Dengá
| Dengá | |
|---|---|
 | |
| País | Principáu de Moscú y República de Nóvgorod |
 | |
El dengá (rusu: деньгá, antes денга) foi una unidá monetaria rusa equivalente a mediu kópek (100 kopeks faen un rublu). Tiense poca conocencia tanta de los sos oríxenes como de la so desapaición, pero créese que surdió a partir d'una moneda utilizada nos Balcanes durante'l sieglu V y foi cayendo en desusu a lo llargo del sieglu XVIII, sumiendo a principios del XIX. Nunca tuvo un cambéu oficial col rublu, yá que'l so valor variaba d'una rexón de Rusia a otra.
El so acuñamientu empezó en Rusia a mediaos del sieglu XIV, de primeres como imitaciones de les monedes de plata de la Horda d'Oru. Pesaben aproximao un gramu. Na dómina de Dmitri Donskói les monedes empezaron a amosar motivos rusos, anque siguieron apaeciendo inscripciones nel alfabetu árabe de la Horda hasta los tiempos d'Iván III.
Les dengás fueron producíes namái nos principaos rusos del sur, una y bones les ciudaes de Nóvgorod y Pskov teníen les sos propies monedes de plata. En 1535 establecióse un cambéu de dos dengás o "moskovka" por caúna d'estes monedes de plata o "novgorodka". Na década de 1540 empezó la producción de novgorodkas cola imaxe d'un caballeru con una llanza (en rusu kopyó), lo que dio orixe a la moneda depués llamada kópek.
L'acuñamientu d'esta moneda paez baxar tres el sieglu XVI, siendo cada vez más infrecuente, anque se sabe que siquier persistieron hasta'l reináu de Pedro'l Grande, cuando algamaron un pesu de 0´14 gramos y devaluárense hasta ser inútiles na mayoría de les transaiciones. Na reforma qu'esti Zar fixo de la moneda reforzó'l so valor, siguiendo en circulación hasta 1916.
Nel sieglu XIX la denominación tradicional d'esta moneda pasó de Dengá al diminutivu Dénezhka, antes de quedar resumíu en ½ Kópek.
-
Dengás de plata de la República de Nóvgorod, 1420-1487 -
1854. Dénezhka -
1909. ½ Kópek
Acuñadores
[editar | editar la fonte]- Pedro'l Grande (1700-1718)
- Anna Ioánnovna (1730-1731, 1734-1740)
- Iván VI de Rusia (1741)
- Isabel Petrovna (1743-1754, 1757-1760)
- Pedru III de Rusia (1762)
- Catalina II de Rusia (1764, 1766-1775, 1783-1796)
- Pablo I de Rusia (1797-1801)
Referencies
[editar | editar la fonte]Enllaces esternos
[editar | editar la fonte]
Wikimedia Commons tien conteníu multimedia tocante a Dengá.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
