimoniu del Real Observatoriu de Madrid.
• El desenvolvimientu teunolóxicu y la xestión operativa de la instrumentación ya infraestructures propies para radioastronomía, xeodesia espacial y xeodinámica, especialmente pal funcionamientu como instalación científicu-téunica singular.
• La planificación y xestión de sistemes de detección y comunicación a les instituciones de los movimientos sísmicos asocedíos en territoriu español y los sos posibles efectos sobre les mariñes, según la realización de trabayos y estudios sobre l'actividá sísmica y la coordinación de la normativa sismorresistente.
• La planificación y xestión de los sistemes de vixilancia y comunicación a les instituciones de l'actividá volcánica nel territoriu español y determinación de los peligros asociaos, según la xestión de sistemes d'observación en materia de xeodinámica, xeofísica, vulcanoloxía, gravimetría y xeomagnetismu y la realización de trabayos y estudios rellacionaos.
• La planificación y xestión de les redes xeodésiques actives y pasives d'ámbitu nacional, de la rede de nivelación d'alta precisión y de la rede de mareógrafos que conformen el marcu y Sistema de Referencia Xeodésicu español, la esplotación y analís d'observaciones xeodésiques, el desenvolvimientu d'aplicaciones sobre sistemes de saléu y allugamientu, según la realización de trabayos y estudios xeodinámicos.
• La direición y el desenvolvimientu de planes nacionales d'observación del territoriu con aplicación y cartográfica, según l'aprovechamientu de sistemes de fotogrametría y teledeteición, y la producción, actualización y esplotación de modelos dixitales del terrén a partir d'imáxenes aeroespaciales.
• La producción, actualización y esplotación de les bases de datos de los aspeutos topográficos de la Información Xeográfica de Referencia considerada nel Anexu I de la Llei 14/2010, de 5 de xunetu, sobre les infraestructures y los servicios d'información xeográfica n'España, sobre modelos dixitales d'elevaciones, redes ya infraestructures del tresporte, elementos hidrográficos, l'allugamientu xeográficu y forma xeométrica de les entidaes de población, la descripción de la superficie terrestre por aciu imáxenes xeorreferenciaes llograes por satélites o sensores aerotresportaos y l'ocupación del suelu.
• La programación del Plan Cartográficu Nacional y la producción, actualización y esplotación de bases topográfiques y cartográfiques d'ámbitu nacional pa la so integración en sistemes d'información xeográfica, y pa la formación del Mapa Topográficu Nacional y otra cartografía básica y derivada. Coles mesmes, la producción y actualización del Atles Nacional d'España y la prestación d'asistencia téunica en materia de cartografía a organismos públicos según la xestión de los llaboratorios y talleres cartográficos.
• La producción y actualización de la cartografía temática de sofitu a los programes d'actuación específica de l'Alministración Xeneral del Estáu.
• La planificación y xestión de la infraestructura d'información xeográfica d'España, según l'harmonización y normalización, nel marcu del sistema cartográficu d'España, de la información xeográfica oficial. Igualmente, la planificación y desenvolvimientu de servicios de valor añadíu y de nuevos sistemes y aplicaciones en materia d'información xeográfica, especialmente pal aprovechamientu nel ámbitu de les Alministraciones Públiques.
• El soporte téunicu y operativo del Sistema Cartográficu Nacional, cuantimás del Equipamientu Xeográficu de Referencia Nacional por aciu la xestión del Rexistru Central de Cartografía, la formación y caltenimientu del Nomenclátor Xeográficu Nacional y la toponimia oficial, y l'informe peritáu sobre llinies llende xurisdiccionales.
• El caltenimientu y actualización de los fondos bibliográficos, de la cartografía histórica, de la documentación téunica, y del archivu d'información xurídica xeorreferenciada y de la coleición d'instrumentos, facilitando'l so accesu al públicu.
• La ellaboración de la propuesta d'anteproyeutu de presupuestos y la xestión y tramitación de los creitos y gastos asignaos al órganu direutivu, ensin perxuiciu de les competencies d'otros órganos cimeros o direutivos del Departamentu y en coordinación con ellos. Igualmente, y tantu pal so propiu ámbitu como pal relativu al so organismu autónomu, la definición del marcu estratéxicu conxuntu y la coordinación funcional de los servicios centrales y periféricos y de los proyeutos nacionales ya internacionales.
• Acordies coles directrices de la Subsecretaría, la collaboración na inspección operativa, nel desenvolvimientu de les polítiques de recursos humanos y na xestión del réxime interior, del parque de vehículos de la Direición Xeneral y de los sistemes informáticos comunes según la collaboración nel soporte xurídicu necesariu pal exerciciu de les funciones recoyíes nel presente artículu.

• Carlos Ibáñez e Ibáñez de Ibero (1870–1890)
• Severo Gómez Núñez (1917, 1921–1922)
• Rodolfo Núñez de las Cuevas (1974–1980)
• Julio Morencos Tevar (1980–1983)
• Emilio Murcia Navarro (1983–1984)
• Ángel Arévalo Barroso (1985–1994)
• José Teófilo Serrano Beltrán (1994–1995)
• Ricardo Díaz Zoido (1995–1996)
• José Antonio Canas Torres (1996–2002)
• Alberto Sereno Álvarez (2002–2012)
• Amador Elena Córdoba (2012–2018)^[2]
• Lorenzo García Asensio (2018–)^[3]

• Wikimedia Commons acueye conteníu multimedia sobre Institutu Xeográficu Nacional d'España .