Frente Revolucionariu Antifascista y Patriota
Frente Revolucionariu Antifascista y Patriota | |
---|---|
organización armada | |
Direición | España |
Historia | |
Fundación | xineru 1971 |
Disolución | 1978 |
Fundador |
Partíu Comunista d'España (marxista-leninista) Frente Español de Liberación Nacional (es) ![]() |
![]() |
El Frente Revolucionario Antifascista y Patriota (FRAP) foi una organización antifascista surdida n'España mientres el réxime de franquista[1], con voluntá d'instaurar una República Popular y Federativa al traviés d'un movimientu insurreccional. Los sos miembros procedíen fundamentalmente de la clas obrera, la mocedá y sectores profesionales[2].
Fundación
[editar | editar la fonte]A pesar de que'l xineru de 1971 constituyóse'l comité pro-FRAP y que'l 1 de mayu de 1973 asesinó un policía en Madrid dempués d'una manifestación, cosa que provocó la detención de decenes de militantes[3], la organización constituyóse formalmente'l 24 de payares de 1973, nuna Conferencia Nacional celebrada en París, na que Julio Álvarez del Vayo esllió'l so Frente Español de Liberación Nacional. Álvarez del Vayo foi escoyíu como presidente y ratificáronse los puntos programáticos:
- Baltar la dictadura fascista y espulsar l'imperialismu yanqui per mediu de la llucha revolucionaria[2].
- Establecimientu d'una República Popular y Federativa que garantizara les llibertaes democrátiques y los derechos pa les minoríes nacionales.
- Nacionalización de los bienes monopolísticos y confiscación de los bienes de la oligarquía.
- Fonda reforma agraria en base a la confiscación de los grandes llatifundios.
- Lliquidación de los restos del imperialismu español.
- Fundación d'un exércitu al serviciu del pueblu.
La declaración foi roblada por delles organizaciones polítiques alredor del Partíu Comunista d'España (marxista-leninista), dixebra del Partíu Comunista d'España de Santiago Carrillo;
- la Oposición Sindical Obrera (OSO),
- la Unión Popular del Campo (UPC),
- la Unión Popular de Mujeres (UPM),
- la Federación Universitaria Democrática Española (FUDE),
- la Federación de Estudiantes de Enseñanza Media (FEDEM),
- la Unión Popular de Artistas (UPA),
- la Juventud Comunista de España (marxista-leninista),
- la Unión Socialista Española (USO),
- la Fracción marxista-leninista del Movimiento Comunista de España (MCE),
- la Nova Germania (antiguu Moviment Democràtic del Poble Valencià),
- y el mesmu Partíu Comunista d'España (marxista-leninista).
Actividá
[editar | editar la fonte]Dende los sos oríxenes protagonizó múltiples aiciones escontra la dictadura y denunció abiertamente la política revisionista siguida pola direición del PCE y Santiago Carrillo al estremase, según los marxistes-leninistes, de les teoríes y dogmes xenerales del comunismu estalinista, dientro del contestu de la rivalidá ente los comunismos chinu y soviéticu, y decididamente próximos al modelu albanés.
Los analises políticos sobro la crisis de la dictadura, y viendo que la insurrección popular nun resultara ser un factor desestabilizador suficiente, llevaron el FRAP a la práctica de la llucha armada y desaguaron nos atentaos escontra miembros de la policía nel branu de 1975. La rempuesta represiva del réxime de Franco provocó la detención de numberosos militantes, la celebración de dos conseyos de guerra y, finalmente, los fusilamientos el 27 de setiembre de 1975 de Xosé Humberto Baena Alonso, José Luis Sánchez Bravo y Ramón García Sanz.
Opuesta a tou tipu de pactu inclusive con militares demócrates o la ilesia progresista, resultó ser una organización cada vegada más apartada de los pactos y movimientos políticos reales que se taben dando na oposición a la dictadura. El trunfu de la operación de reforma política y la nueva situación conducieron a la so final y la so disolución en 1978.
Referencies
[editar | editar la fonte]Text is available under the CC BY-SA 4.0 license; additional terms may apply.
Images, videos and audio are available under their respective licenses.