Frepic-Awañak
El Frente Popular de las Islas Canarias o FREPIC-AWAÑAK ye un partíu políticu d'izquierdes que busca la independencia de Canaries d'España.
El so congresu constituyente foi en mayu de 1986. El FREPIC-AWAÑAK fórmase cola confluencia d'organizaciones polítiques minoritaries como la Organización para los Comunistas Canarios (OCC), o el PRAIC (Partido Revolucionario Africano de las Islas Canarias, organización política procedente del Partido de los trabajadores Canarios (PTC), brazu políticu del MPAIAC).
Congresu constituyente
[editar | editar la fonte]Nel congresu constituyente celebráu en 1986 falóse de superar lo que consideraben "errores de la Unión del Pueblo Canario", y constitúyense en "l'embrión d'esi gran movimientu popular que nos llevará hasta la República Popular Canaria, unificando nel trescursu de la llucha a les clases y sectores populares canarios que tan, oxetivamente, en contra del dominiu colonial y pola independencia política total, refugando abiertamente y «a priori» cualesquier salida autonomista, aún d' aquelles que se proclamen como «pasos» previos al autodetermín y la independencia", definiendo al FREPIC como "una organización popular, en tanto y en cuanto aspira a ser frente de mases y non una élite revolucionaria.".
Trayeutoria
[editar | editar la fonte]El FREPIC-AWAÑAK nunca llegó a tener representación política. Los meyores resultaos eleutorales d'esta organización fueron nes eleiciones al Senáu de 1996, nes qu'algamó cerca de 5.000 votos. De magar esti momentu'l FREPIC-AWAÑAK nun tornó a presentase a les eleiciones.
Nos años últimos, tres esperimentar delles escisiones y abandonos de la formación, el FREPIC-AWAÑAK vien faciendo una política d'averamientu a Marruecos (faciendo dures crítiques al Frente Polisariu), y tanto dende la derecha como dende otros sectores del independentismu acusaselos de tar financiada pola monarquía marroquina. Tamién dende distintos sectores políticos señálase una derechización nos plantegamientos d'esti partíu.
Anguaño'l FREPIC-AWAÑAK ta encadarmáu na islla de Gran Canaria.
El secretariu xeneral del FREPIC-AWAÑAK ye Tomás Quintana.
Referencies
[editar | editar la fonte]Enllaces esternos
[editar | editar la fonte]- [frepic@canariasestado.org/ Correo electrónico del Frepic Awañak]
Text is available under the CC BY-SA 4.0 license; additional terms may apply.
Images, videos and audio are available under their respective licenses.
