Abeyar carniola (Apis mellifera carnica) ye una subespecie d'abeya doméstica d'Europa Occidental. Orixinaria d'Eslovenia, tien una área de distribución xeográfica natural que toma Austria, parte d'Hungría, Rumanía, Croacia, Bosnia y Herzegovina y Serbia.^[1] Foi introducida pol home n'otros países o continentes, como Canadá, Estaos Xuníos y Sudamérica.^[2]

Esta subespecie de Apis mellifera natural y afecha a la rexón eslovena de Carniola, actual Kranjska, Eslovenia, parte sur de los Alpes austriacos y norte de los Balcanes.

Na actualidá esta subespecie ye bien popular ente los apicultores y compite cola abeya italiana Apis mellifera ligustica. La carauterística principal d'esta abeya ye que ye mansa. La subespecie tópase bien afecha a la disponibilidad de néctar, llogrando una rápida crecedera poblacional en primavera, achicando tamién rápido la producción de cría cuando l'alimentu empieza a arralecer. Considerense resistentes a enfermedaes que pueden debilitar otres subespecies, teniendo d'acotase esta afirmación.

Tien el mesmu tamañu que l'abeya italiana, estremándose pol so color castañu-buxu xeneralmente escuru, con rayes de un color castañu más llixeru.

Les abeyes carnioles son grandes y llargues como l'abeya negra d'Europa occidental Apis mellifera mellifera. La so glosa o llingua ye bien llarga de 6,5 a 6,7 milímetros lo que-y dexa  algamar néctar de flores como'l trébole qu'otres abeyes nun pueden libar. Tien bien bona producción de miel en primavera y branu, pudiendo algamar los mielatos de coníferes que nun pueden aprovechar otres subespecies.

Presenten una pelame bien curtia. En Sudamérica, onde una serie d'híbridos naturalizóse y ye denominaes abeya criolla, siendo principalmente'l so abolengu xenéticu'l de Apis mellifera mellifera, nun ye posible estremala fácilmente d'A. m. carnica. Les cruces de machos de raza carnica con otres races de Apis mellifera dan escelentes resultaos. Sicasí, l'encruz d'abeyes carnica con machos negros de Apis mellifera mellifera xeneren abeyes bien ensamadores.

• Son manses o pocu agresives .
• Los apiarios pueden tar próximos a árees poblaes.
• Tienen meyor sentíu d'orientación que l'abeya italiana.
• Hai menos deriva d'obreres.
• Nun son pilladoras comparaes coles abeyes italianes, pero pillen.
• Pasen l'iviernu con una colonia más amenorgada.
• Afaise rápido a los cambeos ambientales.
• Pórtense perbién en llugares d'iviernu llargu.
• Rápida producción de cría.
• Pocu propolizadoras.
• Bona resistencia a enfermedaes especialmente a enfermedaes de la cría.
• Bien afeches a les árees de fluxu de néctar en primavera, libando miel y mielatos.
• Bona adautación polo xeneral a tolos climes.
• Almacena les provisiones cerca de la cría.

• Mayor propensión a ensamar si nun hai un manexu fayadizu.
• Poca producción de cera y de setos (nun hai aceptación xeneral nesti puntu).
• Nun tien bona adautación a branos calientes.
• Ye propensa al pillaje, cuando hai escasez d'alimentu.