Bandera Collorada
![](https://upload.wikimedia.org/wikipedia/commons/thumb/2/21/Bahnmarke_bleibt_an_Backbord_liegen.svg/150px-Bahnmarke_bleibt_an_Backbord_liegen.svg.png)
La bandera collorada ye un emblema socialista, comunista y en xeneral tamién del movimientu obreru asociáu particularmente cola izquierda revolucionaria, anque tamién forma parte de la tradición socialdemócrata y llaborista, siendo un estandarte usáu por partíos como'l Partíu Llaborista nel Reinu Xuníu, el Partíu Socialista Francés y grupos asemeyaos nel mundu enteru. L'usu polos socialdemócrates menguó nos últimos tiempos, si bien ye necesario anotar que munchos d'ellos alloñáronse de la izquierda política. D'otra banda, el sentíu radical de la bandera ye muncho más antiguu que'l socialismu.
Ye común ver banderes colloraes sobreimpreses colos nombres o emblemes de partíos, movimientos, organizaciones o sindicatos. Las banderes colloraes son con frecuencia vistes en protestes, manifestaciones y marches. El colloráu ye'l color del desafíu tanto como tamién un símbolu del sangre de la clas trabayadora, el proletariáu.
La bandera collorada ta fuertemente asociada na concencia popular col comunismu; esta idea formóse probablemente poles banderes de la República Popular China y de la XRSS. Otros estaos socialistes, como Vietnam, tamién tienen banderes mayoritariamente coloraes. De toes formes, otros estaos y territorios de gobiernos non socialistes tamién caltienen banderes colloraes por razones históriques. La espresión bandera colorada utilizárase tamién nos cancios o marches conmemoratives de dellos partíos o movimientos d'inclín socialista; como se ve nel casu del desaparecíu Partíu Comunista Italianu, y que'l so himnu nómase precisamente Bandera Collorada.
Referencies
[editar | editar la fonte]Enllaces esternos
[editar | editar la fonte]Text is available under the CC BY-SA 4.0 license; additional terms may apply.
Images, videos and audio are available under their respective licenses.