Edward Arnold
Edward Arnold | |||
|---|---|---|---|
 | |||
1940 - 1942 ← Ralph Morgan - James Cagney → | |||
| Vida | |||
| Nacimientu | Manhattan[1], 18 de febreru de 1890[2] | ||
| Nacionalidá |
 Estaos Xuníos | ||
| Llingua materna | inglés | ||
| Muerte | Encino, 26 d'abril de 1956[2] (66 años) | ||
| Sepultura |
San Fernando Mission Cemetery (en)  | ||
| Causa de la muerte | hemorraxa cerebral | ||
| Estudios | |||
| Llingües falaes | inglés | ||
| Oficiu | actor, autobiógrafu, actor de teatru, sindicalista, actor de cine | ||
| Premios |
ver
| ||
| Creencies | |||
| Partíu políticu | Partíu Republicanu de los Estaos Xuníos | ||
| IMDb | nm0036427 | ||
 | |||
Günther Edward Arnold Schneider[4] (18 de febreru de 1890, Manhattan – 26 d'abril de 1956, Encino), conocíu como Edward Arnold, foi un actor d'Estaos Xuníos. Los sos padres fueron los inmigrantes alemanes Carl Schneider y Elizabeth Ohse.
Comenenciudu na interpretación dende la so mocedá (apaeció per primer vegada na escena a los 12 años interpretando a Lorenzo en El mercader de Venecia), Arnold debutó profesionalmente nel teatru en 1907, coprotagonizando xunto a Ethel Barrymore Dream of a Summer Night. Atopó trabayu como extra nos Essanay Studios y World Studios, enantes de consiguir el so primar papel importante en 1916 en The Misleading Lady. En 1919, dexó'l cine pa volver al teatru, y nun fixo más películes hasta 1932, cuando debutó nel cine sonoru con Okay America!. El so papel na película de 1935 Diamond Jim (Diamond Jim) llanzó-y al estrellalgu. Retomó'l so papel de Diamond Jim Brady na película de 1940 Lillian Russell.
Annie Get Your Gun (1950).
Arnold trabayó nunes 150 películes. Anque foi etiquetáu de box office poison (venenu de taquilla) en 1938 por una publicación especializada (compartió esta dudosa distinción con Katharine Hepburn, ente otros), nunca-y faltó trabayu. A pesar de que pasu ente pasu foi dexando los papeles principales, foi un actor tan solicitáu que de cutiu trabayaba en dos películes al empar.
Foi espertu na interpretación de gañines y de representantes de l'autoridá. Fízose famosu polos sos papeles en Come and Get It (1936), Sutter's Gold (1936), The Toast of New York (1937), You Can't Take It With You (1938), Mr. Smith Goes to Washington (1939) and The Devil and Daniel Webster (1941). Foi'l primer actor n'encarnar al famosu detective Nero Wolfe, creáu por Rex Stout, protagonizando Meet Nero Wolfe (1936), la película basada na primer novela de la serie. Tamién foi'l detective ciegu Duncan Maclain en dos películes basaes nes noveles de Baynard Kendrick, Eyes in the Night (1942) y The Hidden Eye (1945). De 1947 a 1953, Arnold protagonizó'l programa radiofónicu de l'ABC Mr. President. Ente les sos apaiciones en televisión, puede mentase l'estrenu de Twelve Angry Men, de Reginald Rose, en 1954.
Arnold foi unu de los actores preferíos de Frank Capra, y trabayó con él en tres películes.
Foi presidente del Screen Actors Guild dende 1940 a 1942. Dende la década de los cuarenta, sofitó la política del Partíu Republicanu de los Estaos Xuníos, y mentóse-y como un posible candidatu del partíu a les eleiciones pal Senáu de los Estaos Xuníos. Darréu adoptó una postura ríxida contra los presuntos comunistes de Hollywood, al empar qu'intentaba protexer a los actores frente al HUAC. Foi tamién co-fundador de la fundación I Am An American.
Casóse tres veces: con Harriet Marshall (1917-1927), cola cual tuvo tres fíos: Elizabeth, Jane y William (que tuvo una curtia carrera col nome de Edward Arnold, Jr.); con Olive Emerson (1929-1948) y con Cleo McLain (de 1951 hasta la muerte de Arnold). Finó na so casa de Encino, California, por causa d'una hemorraxa cerebral, y foi soterráu nel campusantu San Fernando Mission.
Filmografía escoyida
[editar | editar la fonte]- The Misleading Lady (1916)
- Okay America! (1932)
- Three on a Match (1932)
- I'm Non Angel (1933)
- Roman Scandals (1933)
- Thirty Day Princesa (1934)
- The Glass Key (1935)
- Diamond Jim (1935)
- Come and Get It (1936)
- The Toast of New York (1937)
- You Can't Take It With You (1938)
- Caballero ensin espada (1939)
- Meet John Doe (1941)
- The Devil and Daniel Webster (1941)
- Johnny Eager (1942)
- Kismet (1944)
- Mrs. Parkington (1944)
- Ziegfeld Follies (1946)
- The Hucksters (1947)
- Command Decision (1948)
- Take Me Out to the Ballgame (1949)
- Annie Get Your Gun (1950)
- City That Never Sleeps (1953)
- The Ambassador's Daughter (1956)
- Miami Expose (1956)
Referencies
[editar | editar la fonte]- ↑ Afirmao en: Gemeinsame Normdatei. Data de consulta: 15 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ 2,0 2,1 Afirmao en: Gemeinsame Normdatei. Data de consulta: 2 mayu 2014. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: https://walkoffame.com/edward-arnold/.
- ↑ [1]
Enllaces esternos
[editar | editar la fonte]
Wikimedia Commons acueye conteníu multimedia sobre Edward Arnold 
.- Edward Arnold na Internet Movie Database (n'inglés)
- Edward Arnold na Internet Broadway Database (n'inglés)
- Edward Arnold n'AllMovie (n'inglés)
- «Edward Arnold». en Find a Grave. (n'inglés)
Datos: Q522803- Multimedia: Edward Arnold
Text is available under the CC BY-SA 4.0 license; additional terms may apply.
Images, videos and audio are available under their respective licenses.
