Cámara de los Vieyos
| Cámara de los Vieyos مشرانوجرګه | |||||
|---|---|---|---|---|---|
 | |||||
| Datos Xenerales | |||||
| País |
 Afganistán | ||||
| Tipu | Cámara alta | ||||
| Lideralgu | |||||
| Presidente |
Fazel Hadi Muslimyar (Voceru) | ||||
| Estructura | |||||
| Miembros | 102 miembros | ||||
| Sitiu web | |||||
| mj.parliament.af | |||||
| |||||
| [editar datos en Wikidata] | |||||
La Cámara de los Vieyos (en paxtu: مشرانوجرګه Meshrano Jirga) ye la cámara alta de l'Asamblea Nacional d'Afganistán; la cámara baxa ye la Cámara del Pueblu. La Cámara de los Vieyos cunta con 102 miembros.
Estructura
[editar | editar la fonte]La Cámara de los Vieyos cunta con 102 miembros. Una tercer parte (34 miembros) ye escoyida polos conseyos de los distritos (un miembru per cada provincia) pa una cadencia de trés años, otros 34 miembros son escoyíos polos conseyos de les provincies (un miembru per cada provincia) pa una cadencia de cuatro años, los 34 miembros que queden son nomaos pol presidente del país pa una cadencia de cinco años.
Sicasí, mientres les eleiciones parllamentaries de 2005 nun s'escoyó los conseyos de los distritos. Por eso, cada conseyu provincial escoyó un miembru por qu'ocupe temporalmente l'escañu na Cámara de los Vieyos hasta que se lleven a cabu les eleiciones previstes para dicha cámara na Constitución.
La metá de los candidatos nomaos pol presidente deben de ser muyeres, dos deben de ser d'ente les persones con dalguna discapacidá y dos deben de ser de los kuchis.[1]
Requisitos
[editar | editar la fonte]Estos son los requisitos necesarios pa resultar escoyíu como miembru de la Cámara de los Vieyos d'Afganistán:
- ser mayor de 35 años;
- ser ciudadanu d'Afganistán.
Los miembros de la Cámara de los Vieyos nun pueden ser acusaos nin xulgaos polos crimen contra la humanidá.[2][3]
Escaños reservaos pa les muyeres
[editar | editar la fonte]Les muyeres nel parllamentarismu afganistanu nun fueron presentes hasta l'añu 2001, dempués de la cayida de los talibán. En 2002 el Parllamentu d'Emerxencia Loya Jirga acutó'l 10% de los 1600 escaños de l'asamblea pa les muyeres.
La nueva Constitución de 2004 aseguró asientos reservaos pa les muyeres y les minoríes en dambes cámares del parllamentu. Nes eleiciones parllamentaries de 2005, les muyeres afganistanes llograron 89 escaños. Según la Xunión Interparllamentaria, en 2009 llograron 67 escaños (27,7%) na Casa del Pueblu y 22 (21,6%) na Cámara de los Vieyos. Esta representación ye cimera a la media mundial del 18,5% y percima de la media de los Estaos Xuníos nel 16,8% pal Congresu y el 15,4% pal Senáu.[4][1]
Miembros de la Cámara
[editar | editar la fonte]La Cámara de los Vieyos cunta con 102 miembros escoyíos en 2005.[5]
Ver tamién
[editar | editar la fonte]- Política d'Afganistán
- Asamblea Nacional d'Afganistán
- Cámara del Pueblu
- Eleiciones parllamentaries d'Afganistán de 2005
- Eleiciones parllamentaries d'Afganistán de 2010
Enllaces esternos
[editar | editar la fonte]- Constitución d'Afganistán. Capítulu V (sobre l'Asamblea Nacional) Archiváu 2013-10-28 en Wayback Machine
Referencies
[editar | editar la fonte]- ↑ 1,0 1,1 «Afghanistan Online: The Constitution of Afghanistan. Chapter V» (inglés). Archiváu dende l'orixinal, el 2013-10-28. Consultáu'l 6 de payares de 2016.
- ↑ «Afghanistan Online: The Constitution of Afghanistan. Chapter V» (inglés). Archiváu dende l'orixinal, el 2013-10-28. Consultáu'l 6 de payares de 2016.
- ↑ «The Afghanistan Embassy - The Parliament» (inglés). Archiváu dende l'orixinal, el 6 de payares de 2016. Consultáu'l 6 de payares de 2016.
- ↑ more-women-in-national-parliament/ Afghanistan Has More Women in National Parliament Seats Than the U.S.. Priceonomics. https://priceonomics.com/afghanistan-has more-women-in-national-parliament/. Consultáu'l 6 de payares de 2016.
- ↑ «Parliament Of Afghanistan» (8 de febreru de 2009). Archiváu dende l'orixinal, el 8 de febreru de 2009. Consultáu'l 6 de payares de 2016.
Datos: Q1194049
Text is available under the CC BY-SA 4.0 license; additional terms may apply.
Images, videos and audio are available under their respective licenses.
