Tati Valdés
Vida
Nacimientu	Cuna, 28 de marzu de 1947
Nacionalidá	España
Muerte	Xixón, 14 de febreru de 2009 (61 años)
Estudios
Llingües falaes	castellanu
Oficiu
Oficiu	futbolista
Trayeutoria   Equipu 1965–1979 Real Sporting de Xixón 357 (45)   Entrenador – Sporting Atlético

Crisanto García Valdés (28 de marzu de 1947, Cuna – 14 de febreru de 2009, Xixón), más conocíu como Tati Valdés, foi un futbolista asturianu. Xugó tola so carrera nel equipu asturianu del Real Sporting de Xixón. Foi conocíu col nomatu de La Maquinona.

Entamó a xugar al fútbol na so villa natal, llegando al Sporting, procedente del Caudal de Mieres, con 18 años y debutando col equipu xixonés frente al Indauchu, el 17 d'ochobre de 1965. Col Sporting xugaría hasta l'añu 1979, entamando entós la so carrera de téunicu. El so puestu yera de centrocampista (interior izquierdu, númberu 10) y destacaba polos sos pases en fondura a los estremos.

Popularizó la frase «yá llegará'l barru» en respuesta a los entrenadores a los que nun-yos gustaben les carauterístiques del so xuegu. Coincidió con una xeneración imprescindible na historia del sportinguismu: Quini, Churruca, Ciriaco, Ferrero, José Manuel, ...